سأختلـِس رآئـِحتك وَ أخبئهآ فـِي رِئتيّ لأتنفسـَك كـُلما رآودنـِي الشـَوق اليك …!
***************************
رحت جبت طرشي وكم شغله وصتني عليهم نبع الحنان ورجعت للبيت حسن بعده صغير والمحل بعيد ف نخاف عليه يطلع...
حسين. هاج يمه بعد أمري شتردين
ام ساره. اريدك سالم يروحي
خلص اليوم عادي واني كلبي نار اريد يجي الاحد بأسرع وقت حته اروح اتعرف عليها باتوا يمنه والبنات توزعن بغرف خواتي كعدت بغرفتي اكنك ماحب اطلع اذا عمتي موجوده تضل تحجي حجي يضوج بحجه التحشيش صارت الساعه ب1 ونص عطشت رحت اشرب ماي جان اسمع طكطه بالمطبخ لزمت كلبي عبالي جني ي عادي اخاف جا الجني تخافه بس البنات.. رحت امشي ع كيف جان اشوف حوراء لابسه لبس فاضح زنودها وصدرها دلع ورجليها وواكفه تلف لفه وتاكل ضليت مصدوم واكف بمكاني وهيه ماتدري تلف وتدندن وي نفسها
بلعت ريگ ندارت عليه وعاطت..
حوراء. يمهههه عزااااااا
حسيننن شدسوي هنا دور دورر وجهك
حسين. هااا ي ي درت شسوين هناااا بهذا لبسج غير اكو شباب
حوراء. الشباب يفترون نص الليالي شنيييهههه
حسين. مفتر بشارع الخلفوج غير ابيتي
حوراء. ي خوش روح خل اطلع
رحت طلعت وهيه راحت تركض بس اول مره اشوف تفاصيلها كلش حلوه بس ما عجبتني ابد مدخلت مزاجي هيه اصغر مني وماتدرس يعني مو بالي
رحت للمطبخ لفيت لفه وطلعت لغرفتي نمت...
ثاني يوم كعدت رحت سبحت ولبست ماعرف احس نفسي وصخ من اكعد لصبح لازم ابدي يومي بسبحه حلوه رحت طلعت وشفت البنات كاعدات ع القنفه بالصاله ساره وحوراء.. باوعتلي حوراء ودنكت بسرعه حقها امس شفتها مصلخه اله شويه مهم ماحسستها بشي مشيت ورحت للمطبخ تريگت وطلعت
مر اليوم عادي والعصر مشوا بيت عمتي رتاحيت احس جنت مقيد..
واخيرا اجه الاحد كعدت نشيط سبحت وشسورت شعري ولبست لبس حلو ومرتب رشيت عطر ولبست ساعتي وطلعت لكيت سجئ تنتظر الخط مالتها صبحت عليها ورحت وي براء للدوام..
براء. ياصباح الله خير شنو خويه رايح تخطب نور
حسين. اخخ احلا يوم غير
براء. اولغسل اي والله شني مشايف بنات
حسين. ي والله مشايف ملطلط + شو كمت تحجي بصراوي شني اثرت بيك
براء. ي لهجه الجنوب عجبتني اخي
وصلني لجامعتي وراح لجامعته ماعندي محاضرات هواي محاضره تبلش ب8 وتكضي ب10 وتليها محاضره ب10 ونص تخلص ب12 عندي وقت هواي حته اروح لكليتها....
*********
نور. كلش ضايجه لان استبرق هيج عايشه حياتها وي هل همج معقوله هيج اكو ناس؟؟؟
بس شون اساعدها شون انقذها من هذا الصخل اوف يربي
رحت للكليه ماليخلك كارهه روحي ولميس وياي هم ضايجه.. وصلنه دخلنه للمحاضره منتظره تخلص حته امر لاستبرق ليوم عندي بس محاضره وحده وتخلص ب10 يعني عندي مجال منا ل3 اشوفها واحجي وياها
