إذا قدر لي أن أعيش حياتي مرة أخرى لكنت وجدتك عاجلاً
*******************************
حسين. معقوله هيج اكو بشريه استغفرالله ياربي
بس لازم اساعد نور هيه طلبت مني عيب اردها بس شنو لازم اسوي؟؟ خل اتصل ع براء واشوف
اتصلت عليه مارد.. اتصلت عليه مرتين يلا رد..
حسين. الو وينك يابه
براء. نايم شتريد
حسين. يابه اتصلت عليه نور وهاي
براء. هسه انته متصل عليه علمود نعول؟؟
حسين. دكل چبس لاتغلط ع مرتي
براء. دحجي مرته هوا ابو خيسه
حسين. شسمه نور.......... وهذا الصار وتريدني اساعدها شسوي؟
براء. يمعود انته بيك شي!!! تريد تتورط وي هالوادم الهمج وعلي يكتلوك ويشمروك انته وياهن ونوب خاف تصير سالفه وتصير انته عشيگ هاي استبرق مدري مني
حسين. دولي هسه جاي تخوف بيه انته!
براء. ماخوفك جاي احجيلك ع الواقع جا تريد تشمر روحك بنار وانته متدري بالعواقب
حسين. ماعرف ساعدني ماكدر اردها خطيه
براء. اممممم استغفرك يربي باجر صبح نتفاهم
حسين. تمام
صح خفت من كلام براء وادري صح قابل شنو يعني ناس بهل تخلف اذا عرفوا شاب وي بنتهم شيسون يصفكون... بس كل فكري بنور كلت مستحيل لو تصير دموم اساعدها
في صباح اليوم التالي....
نور. رحت مريت ع لميس وطلعنه لدوام اليوم ح نقابل حسين ونشوف شنو خطته وشنو ح يسوي
لميس. مو كتلج خوش ولد وح يساعدنه
نور. اممممم
لميس. ضلي تكبري تكبري خاب وين لاگيه هيج ولد يخبل واخلاق يطلب يصادقني متعافيه
نور. لميس مو وقتها كافي خل نلتهي بأستبرق افضل
وصلنه للكليه دخلنه لاول محاضره وطلعنه ب 10 لكيت حسين دازلي مسج
" يم كليه براء نلتقي اذا نلتقي بكليه استبرق ممكن يجي علاء ويشوفنه "
نور. لميس امشي
لميس. وين
نور. لنار جهنم
مشينه ووصلنه لكليه براء..
توضيح 🚫: الكليه العسكريه بعيده عن الكليات الثانيه بس براء بوقتها جان بغير جامعه بعدها قدم ع كليه اهليه عسكريه يعني حاليا هوا بكليه غير عن الكليه العسكريه ف خاف يعني يصير ارتباك شون يعني يرحن للكليه العسكريه وهيج.
