وَ نذر لو جَيت
لـ آفرشلكَ شواطيّ الروح كُلها وَرود ..
**************************
اباذر. ااووف خرب شلون وين اضمج🫂
ساره. لبست القميص مالته بس حسيت بشي غريب ماعرف شنو هوا
جان اشوفه يطلع بغير طريق مو نفس طريق المدرسه ...
ساره. شدسوي نته وين ماخذني
اباذر. ساكت...
ساره. داحجي وياك رد فهمت وين ماخذني هيووو جاوبني
( يمه وين حياخذني هذا يمه وينجججج )
ساره. جاوبني حيواننن وين ماخذني احجي وين هذا مو طريق المدرسه .... طريق كله تراب اريد بيت ماكو خرب وين جابني بس لاحيسوي شي بيه
اباذر. وصلنه انزلي...
ساره. دنجب وين انزل وين جبتني هيووو وين
اباذر. انزلي داكلج ... لزمتها من ايدها بس عضتني وبقيت لازم ايدها ونزلتها غصب عنها
ساره. لزمني من ايدي واني عضيته بس ولا حس بالوجع اخذني غصب
دخلني لبيت ... بس شحجيلكم هذا الحجي يسحل بيه سحل
اباذر. دخلتها للبيت ورحت اسويلها فد شغله.. ابد مجانت نيتي اتقرب منها اني احبها اريدها بالحلال وهيه ماخذه عني غير فكره بسبب سالفه هيفاء بس اليوم اوضح كلشي الها
ساره. هذا كلشي ممكن يسوي ميهمه شي اووف اني شجابني وياا خرب خرب يالله ساعدني
اباذر. تعالي عندي شغله اريد اشوفج اياها
ساره. انته حيوان متفهم واضرب بصدره شنو تجيبني هنا .. هوا طويل وما اكدر الوحه ...
اباذر. محسوي شي الج بس تعالي عندي شغله اشوفج اياها
ساره. ماجي وخر رجعني لاهلي بسرعه رجعني
اباذر. ساره لتعاندين كتلج تعالي محسوي شي
ساره. لزم ايدي واخذني بالكوه
دخلني لغرفه جبيره ضلمه بس واني اخاف من الضلمه فلت ايدي وراح
ساره. اني قويه ماخاف اني قويه ماخاف اني قويه ماخاف.....
نفتح الضوه وجان اشوف ...... محضرلي طاوله بيها ورد واسمي وصوري كلهن موجودات عليها والغرفه مليانه صوري وكلام حب
ساره. هاي شنو شمسوي نته....؟
اباذر. ي ساره اني احبج واموت عليج من اول ماشفتج اخذتي كلبي نيتي وياج مو مثل مامفكره اني احبج
ورايدج ع سنه الله ورسوله ... احبج ساره احبج
ساره. من كل عقلك من كل عقلك دتحجي فهمني ...
اباذر. ي من كل عقلي ولو ماضل عقل انتي اخذتي هوا وكلبي
ساره. انته تعرف شسويت شلون تجرأ اصلا شلون انو تفكر بيه وتسحب صوري انته متستاهل انو واحد يحبك ...
