خادمة القاسي

الجزء 19

سالا كلامو ووقف من مكانوو هاااز التيشوورط ديالو من حداه فوق السري لبسوو عليه ودار يديه فجيابو وخرج كايجر كلاكيطتوو فرجليييه مخليهااا مبلاصية وراااه تالفة ماعارفة باش تبدااا...قوى عليها الشغاال راسها داخ بيهااا وبقات واقفة فبلاصتهاا شحاااال..فالتالي وعات بنفسهاا ونزلات كاتجري تنفد الأواامر قبل ماتلقا راسهاا برااا.

نصبات الغدا هو اللول وهي كاتزرب باش ماتعطلوش عليه ويندمهااا....جمعات الدار التحتانية من ساسها لراسها وطلعات بدات ليه فسبابطو كيفماا أمرهااا.

رجعات حطات ليه الغداا وعيطات ليه من الجردة... هو جلس ياااكل وهي طلعات تكمل لي بقاليهااا....عكفااات زيفهااا باش مايدعقهاااش وكفضات يديهااا ودارت فواطة قصيييرة على نصهااا باش تتزير فشقاهاا.... هبطات التسيييقة مسكينة على سعدها ووعدهاا من دروج السطح حتى للدروج التحتااانية وحاولات ماتخليش الماا يدخل ليها للبيوووت....ضربات ال 4:00 دالعشية وهي مزااالا فيهم لاااهية ....حيت جففااتهم ومسحات ليسوفس الحديدية الجانبية وركزات فقنات الدرجااات وكي كملااات جلسات فآخر درجة كاااتلهث مسترجعة انفاااسهااا.

خرج من الصااالون ووقف عليهااا مميل راسو ومضيق عينيه.... حسسسات بيه وعلات الشوفة فيه من رجليه وهي توقف كاتمسح يديها فالفواطة على خصرهااا ...عاود مسحات من جبهتهااا عرقهااا ورجعات زغباتها الزعرييين الفازكِين بالعرق وراا ودنهااا.

أريناس: ساليت اسيدي ....شي حاجة خرا؟!.

وهو مميل راسو حول الشوفة لجنبو وتحنى مدوز سبابتوو على قنت الدرجة اللخرة مابين الفايووونص والحييييط...شاف فصبعووو باقا شوية دالرغوة وهو يرمقها بنضرة جامدة وتعابير باااردة قبل ماينطق ببرود قاسي فالوقت ذاتو..

كيسر: لاباقا ماساليتيش....عاودي نشفيهم ووجدي العشااا وطلعيه ليا لبيتي....وماتنسايش ليا قهوتي.

جبد من جيبو كلينيكس مسح صبعو من الرغوة ولااحو ليها فالأرض وطلع....تبعاتو بعيون حزيينة حتى غبر من قدامهااا وبالسكات مسكينة نزلات هزات داك المنديل الورقي لاحتو فالسلة ورجعات طلعات الكراطة والجفااااف باش تعاود تنشف الدروووج من أول جديد وهي عييااانة مسخسخة...ماناعساااش ومامرتاحاااش وماواكلاااش صحتهاا كلهااا واكلة الدق مابقاتش قادرة توقف على رجليهااا....راسها كايتبخ والسخانة بدات تكْدي فيهااا ورجليها طابو عليهااا وكرشها كاتزوي عليهااا....صبرات وعاودات ورجعات طيبات العشا وطلعاتو ليه بزربة باغا غير ايمتا تسالي خلاااص باش تتفرغ للنعاااس .

دخلاتو ليه وفوق الطبلة حطاتو...خرج من الدوش لقاها كاتسناا فيه...رمقها بنضرة سريعة مسكانيها من راسها لرجليها باينة فيهااا عيااانة وجهها تخطف منوو اللون...كانت بيضاا ولات تبان سمرا وبشرتهااا شاااحبة وعيونها ذابلة وشعرها لاسق على عنقها وجبهتهاا حيت عرقااانة ....حدر منها عينيه وحطهم فالبلاطو قدامو...ننزل هز المعلقة من قدامووو وداق من الحرييرة الحمرااا وهو يرجع حطها ونطق بعصبييية.