🍷🥂خــادمـة الـقاسـي🥂🍷
✦وكأن عيناك في الحسن آية تتلى على قوم كفروا فاهتدوا...!
#تراجع...!
الموضفة شافت فأريناس كاتطلعها وتنزلها لقات الجلابة جاتها على مزويناتها عمر كاع شي وحدة قيساتها وجاتها كيف ماجات على أريناس...رجعات شافت فيه رافعة حجبانها بعدم فهم " اشنو ماعجبوش فيها؟!" " اللون ولا الطرز؟!".أما الفصالة مافيهاش النقاش.
أريناس(دللات شنيفاتها بحزن) : ولكن أنا عجباااتنيييي.
كيسر:واخا تعجبك نتي ماغاديش تلبسيها حتى تعجبني انا ...!
أريناس:وعلااااششش شنو لي ماعجبكش فيها؟!
كيسر: كولهاا كولها...بدليها.
قلب عليها عينيه وهز مجلة من حداه كايقرا فيهاا ...الموضفة شافت فيه لقاتو شاد المجلة بالمقلوب وداير راسو كايقراها وكايحرك شفايفو بالحس خخخ غير باش يقمع كلام اريناس فيهاا وتسكت ملي تشوفو اتجاهلها وماتزيدش تحكرر على الجلابة وشنو ماعجبوش فيها.....جابليها الضحكة حبساتها ودخلات مع اريناس تبدل مرة خرا.
للمرة الثانية كاتخرج بالجلابة الكحلة سامبل جاتها شوية واسعة على الخصر بفصالة عصرية خطيرة ومسررحة تالرجليها مطلووووقة بثوبها الحريري مع صنيديلة فالكحل تاهي سامبل وبلااا والفولار تاهو كحل كاتبان كلاص وكيوت ...اللون رجع ليها على وجهها ويدياتها وكاتبان بلقةةةة زيادة وتقول غير كاورية تهزات وفالمغريب تحطات وعيونها الزرقين حتى هوما زادو ضوااااو وكملو ليها البهية.
رفعها بنضرة عينو الثقيلة بتباطئ كيف العادة من رجليها لراسها مسكانيها كلها من كاع الجوانب والنواحي .
كيسر(بأمر صارم و):دوري نشوف؟!.
دارت قدامو بزربة ووقفات فبلاصتها كاتشوف فيه ولكن عاود دار ليها اشارة ب سبابتو فحاليلا كايخلط الحريرة زعما دورري دوري وهي دور مرة خراا تاني وهاد المرة دارت بشويييييية باش يشوف الجلابة كي جاتها من كاع القنات.
فاش وقفات حرككك راسو بلا وعوج شفايفو بعدم اعجاب.
كيسر: حتى هي ماعجباتنيش بدليها.
أريناس: على هاد الحساب حتى حاجة ماغاتعجبك اسيدي....غير بلا مانعدب راسي ونقيس الباقي.
كيسر وقف فمكانوو .
" يالله كنت غانقولهاليك اصلا حتى حاجة ماجات عليك...ردي جلابة الواليدة حسنليك هي لي كاتواتيك".
#قَسَم...!
صدمهاا بقات غير كاتشوف فيه...شاف فيها وهز ليها حاجبو بمعنى"شنو مالك؟!" وتاهي ماتردداتش تنطق .
اريناس: ماشي نتا لي قلتي كاتبان عليا فحال الخنشة وانا ماكانبانش فيهااا وهي لي لابساني ماشي انا لي لابساهااا وبلي كانشوه بيييك حيت ماعنديش الدوق فاللبس ؟!.دابا ولات زوينة كاتجيني و كاتواتيني ؟
أنت تقرأ
خادمة القاسي
Fiksi Remaja🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
