🍷🥂خــادمـة الـقاسـي🥂🍷
✦وكأن عيناك في الحسن آية تتلى على قوم كفروا فاهتدوا...!
#سؤال....!
أريناس:علاش نتا بالضبط؟!.
كيسر قرن الحواجب بين العيوون وهو فعينيها حاط الشوفة وأريناس كملات كلامها وهي ضابطة عويناتها فعويناتووو .
أريناس: حاسة بيك كاتقرا أفكاري... كاتفهمني بلا مانهضر...كاتحس بيا بلا مانشكي...كاتحن فيا ونتا قاسي...كاتخاف عليا ونتا بارد المشاعر...كاتبغيني ونتا قلبك محججر...علاش نتا بالضبط وعلاش انا بالضبط؟!
سهى فيها وهي كاتهضر ...عاجبو اسلوبها المتطوور...بقا كايشوف فيها وهي كاتشوف فيه حتى التاقطو اذنيه سمع خطوات ليلى قراب من البيت وهي تدفعو اريناس من فوقها قايلة.
" نوض من فوقي راه البنت جاية".
جلس على السرير جنبها وهي ناضت دغيا هزات بيجامتها وطارت للدوش تلبسها تما مخلياه حابس الضحكة وعاض على طرف من شفاههو السفلية....دخلات ليلى وغير شافتو فالبيت بغات ترجع تخرج ودارت راجعة دراجها حتى نطق موقفها.
"اجي بغيييت نهضر معاك"
ليلى( دارت عندو):نعام اخوياا كيسر..!!
دار ليها اشارة للكرسي جنبها وهي جرراتو وجلسات عليه بعدما حطات البيسي فوق الطبلة بعيد عليها وأريناس خرجات من الدوش كاتجمع فشعرهاا.
كيسر: الشركات فحالة كارثية لا تعقل....الأسهم كايطيحو والمستثمرين كايتراجعو والخسارة معرضة لينا....مابغيتش نشطن الواليد بهادشي وهو مشطون مع الواليدة .....محتاج مساعدتك فوحدة من مجموعة شركاتنا.....الشركة الخاصة بالأزياء والموضى....بما أنكِ كاتفهمي وكاتقراي التصميم غاتكوني درع مساعد للشركة...والباقي غانتكلف بيه المهم هو تعاوني فوحدة منهم...فكري وردي عليا.
وقف من مكانو ووقفاتو بجوابها قبل مايتنقل بخطواتو.
"موافقة".
هزات فيه عينيها ولمعة الفرحة فيهم كاتبري....سرطات الريق وحركات راسها بالإيجاب مرارا وتكرارا ووقفات مقابلة معاه بحماس.
" انا موااافقة....فرصة فحال هادي ماغاتعوضضضش واناا محتاجة نبين مهاراتي باش نتطلب لشركات عالمية أخرى انا موافقة والله ههه...انا موافقة".
نوعا ما عجباتو فرحتها وحماسها للخدمة ...هز راسو بالإيجاب وقال.
"غانخليك تتكلفي بكلشي حيت انا غانخدم عن بعد...فالمقابل ماتخيبيش ظني فيك...مابغيتش ندخل ليها البراني حيت الدقة جاتني من القريب فمابالك بالغريب".
ليلى: جاتك الدقة من القريب؟؟؟!!
عارفها دقيقة الملاحظة ودماغها خفيف وكاتركز فأدق التفاصيل غير من نهار جات قدر يلاحظ انها كاتلاحظ كلشي بالتفصيييل.
أنت تقرأ
خادمة القاسي
Novela Juvenil🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
