🍷🥂خــادمـة الـقاسـي🥂🍷
"والى جبدتيهم عينيك يجبدوهم ليك لبرا"
" كانتمنى تكون هادي أول وآخر مرة نتلاقاو فيها...حيت عينيك ماعجبونيش".
تعاودو ليها هاد 2 جمل من فم اريناس فراسهاا وفهمات بلي هدداتها...بمعنى " الى عاودنا تلاقينا غانجبد ليك عينيك لبراا حيت جبدتيني".
تسوخرات اللور وشافت فجنابها كلشي مبتاسم باستهزاء عليها ...عللات راسها للدروج وهي تقشع الباطروون واقف وراا كيسسسر عينيهاا توسعوو على حدهم حيت عمروو نزل للريسطورا ديما كايبقا فالبيرو ديالو الفوق مراقبهم غير فالكاميرااات وفاش تايخرج تايخرج من الباب اللوراني حد ماكايشوووفو حتى الى شي واحد من الخدامين غلط كايسيفط المساعد ديالو يتكللف وهادي أول مرة ينزل بنفسووو يعني هادي اللخرة ليهاا وعقوبتها غاتكون غالية الثمن وأكيد غايجري عليهااا بعدما يزيد يبهدلهاا كثر مابهدلاتها أريناس قدام كاع النااااس .. باقي الطاقم التوضيفي لي فالريسطورا معاهااا فالدروج مستفيين كايطلوو يشوفو شنو واقع وشنو مزال غايوقع ملي نزل الباطرون بنفسوو يتدخل فالموووضع...... الناس شي كايشوف فيها باشمئزاز شي كايشوف فأريناس بافتخااار.
بخطواتو الثابتة الرزينة تقدم بشويية لعندهم...وقف حداهم ومد يدو شاد لأريناس فيدها وجرها وراه بالسكات وبهدوء وكأن شيئا لم يقع ولن يقع...إستناتو يعاتبها ويوبخها على تصرفهاا وعلى الشوهة لي دارتليه قدام الناس فأول خرجة خرّجها ولكن دار العكس ماهضر لا معاها لا مع الخراا...بقا فيها الحااال حيت مادار حتى ردة فعل على الإهانة لي تهانتهااا وكي تهانت كرامتهااا وتقاست بأصلها وفصلهااا وتحقرات بمرجعهااا ...ماهضرش مع ختناا وماململهاااش...!!
كييسسر كان غايتدخل كون ماعرفاتش تدافع على كرامتهااا وتررد اعتبارها....ولكن هي كانت قادة بذاتها وقدرات تررعد الأخت وتخليهاا حشمانة من راسها..... كانت هادي أول مرة كايشوفهاا فيهاا قوية وكاتدافع فيها على راسهاا ...أول مرة كاتجيه واعية وهي كاع ماقارية...ولأول مرة كاتجيه ناضجة واخا برهوشة...ولأول مرة كايكتاشف الجانب الخفي منها وكايعرف بلي هي قوييية ماشي رطبة كيما كاتبانليييه وإلا الزمان ماكانش غايلوحها لبين يديه...وشخصيتها صلبة غير عمرها مابيناتهاليه حيت هو الراااجل وكلمتو لي كاتمشاا وماكاتبغيش تكسرهاليه...و غير معاه لي كاتكون مختالفة ومميزة ...حيت كاتحتارمو احترام مانعها من أنهاا ترد عليه ملي يضرررها...!
.هي هدوئو رعبهاا وتصرفو الرايئ خلعهاا حيت متأكدة غاتجي روينة من وراااه وغير غايوصلها للدار غايعاقبهاا.
حسات بيه وقف وهي تهز راسها شافت فيه...لقاتو كايشوووف قدامووو شبه مصدوم ...حسسات بيديه زيرات على يديهااا ونزلات ليهم عينيها لقات عروقوو خرجاات وبرزززاات منفوووخة ...قدرات تسمع صوت انفاسو لي تصاعداات وقدراات تشوف صدرو كيفاش تايتهز ويتحطط وهو مزير على ملامحو وعيونو الغريبة عليها نضرة شبه غااضبة وشبه تساؤولية فنفس الوقت وكأنه مصدوم من شي حاجة...شافت لفين كايشوف لقاتو كايشوف فالشخص لي واقف قدااامو حتى هو بنفس التعابييير كايشوووف فيه وحجبانو السود مقرونين بين عينيه...ملامحو كحلة وكايبان صغير فالسن وبنيتو الجسمانية فمستوى قريب من بنية كيسسسر ... طويل وممكضضر وكايبان قاسح وحرش.... و وراه واقفين الخدامة ديال الريسطورا كلهم مستفيين كايشوفو فأريناس وكيسر....بلعات ريقها واتمنات مايكونش داكشي لي فبالها وبتباطئ نزلات بعينها مع الراجل وشافت ليه فيدييييه لي كانت مافيهاش جوج صبعاان ...الإبهام والسبابة ........فشلاتتتتتتت
أنت تقرأ
خادمة القاسي
Novela Juvenil🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
