لا ظلم يطغى على عدلتنا ⚖️

الجزء الرابع عشر جريمة في المدرسة

بقصر العدل الساعه ١٢:٣٤ الظهر
طلع من القاعه متنرفز بسبب انه تلفونه مو راضي يسكت
على انه حاطه سايلنت بس كان هزاز
نطق بنبره عاليه : هلا هتان !
هتان ب ارتياح : اووف واخيراً رديت انت وينك من امس مالك حس ؟
عيسى : هتان انا بخير الحين اكلمك بعدين …
قاطعه : وين وين بعدين بالي مشغول عليك
عيسى ب استعجال : يبا انا بالمحكمة اخلص وادق عليك
سكره من غير لا يسمع رده
رجع تلفونه ل جيبه
دخل القاعه الي مجرد ما فتح الباب اعتلى مسامعه بصوت اديب
اديب : كلنا عارفين سيدي القاضي انه في فرق بين البطاقتين عشان نعرف نميز بينهم قالوا لنا انه بطاقة موكلتي هي بطاقة طالب ايي تفتح لجميع الابواب هذا الي كلنا نعرف عنه لين ليلة امس يالي اتصال ب اعتراف من مسؤولة البطاقات واعترفت لي بشغله ف اذا تسمح لي سيدي القاضي بطلب المسؤوله منصة الاعتراف
القاضي : مسموح
تقدمت مسؤولة البطاقات لمنصة الاعتراف
طلب منها القاضي بالقسم بأنها تقول الحقيقه
بعدها نطق اديب : دقيتي علي ليلة امس شنو قلتي ؟
المسؤولة : وهج بريئه وعندي دليل ل هالشي
اديب : طبعاً سيدي القاضي الادله الي عندي تكفي ببراءة موكلتي لكل مثل ما يقولون زيادة الخير خيرين
بعد نظره عن القاضي وطالع المسؤوله : قولي شنو اهو دليلج ؟
بلعت ريقها وواضح انها خايفه لانه الخوف كان مرسوم على ويهها : البطاقة الي استلمتها وهج كانت بطاقة زائر
اديب بحماس : وهالبطاقه شنو تسوي ؟
المسؤوله : يفتح لها ابواب معينه فقط
اديب : يعني ما يفتح لها قسم المتوسط ؟
هزت راسها بالنفي : ما يفتح
اديب : انزين انتو بالبداية قلتوا انه بطاقة طالب على اي اساس طلعت البطاقة الي استلمتها موكلتي هي بطاقة زائر ؟
كانت جامعه اصابع كفها اليمين ب قبضة ايدها اليسار من التوتر الي متملكها : على طرف بطاقة الزائر من الخلف في نقطه صغيره باللون الرمادي وببطاقة الطالب نقطه صغيره باللون الاسود وهذا الي يفرق بين البطاقتين
اديب : والبطاقة الي كانت عند موكلتي النقطه باللون ؟
المسؤوله : رمادي
القاضي : شنو السبب الي خلاج تجذبين ؟
التزمت الصمت
قام وكيل النيابه ونطق : لا تخافين انتي الحين بمكان امن عشان المسؤول عن هالشي يتعاقب

ابتسم اديب بسبب التعاون الي صار بينه وبين وكيل النيابه بعد الادله الي قدمها بالجلسه  السابقه
اديب : تكلمي ؟
المسؤوله : تم تهديدي مثل ما تم تهديد الجميع
اديب : من ؟
التفت للقفص الي كانت متواجده الاخصائيه فيه ونطقت : الاخصائيه
اديب : شقالت لج بالضبط ؟
رجعت التفت عليها للمره الثانيه
وكيل النيابه : مارح تقدر تسوي لج شي تكلمي ولا تخافين
.
.
فلاش باك لليوم الحادثه
تقدمت لها الاخصائيه ونطقت بعد ما تلفتت تأكد اذا في احد : البطاقة الي استلمتها الطالبه الي يت تزور معلمتها شنو كانت ؟
المسؤوله : بطاقة زائر استاذه
الاخصائيه بحده : بطاقة طالب
هزت راسها بالنفي : لا انا متأكده بطاقة زائر النقطه رمادي مو اسود
طقت كفها على الطاوله : اقولج بطاقة طالب يعني بطاقة طالب اي مخلوق يسألج قول بطاقة طالب
عقدت حواجبها بعدم فهم الي قاعد يصير : ليش تطلبين مني اجذب الصج انها استلمت بطاقة زائر
الاخصائيه بنبره شبهه عصبيه : تجذبين ولا تنطردين اختاري
توسعت عيونها بصدمه: انطرد وانا ما سويت شي !!
الاخصائيه : اذا قلتي انها استلمت بطاقة طالب بتتمين مكانج ويمكن راتبج يزيد اما اذا قلتي بطاقة زائر ودعي المدرسه
المسؤوله : خلاص بطاقة طالب بطاقة طالب
ابتسمت الاخصائيه : كفو ابيج جي ترددين الكلام ابيج تصدقين الجذبه استلمت بطاقة شنو ؟
المسؤوله : طالب
.
.
الان
بعد ما رجعت مسؤولة البطاقات لمكانها
طلب اديب من القاضي بخروج الاخصائيه من القفص وتقدم ل منصة الاعتراف
اتجهت لمنصة الاعتراف واقسمت لقول الحقيقه
اديب : منو عطاج الامر لتهديد الطلبه ولجميع الموظفين في المدرسه ؟
التزمت الصمت
هز راسه ب اي
تقدم ل اوسم
واخذ منه الملف الي فيه سجل مكالمات الاخصائيه
تقدم للقاضي وعطاه الملف :
سيدي اخذنا اذن من المحكمه عشان نقدر نطلع على سجل مكالماتها والاذن موجود بالملف ، سيدي من اليوم الي تمت فيها الجريمه لي اليوم الي انكشفت الاخصائيه وكانت بشكل يومي تتواصل مع رقم باليوم اكثر من مره ب اوقات متفرقة
بعد عيونه من القاضي والتفت للاخصائيه ونطق : منو الشخص الي كنتي تتواصلين معاه ؟
لا زالت ملتزمه الصمت
اديب : الظاهر العصفوره اكلت لسانها بس مو مشكله انا اقول منو ، اعترف سيدي القاضي بالبداية شكيت بالمديره بسبب كلامها وإصرارها بالبدايه عن انه موكلتي هي القاتله