🍷🥂خــادمـة الـقاسـي🥂🍷
✦وكأن عيناك في الحسن آية تتلى على قوم كفروا فاهتدوا...!
#تهديدات....!
كيسر باغي يخرج لحيدر نيشان...هو ماشي حيدر والنفاق ماشي طريقو كايطرطق العيب فالوجوه وماكايتخباش بالجبن ورا الظهور...مكايرتاحش لجوج وجوه وماعندوش الخاطر لي يشد ليه الخاطر ويسايرو وهو عارفو هاز فقلبو من جيهتو وكاينافقو وماناسيش ...عارفو فراسو الغدر وفقلبو المكر وماغايزيدش يساعف ويقول دابا يستعقل حيت الموضوع بدا كايكبر مللي حط عينيه على حاجتو.
حيدر:إلى نتا كاتشوفها وردة...انا كانشوفها...
قاطعو كيسر بنبرة تعلى نبرة صوتو هو باش مايخليهش يفكر يكمل كلامو.
"ماااتشوفهااااش .....ماتشوفها لا وردة لا شجرة ....شوف اللي يداويك من الحقد اللي فيك....غاتشوف قدامك وتغيرهااا في حالاتك انا راه مانصلاحش ليك كعدوو حيت لاحطيتك فراسي غانكرهك فراسسك وداكشي لي بقا عندك حتى هو غانحيدو ليك.".
حيدر عوج شنايفو وهو كايخفف النظرة فالأرض قدامو وكايرجع يشوف فكيسر وديك الحركة كاتعني انه" مبهوض فكلام كيسر".
حيدر(ميل راسو وقرن حواجبو بابتسامة طرفية على جناب شفايفو):كاتهددني؟!.
كيسر(غرس فيه نظرة عيونو الحاقدة بالأعصاب احمرت جوانبهاا واستوطنتهم شرارة الغضب):كانعطي جوج فرص...دازت اللولة و الثانية...والثالثة ماغانعقلش فيها عليك(غمزو مميل راسو كثر) راجع خطواتكك وجفف آثارك وحذف بصماتك وماتخلي وراك حتى شي دليل...كمحقق سابق ماخاصكش دير فحال هاد الأخطاء ...ولا زلقات من يدك الحرفة من نهار عواجت ليك؟!
ملامح حيدر تغيرات ونظرة عيونو الأستهزائية لنظرة غاضبة تبدلات....زير على قبضة يديه اللي عندو فيها اعاقة وعلى تيليفونو لي فيدو الثانية وهز راسو بالإيجاب قايل.
"ياكما ارتاكبت شي جريمة فحقكك وكاتحاسبني عليها بألغازك؟! الى ضرريتك بأي شكل من الأشكال خررج اللي فقلبككك وضربني بعيبي فوجهي ماتتدقش فالخامية دق فالباب نيشان.".
كيسر:راك عاشرتيني وعارفني حققااااني ولي فعقلي على لساني......واخا شخصيتي منفردة ومنعازلة ومتوحدة وغامضة ماعنديش مع التخرشيش والغدر والغش وصوالح الطعن فالظهههر....ماتفكررش راسك مخليني نخسسررر حيت نتا لي خاسسر على يدي....خسرتي خدمتك وييدددك وغاتخسر حتى روحك الى بقيتي تابعني وكاتنبش فجذر عائلتي ......هاالبرهان قدام عينيك خسرنا شي حاجة؟؟؟.المواقع مكايأثروش فينا ...أريسكوو أصلها على الحق معمددد وعلى الصح مسند.
حيدر:انا شنو علاقتي بعائلتك....عائلتك هي عائلتي اكيسسر؟؟؟....وشنو لي باغيك تخسرو ولا كانحاول نخليك تخسرووو فرررززز الله يخليك راك بديتي كاتعصبني.
أنت تقرأ
خادمة القاسي
Ficção Adolescente🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
