🍷🥂خــادمـة الـقاسـي🥂🍷
✦وكأن عيناك في الحسن آية تتلى على قوم كفروا فاهتدوا...!
#وجع.....!
تغير اللون فوجه قادر وبدا يبلع ريقه بزربة وكيلا نزل عليه عزرائيل طالب روحو.....طبطب بيديه فوق الطبلة وكيسر تبع العين لعينيه كي تايدورهم فجنابو ولوجهو كيفاش تزير و ولا حمر ..وليديه ورجليه كيفاش كايحركهم بتوتر... اوقدرر يعرف بلي سؤالو وتروو.
وقف من بلاصتو وجاوبوو وكأنه مخدول فيه.
قادر: نتا هو نتا ....عمرك ماغاتبدل...ديما كاتخلق سبب للأحداث.....كايصحابليك راسك فالخدمة؟ كايصحابلك راسك فالمنضمة كاتحل العقد وتوضح الغموض وتكشف الأسرار وتبين الألغاز؟ ....مك كاتموت ونتا كاتفكر فالسباب....الطبيب قال مك تقدر تخرج من هاد الحالة الى بعدناها على التوتر...حسنليك دير عقلك ومادير حتى شي غلط تندمنا كلنا عليه.
كيسر: كل حدث عندو سبب....ونتا وانا عارفين هادشي مزياااان...سوا قلتي ليا سوا لا...غانعرف بيك وبلا بيك...ولكن دير فبالك ملي شديتي معايا الزكييرررر....الى عرفتك وراا اللي وقع للواليدة غاننسا باللي نتا باا وانا ولدك.
كان قادر لي نايض باغي يمشي ولكن كيسر لي مشا وقادر بقا واقف فبلاصتو...اريناس ماكملاتش نزلتها فالدروووج ملي سمعات حديثهم وملي عرفات كيسر طالع رجعات من طريقها ووقفات فالقمة كاتفكر فكلامووو وكاتتسناه يوصل عندها ...ملي سمعات كيفاش هضر مع باه خافت لايبقا يبحث فالموضوع ويعرف شي حاجة خايبة ويطيح تاني فحالتو العصبية فعدم قدرته على التحكم فمشاعرو وأحاسيسو وينوض الصداااع ويخرب الدنياااا ويصدق معععصصب مممووو نجمة وتوقع ليها شي حاجة بسبابو.
لقاها غادا جايا على راس الدروج كاتفرك فيديهااا وكاتهضر مع راسها بالحس...غير شافتو جات كاتجري عندو واقفة قدامو وهو وقف وجر نفس كثيييييرة سايطها فدقة كايشوووف فجنااابو.
أريناس: كيسر ...بغيت...بغيت غير نقوليك ماديرش فبالك عافاك...و ...وحاول تتحكم فأعصابك وفگاع مشاعرك على قبل ميمتك الله يخليك....انا حاسة بيك والله و عارفة هادشي صعيييب عليك....مابغيتش نقول هكا وبرا والباس على خالتي نجمة وبعيييد الشر عليها والله يطول لينا فعمرها...و لكن تفكر وخليك على بال اكيسر باللي اي غلط درتيه غاييتمك...ويحرمك من مك....اابسسسط غلط.
كلامها على حق والحق عندهااا...بقا كايسمع ليها وهي كاتهضر مكملة كلامها.
أريناس: ماتبقاش تبحث فالموضوع وخلينا نعاونو خالتي نجمة تسترجع صحتها وتخرج من هاد الحالة لي هي فيها بعدا.....وانا معاك فينما تحس براسك ماشي بيخير غانعاونك تولي بيخير المهم هو تقدر تتحكم فمشاعرك على قبل ميمتك.
تبسم ناسي غضبوو وقرب ليها قايل.
كيسر:كانتحكم فكلشي وانا معاك.
أنت تقرأ
خادمة القاسي
Подростковая литература🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
