🍷🥂خــادمـة الـقاسـي🥂🍷
✦وكأن عيناك في الحسن آية تتلى على قوم كفروا فاهتدوا...!
#نبذة....!
سكتات ليلى شوية بشوية وهي كاتششوف فيها بنظرة حنينة شبه حزينة وتعابيرها تكتسيها جدية.
"كلنا في الهوى سوى...قلوبنا دايقة من نفس الكاس ...شاربين المرار وساكتين حتى واحد فينا ماقادر يهضر ولا يرفض ويمنع الغلطة قبل مانحطو حياتنا فورطة....انا...غير ولية......ومن ديما كلام با كان فوق راسي وعلى عيني والى قصصحت وزعمت ندي السخط...حتى قرايتي فمصر غير عمي قادر لي قنع بابا وخلاه يسيفطني نقرا ....فاش تحطيت فهاد الموقف تمنيت كون مكانش عمي قادر هو راجل خالتي والأب ديال كيسر...حيت كنت عاوتاني غانهرب لدراعو ونطلب العون منووو ونخليه يقنع بابا يحيد من راسو الفكرة هايدي ويخليني نكمل قرايتي...ولكن شوفي القدر ومكتابو...داك الشخص لي يقدر يعاوني هو نفسو لي مايقدرش يعاوني....وبابا خدا قرارو وصمم عليه بصفة نهائية لدرجة فاش نويت ننطق هز يدو عليا.....مانكدبش عليك مابقيت قادرة نتيق فحتى واحد من عائلتي ونهضر معاه على شنو بغيت وشنو مابغيتش حيت عارفة حد ماحيفهمني ولا يحاول يعاوني.... وفاش شفتك قدرت نفهمك ونحس بيك هازا نفس الدقة بنفس الحر من نفس الموضوع ...وفتحت ليك قلبي ...نتي برانية ولكن فهاد الدقايق القليلة حسيت بيك قريبة ليا.... ..كانبان ليك رايئة وهادية...تيقيني.... فقلبي شاعلة العافية"
أريناس مسحات الدمعة لي نزلات على خدها بكم يدها وبلعات ريقها بغصة فالقلب مجاوبة بنبرة خافثة مبحوحة.
"بجهد الخبطة لي كاتخبطك الدنيا كايخبطوك ناسها....كاتفقدي الثقة فالوقت وفشنو غاتجيب....فالزمان وفمحاينو... فعباد الله وغدرهم......وفالزهر والقدر والمكتاب حيت دايرين بيك غير الدياب ولكن حتى نتي ماتتهرسيش...الجهد باش طحتي نوضي بيه.... الدقة لي تقصحك تقوييك...الضبرة لي تعقرك تفكرك.
كانت كاتسنا شي حد يموتيفيها ويشد بيديها ويدفع بيها....وكانت كاتسنى يكون هاد الحد و هاد الهضرة من اريناس بالضبط.... بالفرحة نطقات دغيا وابتسامتها العريضة باينة على شنيفاتها.
ليلى: كنت خايفا تبقي حاقدة علايا....وماتحمليش وجودي في الدار وانا قريبة منك ومن كيسر ...كنت خايفة تولي بيناتنا حساسية وفينما تجي عيني فعينك تحسسيني باللي خديت كيسر منك وديت ليك اغلى ماعندك....وتحسسيني باللي انا وحدة خايبة فرقات بين جوج قلوب ونعيش فالتأنيب فينما تلاقاو خطواتنا فهاد الدار....ملي بديت الهضرة معاك وانا نستناك تعطيني تلميح باللي مااستسلمتيش بحالي....وتقولي ليا باللي ماضعفتيش ملي تشديتي من نقطة ضعفك ومزال عندك الجهد لي تتقاتلي وتقاومي وتعافري بيه باش تكوني مع الشخص لي كايبغيك وتبغيه...نسبيا ارتاحيت من جيهتك وتأكدت باللي نقدر نتيق فيك وندير يدي فيديك...والى كنا بجوج ....نقدرو نغيرو شي حاجة.
أنت تقرأ
خادمة القاسي
Teen Fiction🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
