لا سلطـة لنـا على قلوبنـا هى تنبـض لمـن أرادت ...!"
.................................................................
صحيت لكيت نفسي بالمستشفئ وامي يمي وابوي وحسين وكانونه بيدي ومغذي
ساره. اخخخ راسي يمه
ام ساره. يمه بنيتي شبيح يروحي شصار وياج
ساره. مادري يمه راسي حينفجر شجابني هنا
ام ساره. اباذر جابج يكول فقدت الوعي وهيه بسياره
ساره. من جابتلي اسم هالحيوان اذكرت كلشي سواه وصياحه وغلطه
ابو ساره. شون صرتي بويه
ساره. ماعرف بابا راسي موتني اريد انام
ابو ساره. ي بويه هس انخرجج اوكفي خشوف دكتور
راح بابا يشوف دكتور وجان يفوت علينه اباذر يمه ابدي اذبحه من وراه بالمستشفئ هسه اني الله لايوفقك..
اباذر. دخلت وشفتها عيونها مرمه وكانونه بيدها خرب شسويت بيها اني وادري بيها متتحمل قهر وبجي اوف يسارتي اوف غيرتي عمتني
اجه دكتور فحصني وشاف كلشي بيه كال تكدرون طلعونها بس وكلوها فواكه وخضروات وابد لتسهرين وتجهدين نفسج بالدراسه.. عباله من دراسه وكعت امده حضي
مابيه امشي جان يشيلني اخويه حسين ويصعدني بسياره مالته واجت امي نومتني بحضنها غفيت ع ماوصلنه للبيت ونزلوني لغرفتي نمت ماكعدت اله ثاني يوم العصر كعدت مسطوره سطر لا اكل لا شرب اخخ تعبت من صدك والله
فتحت جهازي وجان اشوف الف مسج من اباذر ولا قريتهن
رحت سبحت شويه رتاحيت وراسي خف وجعه لبست تراكي ومشطت ورحت نزلت
حوراء. ولج ليش نزلتي وركضت لزمتها
ام ساره. يا يمه شوكت كعدتي مصحتي علينه نجيج
ساره. ميحتاج يمه كلشي مابيه وعيونج
كعدت ع الطاوله وجابتلي حوري اكل وفواكه ترست الطاوله
ساره. شسوي بي وربي ماشتهي نطوني بس هالموزه وكافي
جان يجي حسن ..
حسن. هاي منو متريد تاكل هااااااا؟
ساره. من سمعت صياحه كمزت عبالي اباذر صيح عليه
ام ساره. اسم الله يمه شبيك حسن متشوف اختك تعبانه
حسن. اسف سارتي اكلي يروحي ترا اكله اني وماعوفلج ايشي هااا
ساره. ههههه نجب يلا تعال ناكل اني وياك
واكلت كم شغله ورحت غسلت تقريبا سبوع هيج ونعطل للامتحانات نهائيه
بهلاسبوع مداومت لان جنت داخله وزاري ف مرحت لدوام
مر شهر كامل واني اقره واهلي يساعدوني وحسين يحفظني وحوري هم وحسن يجيبلي وزاريات ومرات تجي يمي هيفاء نقره سوا كلها ساعدتني بهل عطله
واباذر ابد مرديت عليه ولاشفته من وقت الصار لحد هسه لان ضميت جهازي وكمت ادرس بجهاز حوري مردت شي يبعدني عن دراستي وحته براء مادري شصار بي ولا راسلته ولا رجعتله الخبر
ماضل غير يومين ع امتحاني الخوف اكلني اكل رغم مقصرت قريت كلشي وبتركيز بس لازم اكو خوف
