يخطئ القلب لحظه..فـيعاقبه العقل سنين..
..............................................................
اباذر. من شفت منظرها والتمضحك وي هالضابط
وجذبها عليه حسيت نفسي واحد غبي وتافه
وحسيت انو هالطفله والمراهقه تضحك عليه
بس وحق الله اني اعلمها اله اربيها من جديد
وشعدها وي هالضابط وليش جذبت عليه
معقوله تجذب عليه مغزر بيها كلشي سويته
طيب ياست ساره انتي جبرتيني اتغير
ساره. رجعنه للبيت بس ماسولفلكم ع التعب
يمه احس رجلي صايرات هيج خيوط
من رجعنه اتصل ابو هيفاء وطلب من هيفاء
تجهز نفسها حته يجي ياخذها....
هيفاء. يلا حبيبتي انتبهي ع نفسج اتمنئ مقصرت وياج
ساره. يروحي انتي والله تونست وياج
مقصرتي احبج
هيفاء. اموت عليج... سمعت صوت هورن
ونزلت ودعت لكل ورحت وي بابا
ساره. من راحت هيفاء ضجت تعودت عليها
برغم اهلي ممانعيني اروح يمها بس ابد ماحب اروح
اريدها هيه تجي ومثل مشفتوا ممقصره هيه
دائما تجيني
واني داحجي وي نفسي جان تصعد حوراء
حوراء. ساره كومي خنسوي عشه عيب
ساره. ليش مو جبنه العشه جاهز؟!
حوراء. ي تعاي نجهزه يمعوده
ساره. اجيت اجيت
جهزنه العشه ونصها ما اكلت لان اكلنه
بالمول لميت السفره وسوينه گهوه لان ميحبون الجاي بس براء يحبه
ام علي. عاشت ايدج ساره كلش طيبه الگهوه
ساره. تدللين خاله
كعدت يم امي وهمه يحجون ويشاقون ويضحكون
وكلما ارفع راسي اشوف عيون براء عليه كلش استحيت وماخذت راحتي
براء. كاعده كبالي بنت الذين وماتريدني اباوع الها
صارت ساعه ب11 وجان ساره تجيب لفراشات وتمدهم بالديوان لان نعسنه ونريد انام
ساره. جبتلهم فراشاتهم وناموا وصعدت اني ولبنات للغرفتي مديتلهن جوه فراشاتهن ونامن....باوعت لجهازي ولامسج من اباذر
ساره. هذا شبي ليش ممراسلني؟! يوووه دخيولي الراسل والضل خلنام تعبانه
كعدت الصبح ع صوت ايانا
ساره. صباح الخير
ايانا. هلا حبي صباح لنور... خو مكعدتج اسفه
ساره. لا شقصه بيش ساعه هسه؟
ايانا. ب10 حبيبتي
ساره. شو مبدله شكو وين رايحه؟!
ايانا. حنروح اني وامي وامج ولطيفه نتسوق كم شغله من البصره كلش حلوه غراض البصره وشغلاتها لان تعرفين العصر احنه نروح
