رجعت للبيت وكلبي ممطمن وعقلي صاير بحر من الافكار روجه تطك روجه... بس لا ماراح امسح المحادثات اكبر دليل ممكن يدمر علي واباذر هوا المحادثه..لهيج حأنسخها بجهاز حوراء هيه أأمن واكدر اثق بيها ..
ليش داحس نفسي ضايجه وبلكوه اتنفس وليش من شفت هذاك الحيه اباذر ضجت لان سوه هيج.... اني جنت اكرها من سحبني وختل بيه وهسه كرهته اكثر من سوه هيج بصديقتي اااوف تعبت والله التفكير موتني اني خايفه ع هيفاء لان هذول ميتأمنون وكلامهم كله جذب اعرف الحجوا جان مجرد بس حته يهدأون الاوضاع بس اني ملازم اسوي احجي لهيفاء واخوفها لازم ابرد ع كلبها وماحجي شويه احجي شي يطمنها كله دتحس انو بيها شي وهذا غلط اوف يهيفاء ...
دخلت البيت واني ضايجه وتايهه بأفكاري ..
ام ساره. هلايمه اجيتي شلونها هيفاء؟
ساره. صافنه ومتسمع امهه شتحجي
ام ساره. ساره تسمعيني يمه؟
ساره. ها يمه اسفه جنت افكر بسالفه.. ها اي هيفاء زينه بخير صارت احسن من قبل
ام ساره. حمدالله سلميلي عليها وع امها
ساره. يوصل يمه
ام ساره. صيحي لابوج واخوانج خل يجون يتعشون
ساره. دللي يمه
ساره. بابا وينك تعال اتعشه؟... حسن حوراء حسين تعالوا..
ابو ساره. هلابنيتي اجيت اليوم دولمه شون ماجي
ساره. وتاليتك وي الدولمه ..
ابو ساره. عشق البصره الدولمه من بعد المسموطه ( مركه سمج بس السمج هنا يكون يابس قبل منطبخه)
ام ساره. ابوج من اول مازوجته خلاني اسوي دولمه وجنت ماعرف علمتني بيبيتج ام ابوج الله يرحمها وبعدين تعلمت وكمت اسويها احسن من قبل
حوراء. خاله بدون مبالغه الاكل مالتج يخبل اتمنه تعلميني اطبخ بطعم طبخج
ام ساره. تدللين بنيتي اعلمج نمونه
الكل اكل وشبع الحمدالله غسلت المواعين وحوراء كنست البيت ونضفته وصعدت لغرفتي وحسين ومرته وامي وابوي بالصاله وحسن طالع وي أصدقائه
طلعت من الحمام ... وجان يجي اشعار من هيفاء..
يبوو نسيت احاجيها اطمنها هسه كلبها نار.
اتصلت عليها ردت بسرعه..
هيفاء. ها ساره احجي
ساره. ها حبيبتي.. اطمني ماكو شي حيحذف بس مقابل احذف محادثات التهديد لتخافين كلشي نحل نشاءالله
هيفاء. صدك ساره خاف جذبين عليه..
ساره. فدوه اروحلج المن اجذب هذا الصار حجيته
هيفاء. اعذريني مدري شكمت احجي اسفه يروحي
ساره. عادي حبي حقج مالومج .. يلا ارتاحي باجر دوامنه..
