لا ظلم يطغى على عدلتنا ⚖️

الجزء الثامن جريمة في المدرسة

ببيت اهل غيم الساعه ١١ الضحى
اتجهه لها اخوها بخطوات هاديه
سحب منها الصينيه الي بين احضانها : بالعافيه
قعد ع طرف السرير : شلونج الحين؟
غيم : الحمدلله احسن
اخوها بتردد : غيم ... بقولج شي بس مادري اذا الوقت مناسب ولا لا
عدلت قعدتها لجهته : مناسب قول
اخوها : تحبين عيسى ؟
التزمت الصمت لثواني وبعدها انطقت: مادري
اخوها : شلون ما تدرين سألي قلبج اذا كان يحبه ولا لا
غيم بغصه : اعرف جوابه
اخوها : يحب صباح ؟
هزت راسها ب اي : صباح
اخوها : وعيسى مافي مكان له بقلبج ؟
هزت راسها بالنفي : للاسف صباح مستوطن قلبي كله
اخوها بعد تفكير : خلاص عيل راح اخليه يمشي ب اجراءات الطلاق
توسعت عيونها بصدمه : لا لا لا شنو طلاق شتبي الناس يقولون عني مطلقه
اخوها : اي عادي منتي اول وحده ولا اخر وحده تطلق من زوجها ودامج ما تحبينه ليش تستمرين معاه ؟
ارتبكت ومافي عارفه شنو ترد عليه
واول شي خطر ع بالها قالته : لانه يحبني
اخوها : اي بس الريال مهما كان يحبج بنهاية راح يزهق من يشوفج للحين تحبين صباح وما تبادلينه الحب
غيم : لا تطمن اهو يحبني ومارح يزهق
اخوها بجذب : انزين بيني وبينج اهو لمح لي وانا فهمتها بعد تعرفين اخوج يفهمها وهي طاريه لمح يبي عيال
احمر ويهه على الكلام الي بيقوله ولي مجرد ما فكر ويه صار ويهه احمر : وادري يختي طول هالسنتين ما صار شي بينكم
نزلت عيونها ب احراج واحمر ويهها
اخوها : عندي لج حل دامج ما تبين تطلقين
رفعت عيونها وطالعت اخوها بكل تركيز : شنو ؟
رسم ابتسامه خفيفه ع شفاته : نزوجه منها انتي تظلين على ذمته ومنها اهو يصير عنده ضنا من زوجته الثانيه شرايج ؟
ابتسمت : اي خوش حل خل يتزوج .. ولا اقولك اهو للحين صغير خل يتمتع ب شبابه بعدين يتزوج ... بس اذا اهو حاب عادي خل يتزوج
رفع حواجبه : الحين عادي يتزوج ولا لا ؟
غيم : ها اي اي خل يتزوج
اخوها : تمام الحين هو بالمحكمة ان شاءالله بس يطلع بخليه يدق علي وان شاءالله اقوله انج موافقه انه يتزوج
غيم بنبره شبهه عاليه : هو ليش تزعج الريال واهو بالمحكمة يعني حبكت تقوله من يطلع ؟؟ انطر من تشوفه بعدين قوله
ابتسم : لا الريال ناطر لازم اقوله مافيه صبر ينطر لين بلليل عشان يعرف شنو كان جوابج
عكرت ويهها ، مسكت تلفونها تطقطق عليه واذنها عند اخوها الي كان يسجل فويس ل عيسى يطلب
منه اول ما يطلع من المحكمة يدق عليه

