🍷🥂خــادمـة الـقاسـي🥂🍷
✦وكأن عيناك في الحسن آية تتلى على قوم كفروا فاهتدوا...!
#صبراً_قهراً....!
|__________________________|
في وجدة كايتضرب الحب بمثل قديم .
••كي ييعشق الكَلب الأخلاق تتدل••
هادا علاه نشوفو بنات بزاف وحتى بعض الذكوور ...قلت بعض حيت الدراري صببارين ماشي كي البنات ...نهار كايبعد عليهم شخص كانو دايرينه كلش فحياتهم مايقدروش على فراقه
...ويضللو تابعينه وعندهم أمل يرجعليهم ثاني كايمرضو كايبكيو كاتتأزم نفسيتهم وممكن يطيحو فاكتئاب .....كايدلو رواحهم ويعفسو على قيمتهم وكرامتهم على قبل كَلبهم ...وحتى كي يكونو مزالهم مع بعضهم كايديرو المستحيل باش يكسيووه ومكايفكروش مزال فريوسهم وهادا لي طرا مع أريناس....وصدق المثل ...!
عارفا راسها زعمات معاه كي مس لحمو لحمها...ولكن عارفا حتى باللي كاتتوفى على تراب رجليه وعينيها معميين بيه...!
|___________________________|
هي فالصفحة 25 من روايتها المكتسية أخطاء إملائية...بعدما خدات دوشها وسرحات شعرها وجمعاتو شفنجة معكلة وعطرات جسمها بريحة خاصة وبدلات عليها ببيجامة قطنية دافية فالبيض ...رطبات وجهها بمرطب خاص كذالك من المجموعة لي جابليها كيسر....دهنات حتى يديها ورجيلاتها ولبسات تقيشراتها وتكمشات فالمانطة كاتكتب...كاتبدا فورقة من دفتر الوسخ وحتى كاتأكد منها عاد كاتنقلها للكتاب...بغات تطبع الكتاب مجموع بلا عذاب ...مرة مرة كاتوقف يدها وكايسهى بيها عقلها متفكرة باللي كيسر غايتزوج بوحدة خرى غيرها والضيم كايعاود يتملكها والمورال كايطيح ليها وحتى نفسيتها كاتمرض وماكاتبقاش قادرة تفكر شنو تكتب.
رجعات كتبات فاللخر ديال الصفحة ويمكن كانت نهاية الجزء حيت ماقادراش تكمل... خاطرها مهررس وأناملها عاجزة.
" ربما لأنها قريبة من العائلة، قريبة في المكانة الإجتماعية ،وقريبة في المستوى.......هي قريبة وأنا غريبة ...!"
سدات كتابها وحطاتو تحت المخدة تحت راسها وتكات فمكانها سادة عويناتها وكاتحاول تتخايل شي حاجة زوينة باش يطيب نعاسها ولكن غير هو لي كايجي فبالها وكايرجعو ينزلو دميعاتها على خدودهاا وتتكمش فذاتتها خاوية كل ما فخاطرها فالبكا والتحصار اش عندها مادير؟!...هو لي راجل ومافيدو حيلة...فمابالك بيها هي لي بنت و بقلبها المكسوور والحالة الخايبة لي هي فيها...!
••طلع الصباح والحال وضاح...عقارب الساعة كانت على الثامنة ،،الجو بارد والسقيل هاز الدنياا....كلشي باقي ناعس إلا هي ...حيت هي الخدامة وخاصها تسبق فياقهم باش يلقاو كلشي واجد قدامهم....هي لي فايقة فالفيلا كلها من غيرهم...فاقت بكري جمعات الطابق السفلي كااامل الأرض بالنقاوة لمعات والجناب كايلمعو هوما والأثاث ... دخلات للكوزيزة وشمرات على دراعهاا كادير من كل حاجة شوية حيت اليوم غاتجي أخت لالة نجمة وراجلها وبنتها ....بدات بالحلوة ...دارت جوج عجينات ودارت منهم أشكال بزاف...دفعاتها فالفران وبدات فالمسمن حيت كايعجب كيسر وولف يفطر بيه....عاد الحرشة والرغايف..غاتكون خدات غير ساعتين دالطياب وملي سالات عاد وجدات ليهم الفطور ديالهم ...وهي كاتقاد الطبلة نزل قادر هاز نجمة بين يديه فالدرووج ولغا بسمية أريناس طالب منها المساعدة.
أنت تقرأ
خادمة القاسي
Подростковая литература🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
