وبقينا بننام والدموع ف عنينا محبوسه من كتر الوجع..
*********************************
هيفاء. كلش فرحانه بالحجاب واحس صرت مستوره رغم هذا الشي مو كل احد يسويه ولا كل شخص يهتدي بي بس احمد الله واشكره لان هداني لطريق الصح اني وصديقتي ساره..
ام هيفاء. ها ماماتي عجبنج الملابس
هيفاء. ي ماما ملابس المحجبات كلش انيقه وخاصه الملابس الشتويه
ام هيفاء. اصلا ح اشتريلج مو بس هذن كل ما اروح اجيبلج قطعه وياي
هيفاء. هههههههه ماما شكد احبج يلا ح اصعد ارتب ملابسي
ام هيفاء. يلا نياتي كومي
صعدت رتبت ملابسي ونضفت غرفتي رغم ماما متخليني اشتغل بس عيب اكول اني بنيه جبيره وماما وحدها انضف وياها واغسل مواعين وهاي
متغدينه لان اكلنه بالسوگ وبنفس الوقت بابا بالدوام يبات هناك ف مسوينه غده..
ام هيفاء. هيفاء ماما تعالي ابوج اتصل
هيفاء. اي ماما جايه.. رحت ركض ملهوفه اسمع صوت بابا سلمت عليه واطمن علينه وطلب من ماما تقفل الابواب والشبابيك بليل وتطفي اضويه الشارع والحوش كل مايروح يوصي ماما تسوي هيج تعرفون بعد نسوان و لوحدهن كلشي يصير..صارت الساعه 6 المغرب نزلت اشوف ماما شمحتاجه لفيت لفه واخذت عصير وصعدت لغرفتي حضرتلي فلم ولازم احضر اجواء افلام وكذا 😂✨سويت شاميه وببسي وجبسين ليز وصحن مكسرات خليتهم بالغرفه ودخلت للحمام اسبح... وفجأه اجاني مسج هزاني هز.......
الرقم الغريب. هلا هيفاء شونج
هيفاء. طلعت من لحمام مشطت ولبست بجامه نوم وجان اشوف مسجات من الواتس
منو؟؟!
الرقم الغريب. سألتج شلونج جاوبي!
هيفاء. شنو؟؟! داسالك منو ومنين جبت رقمي ومنين تعرف اسمي!!!!!!
الرقم الغريب. كلهن هذن اجاوب عليهن مابيه حيل
هيفاء. باوع لدوخني تحجي لو ابلكك
الرقم الغريب. والله ياهيفاء لسانج طولان وصايره قويه
هيفاء. نكرت الشخص الاجه بالي وحجيت برجفه لا مو هوا مو هوا منين جاب رقمي واني غيرت سيم كاردي منين مو هوا اكيد
اسمع هاي اخر مره كول منوو؟
الرقم الغريب. علي
هيفاء. ثواني وحسيت مر كلشي ع مخيلتي كل الصار الرعب والخوف والاذيه الشفتها منه التهديدات جسمي الي سلمته اله خيانتي لثقه اهلي صديقتي الي ورطتها وياي أرجف وكصتي عركت .. فجاه اتصل شمرت الجهاز من ايدي وشهگت لا لا مو انته مو انته رحت اركض لباب غرفتي وتذكرت ماما مستحيل مستحيل ماريد ماما تعرف تموتني والله رجعت لغرفتي بخطوات بطيئه واباوع بكل مكان وعيوني غرگانه دموع وجسمي كله يرجف الغريب الجهاز مبطل يرن سحبته وجاوبت
اسمع صوت انفاسه بالاتصال وقرفانه منه
