لا ظلم يطغى على عدلتنا ⚖️

الجزء خمسه وعشرون الحقيقة

الساعة ١٠ الصبح بالمستشفى
طلع ارسم من احد الغرف والدموع بين عيونه
حط كفه على حلجه " فمه "
محاوله منع طلوع صوت شهقاته
ثواني وطلعت وراه ريتاج
من شافها رمى نفسه بين احضانه
حاوطته ب ايدها اليمين
واليسار تمسح على شعره
نطق بغصه : سمعتي ؟
هزت راسها بالايجاب : سمعت يا بعد روحي سمعت
بعد نفسه بين احضانها ونطق : شعور غريب داهمني
رفعت كفوفها وحاوطت ويهه
مسحت بطرف صبعها الابهان دموعه ونطقت : طبيعي يروحي وانا داهمني نفس الشعور طبيعي لانا سمعنا صوت دقات قلبه
هز راسه بالنفي : الشعور الي داهمني مو بس لاني سمعت صوت دقات قلبه في شي يقولي اروح لامي وابوي
سحبها من ايدها ونطق : تعالي
سحبها معاه للسياره
ركبوا وحركوا
طول الطريج ملتزمه الصمت
لانها عرفت وين راح يروح
بعد ٢٥ دقيقه
وصلوا لبيت اهله
ريتاج : روح انت انا انطرك اهني
نزل من السيارة
متجهه ل ريتاج
فتح الباب وطلب منها تنزل
ريتاج : متأكد ؟
مد ايده لها وهز راسه بالايجاب
نزلت وراحت معاه
اول ما سمع صوت دقات قلب ولده او بنته
خطر على باله حالته
شلون كان من غير عايله
شلون اصحاب الدار اهتموا فيه
لدرجه انهم تبنوه
اتجهه وقبل راس ابوه
واتجهه لامه وقبل راسها
قعد عالارض
مسك ايدها وطبع بوسه
رفعت كفها ومسحت على شعره : يمه شفيك ؟
دفن ويهه بين ريولها
سمعت صوت بكاءه
رفعت راسه ونطقت ب استغراب : يمه شفيك ؟
مسحت دموعها بكفها : لا تخوفني عليك
اوسم بغصه : يمه سمعت صوت دقاته
ابتسمت : وهالشي حلو ليش هالبجي ؟
ابوه : تلقينه تحمس لانه سمع صوت دقاته هذا اذا جي وبجيت شلون من يكون بين احضانك
انهى كلامه بضحكه
اشرت قماشه ل ريتاج بمعنى شفيه ؟
رفعت ريتاج كتوفها بعدم فهم
اوسم بنبرة حزن : يمه من سمعت صوت دقات قلبه خطرتي على بالي
توسعت ابتسامتها : ويه يقلبي
حضنت ويهه بين كفوفها وطبعت بوسه على جبينه
رفع نظره لها والدموع تتساقط من بين عيونه ونطق : يمه تخيلت لو انا الحين ما عندي احد لا ام ولا " بعد نظره من امه وطالع ابوه " ولا اب " بعد نظره من ابوه طالع اخوانه " ولا اخوان واخت شلون ممكن راح اربي ولدي ؟
اختفت ابتسامتها

تنهد بعمق ونطق : لولا ربي ثم انتو جان ما عرفت معنى العايله الحين اذا ولدي او بنتي طلع على هالدينا بيكون عنده عايله كبيره عنده جده وجد وعمام وعمه يمه … شكراً
لا شعورياً انزلت دموعها
نطقت : انت حببت نفسك غضب من صار الوقت نوديك الدار كنت كل يوم من اروح الدار على طول اشوفك وساعات اتم يوم كامل هناك عشانك لين ما كبرت وتعلقت فيك قلت لابوك ابيه يكون ولدي وافق انت خليتني احبك واخذك تصير ولدي
اوسم ب ابتسامه : يمه تدرين بعد ليش شكرتج ؟
نطقت : ليش ؟
اوسم : لانه كبرتي عيالج على حبي عندي اخوان واخت يحبوني مثل ما يحبون بعض ولا مره سمعت منهم انت مو اخونا او كلمة جرحتني يعاملوني كأني من دمهم وهذا بسبب تربيتج انتي وابوي خليتيني اعيش بعايله جداً جميل وفي فرد يديد انضم لنا وهي ريتاج حبيبة قلبي وبعد جم شهر راح ينور بيتنا بضيف
نطقت امه ب ابتسامه : هالضيف راح احطه بين عيوني مثل ما حطيتك
رفع نفسه وحضن امه
صدق المثل الام الي تربي مو الي تنجب
في امهات مثل ام اوسم الحقيقة ترتكب غلط ويكون ثمن غلطها رضيع
رغم عدم وافقتها على الحمل الا انها انجبرت تتم الحمل
وبيوم الولاده ترميه ولا كأنه قطعه منها
بعض الامهات قلوبهم قاسيه
الحياة تقسى عليهم والقسوه تسيطر على قلبهم لدرجه يرمون قطعه منهم
والبعض ب ارادتهم وثمن ارادتهم حملهم ويجبرون ب اكمال الحمل وبنهاية ينرمى من غير ما يتقطع قلبها على رضيعها
لكن ربي يعوض البعض ب ناس طيبه مثل عايلة اوسم
الي تبنوه وما حسسوه انه متبني
دايم يحس انه منهم وفيهم
من لحمهم ودمهم
تعودنا بالمسلسلات نشوف الاخ يغار او يحقد على المتبني
لكن اخوانه كانوه يحبونه ولا مره حسسوه انه متبني وهالشي نادر
امه الحقيقه رمته امام بيت امه الي ربته
اخذت منه حقه ب ان يكون عنده بيت دافي ، ام تحن عليه وتهتم فيه
لكن ربي عوضه ب اهل يحبونه وبزوجه تصونه وبجنين قادم
_
_
الساعة ١١ الضحى ببيت حصه " حياة "
اتجهت للصاله وبين ايدنها كوبين جاي " شاي "
مدت ايدها له
اخذه وحط الكوب عالطاوله ونطق : مو ياي اشرب ياي افهم
حصه : هذا ما يمنع تفهم وتشرب بنفس الوقت
هزاع : ليش ؟
عقدت حواجبها : ليش على شنو ؟
هزاع بهدوء : عارفه ليش على شنو
حصه : عشان ما قلت لك اني اشتغل معاك؟
هزاع بحده : بسألج سؤال وابيج تجاوبين بصراحه