🍷🥂خــادمـة الـقاسـي🥂🍷
كييسر(زير على قبضات يديه): خويت بيه وتقاس بالرصاااص ....يعني غدرت بيه وانا كنت عارف بلي ممكن يتآدا من ورا فعلتي وفكرت غير فراسي مافكرتش فيه...ضربت عشرتنا فحيط مسؤوليتي اتجاه خدمتي وغدرتو ....كنت أناني وكان تصرف ماشي عقلاني....الضربة كانت قوية وانا شفتو وماديتهاش فيه حيت الوقت كان قليل وخاصني نحمي العميل .... ولات عندو إعاقة فيدو...حيت سمحت فيه وماجيتش بزربة لعندو...كان بإمكاني نعتقو وكان بإمكانو يتعالج وكان بإمكانو مايخسرش خدمتو....بسباب مسؤوليتي اتجاه خدمتي...غدرت بصاحبي لي كان كثر من خويا ...بصح ماخسرتش خدمتي ولكن هو خسرها بسبابي.
حنات راسها بأسى كاتفكر فشعور صاحبو لي تغدر " باش حس مسكين ملي خانو صاحبو وتضرب بالقرطاس بسبابو وحتى من بعد هادشي ماحنش ليه قلبو و سمح فيه وخلاه بوحدو وماعتقوش وولات عندو إعاقة فيدو وخسر خدمتو"....قاسحة...الضربة غاتكون كانت عليه قاسحة.
هزات فيه راسها والدموع مغرغرين فعيونها.
" يمكن غدرتيه فالأول حيت شفتيه واخا يتقااس غايسلك راسو...زعما قاد يحمي نفسو حيت نتا وياه فنفس الخدمة قويين وعلى ريوسكم قادرين وهو قوي على داك اللي كان خاصك تحميه حيت كون كان قاد يحمي راسو كاع مايسيفطوكم تحميوه ولالا؟... ...وقلتي اللهم فيه حيت هو صاحبك وغايفهمك ماشي بحال خدمتك ولكن الموضوع كبر ومشاكيلو بقات كاتكثر...من غلطة صغيرة ضاعو بزاف ديال الحوايج ....ضاعت ليه يدو...وضاعت ليه خدمتو...وضاعت الصحبة والخاوة لي كانت بيناتكم...
ماشي مابغيتيش تخسر خدمتك...حسيتي بلي صاحبك ماعندكش عليه مسؤولية...ماشي كيبحالماهاداك اللي كان خاصك تحميه بأمر من خدمتكك...داكشي علاش فكرتي تسبق هاداك وسمحتي فصاحبك."
رمش بزربة وبلع ريقو كايتمناها تعاود هضرتها مرة خرا ....أخيرا كايقدر شي حد يلخص مشاعرو وأفكارو لأول مرة... حس بيها شرحات وخرجات دوك المشاعر لي ماقدرش يخرجهم ولكن فلحمو خواهم ....شحال عقلانية وجدية وهضرتها فالمعقول سارحة ....واخا ماعارفاش بزاف على خدمتو وعلى صاحبو قدرات تفهمو وتفهم الموقف كيفاش كان وكيفاش ولا....!
نسبيا ارتاح....تفتف بنضراتو فجنابو قبل مايرجع يثبت الشوفة فعويناتها وهي كاترمش فيه بشفيراتها كاتسناه ينطق.
كيسر:نديرو مزال بإمكاني نصلح اللي داز....بأشمن طريقة؟!
أريناس(على القرص): تقدر تطلب السماح...حتى واحد فهاد الدنيا ماقلبو حجرة ...وحتى واحد ماكاينسا العشرة.
كيسر(قلب عينيه وتحرك عاطيها بالضهر): لالالا....غانساي هاد الفكرة.
هزات حاجب وحطات الثاني هاد السيد حال وعقل...مزاجي دغيا كايتغير ويتحول...ياك يالله كان غارق فندمو وكايفرغ فلحمو؟! يالله كان مقيوس مضرور...ودابا ولا متعجرف ومغروور ...ولا معنتر ومعفرر وماراضيش يطلب السماح على غلطتو .
أنت تقرأ
خادمة القاسي
Подростковая литература🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
