🍷🥂خــادمـة الـقاسـي🥂🍷
✦وكأن عيناك في الحسن آية تتلى على قوم كفروا فاهتدوا...!
#انتقام....!
خررجو عينيها من بلاصتهم وبقات مبلقاهم عليه بصدمة كاتشوف فيه...وكأنها مامتيقاش ما التقطته اذنيها وبشك كاتتسناه يأكد ليهااا بلي غالطة فسمعهاا.
فاش شافت ملامحو الجاددة وتعابيرو الباردة تأكدات بلي لي سمعاتو من فموو صحيح...بلعات ريقها ودلات قنانفهااا بزعل وغضب طفولي وشوية بشوية بدات كاتلهث بحال شي بيبي صغير كايطللع البكية تدريجيااا وهي تطلق زواكاااتهااا حارقة حلاقمهاا وفارعة ليه طبل ودنيه" واااعععععععع".
شررع عينيه مفزوع من نبرة بكاها العالية ونقزز عليها ساد ليهااا فممها بكف يدووو ويدو الثانية حط سبابتو على فمووو ناطق
"اششششت اشششت صافي صافي...غانجيب ليك خبز بالزبدة غير سكتي..بغيتي شي حاجة اخرى؟ هممم؟".
فرانات شوية بشوية وصوت نخصاتها مسموع...بلعات ريقها ورمشات ليه عدة مرات بعويناتهااا وحركات راسها بآه.
كيسر: شنو ؟!
أريناس: حتى تجيب ليا خبيز بالزبيدة ونقوللليك.
سد عينيه جااار نفس كثييييرة كايطلب من الله يمدلو الصبر عليها ...ولللا هو لي خدام عندهاا ماشي هي داباا...خرج النفس ووقف ينفد أوامر لالاه القروية.
رجع لقاهاا شربات الصوبة كلهاا وهزات الزلافة كاتلحس لي بقا فيهااا....حطاتها كاتلحس فشنيفاتهاا وغير شافتو دخل هزات فيه راسها و تبسمات ليه ببهالة .
اريناس:هاد الحريرة خايبة...مادرتيش فيها ليقامة؟!
كيسر(قرن حواجبو بين عينيه): هاديك شربة ماشي حريرة...و شناهي ليقامة؟!.
اريناس:العطرية.
كيسر:درتها...درت الملحة وزيت الزيتون والزيت الرومية....علاش ماشي هادي هي المقادير الضرورية؟!.
اريناس: ايه واخا وهاد الصوبة باقي منها شي حاجة؟.
حرك راسو بلا وحط البلاطو مربع يديه كايتسناها تنطق يشوف شغاتصنع.
اريناس: صاوب لياا زلافة اخرى دابا.
كيسر:فحالا كاتآمري االقنية !!خليني نفكرك بلي راه نتي لي خدامة عندي ماشي انا.
أريناس(كاتجاهل كلامو): دي معاك هاد الخبز مابقيتش بغيتو.
كيسر(خنزر فيها حط يديه على نصووو): ملي مابغيتيهش علاش منزلاني تالتحت نجيبو ليك واش كانبان ليك مسالي وماعندي مايدار نبقا مقابلك؟؟؟ وياك قلتي مابغيتيش الصوبة لقيتك لحستي الزلافة وكاتقولي خايبة ومافيهاش العطرية....غاتبقاي تتنفخي عليا غانفش الطاسيلة ديماك ياكاطي شوية وتبتي الله يرضي على بنتي.
أنت تقرأ
خادمة القاسي
Fiksi Remaja🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