_
_
بقصر العدل الساعه ١١ ونص الظهر
طلعوا من القاعه والابتسامه مرسومه على شفاتهم بعد قرار القاضي عن وهج والافراج عنها مؤقت وهذا يعني هي بريئه ومع فحص الادله بتطلع براءه من هالتهمه
من وناسة هالقرار نسى اوسم يجيك على تلفونه ويشوف رسالة ريتاج له
عيسى ب ابتسامه : خلاص بعد اسبوع براءه براءه خالصين منها
توسعت ابتسامه اديب : ان شاءالله لانه هذا الي بصير
وقف من سمع احد يناديه
التفت وشاف المديره
اتجهت له ونطقت : احتاج اكلمكم والحين بعد
اديب بكل ثقه : شنو بتقولين وانتي سمعتي بأذنج موكلتي برئيه
المديره : انتو اسمحوا لي اتكلم
التفت اديب ل عيسى واوسم ناطر منهم اشاره اذا يوافق يسمع لها
هزوا راسهم بخفه بالاي
اديب : لج خمس دقايق بس ان كلامج ما عجبنا قمنا
المديره : راضيه ب هالخمس دقايق بس مو اهني في كافيه قريب من هالمكان خل نتواعد هناك
بعد ١٠ دقايق وصل الجميع للكافيه
من غير اي مقدمات نطق اديب : قولي الي تبينه ومثل ما قلت عندج خمس دقايق
المديره بغضب : ممكن تفهمني شلي قاعد يصير بالمدرسه ؟
رفع حواجبه ونطق : منو المدير فيها انا ولا انتي ؟
عيسى : يايه تلعبين علينا مو انتي كنتي وحده من الاشخاص الي اتهم وهج بالقتل ؟
هزت راسها ب اي : ما انكر هالشي بس العبوا علي
عقد حواجبه : شقصدج ؟
المديره : انتو عارفين انه بوقت الجريمه ما كنت بالمدرسه صح ؟
اوسم : اي بس هذا شكو بأنهم يلعبون عليج ؟
المديره : من وصلت المدرسه شفت لويه صايره اول شخص قابلني الإخصائيه وقالت لي عن وهج انها هي القاتله وانها متأكده وبما اني انا كنت برا المدرسه صدقت كلامها
اديب : يعني الاخصائيه هي القاتله ؟
المديره : انا ما قلت هي القاتله بس في شي قاعد يصير بالمدرسه ممكن الاخصائيه لها يد بالموضوع
عقد عيسى جواحبه بعدم فهم : وضحي كلامج
المديره : سؤالي ل اديب ليش ما ذكرت اسم الشخص الي عطاك الورقه او ليش ما سمعنا الفيد مع القاضي ؟
اديب : انتي عارفه الجواب ليش تسألين
المديره بنبره هاديه : ادري تشكون فيني بس والله اني مادري عن شي اي نعم انا المديره بس هذا ما يعني عيوني على الكل رفضهم يطلع اسمهم بالمحكمة هذا يعني انه تم تهديدهم
اوسم : صعب نصدقج بس مع هذا قولي شقصد كلامج ب انهم متهددين ؟
المديره : صاحبة المدرسة حريصه انه مدرستها تكون من افضل المدارس بالكويت ولي دايم تحرص انه ما ينقال عن مدرستها الا كل خير ومدح عليها عشان جي طلعنا قرار التوحد بكل شي من ملابس وحذاء والخ لانه ب هالقرار راح يصير فيه ضجه وراح تنعرف مدرستها اكثر ف ما استعبد بأنه القاتله تكون داخل المدرسه بس تم تهديدهم انهم ما يتكلمون لانه هالشي راح يشوهه سمعة المدرسة من ينكتب انه في طالبه قتلت طالبه ثانيه بمدرسة لنكن الافضل بس من ينكتب انه في خريجه زارت مدرستها عشان ترتكب الجريمه اهني الوضع شوي راح يختلف
اديب : بكل الاحوال صارت جريمة قتل ما يفرق اذا كانت طالبه ولا خريجه
المديره بحده : يفرق بالنسبه لصاحبة المدرسة
عيسى : وينج من زمان من كنتي تتهمين وهج انها القاتله ؟
المديره : لاني كنت حالي من حالكم انقال لي كلام وصدقته بس من بعد الكلام الي قلته من تكلمت عن الادله اهني شكيت بالاخصائيه تكون متعاونه مع صاحبة المدرسة فكوني انا كنت برا المدرسة اكيد كنت بصدق الكلام الي ينقالي
اديب : الحين انتي تبين تثبتين لنا انه مالج يد بالشي الي صار ولا شنو موضوعج بالضبط ؟
المديره : انا ابي اساعدكم عشان نعرف منو قتل غصن
عيسى : اوكيه اكيد عندج طالبه تثقين فيها ثقه عمياء ابيج تسألينها شلي صار وهل فعلاً هم متهددين؟
المديره : عندي رقم طالبه تبون الحين اكلمها ؟
اديب : ياريت بس خليه سبيكر
طلعت تلفونها من جنطتها
دقت على الطالبه الي تثق فيها
الطالبه : هلا استاذه ؟
المديره : هلافيج شلونج ؟
الطالبه : الحمدلله بخير وانتي ؟
المديره : الحمدلله دقيت عليج لاني ادري انتي اليوم ما داومتي بسبب تعبج صرتي زينه ؟
الطالبه : الحمدلله ان شاءالله باجر بداوم مع طبيتي
المديره : انزين ابي اسألج سؤال وابيج تجاوبين بكل صراحه ومن غير لا تخافين
الطالبه : تمام
المديره : بعد ما الضحيه انقتلت ما صار شي غريب ؟
الطالبه : كنت ناطره سؤالج هذا من زمان
المديره : صار شي ؟
الطالبه : اي استاذه الاخصائيه دخلت علينا وقعدت تهدد اذا احد تكلم وقال كلمه راح يتم استبعاده من المدرسه ومن جميع مدارس الكويت او انه يعيد السنه حتى لو كنا من الاساس ناجحين
هزت المديره راسها ل اديب
بمعنى انه كلامي صح
المديره : وليش ما قلتي لي ؟
الطالبه : لا تلوميني انتي ما شفتيها شلون كانت تهدد
المديره : انزين ارتاحي الحين واشوفج باجر " سكرته "