ပိုင်ဆိုင်ခွင့်မရှိလည်း
ငေးကြည့်ရုံနဲ့ ကျေနပ်ပါတယ်ဆိုတဲ့ ချစ်ခြင်းအတွက်
နာကျင်နေတဲ့ နှလုံးသားကို
ကြံ့ခိုင်အောင် ပုံသွင်းရသေးတယ်။
မပတ်သက်တော့ဘူးဆိုပြီး
ရှောင်ဖယ်နေပေမယ့်
သူ့ဆီဦးတည်နေတဲ့ ခြေလှမ်းတွေကို
ရုတ်သိမ်းဖို့ ကြိုးစားရသေးတယ်။
လှည့်မကြည့်တော့ဖို့
ဆုံးဖြတ်ထားပေမယ့်
သူငိုကြွေးရင် မှီခိုဖို့
ပခုံးတစ်ဖက်ကို ပြင်ထားမိသေးတယ်။
နောက်ဆုံး အဆုံးသတ်ဖို့ကြံရွယ်လိုက်တိုင်း
သူပြိုလဲရင် အလိုက်သင့်ဖေးမနိုင်ဖို့
ဒီလူရဲ့ရင်ခွင်နွေးနွေးလေးကို
ဖွင့်ဟမိသေးတယ်။
ခင်ဗျားနဲ့ပတ်သက်လို့နောက်ဆုံးပါပဲ၊
အဆုံးသတ်ပါပဲဆိုတဲ့စိတ်က
ကျွန်တော် တစ်ခြားကမ္ဘာကိုကူးပြောင်းဖို့
နောက်ဆုံးအငွေ့သက်တစ်ခုလည်းဖြစ်နိုင်တယ်။
#သျှင်လွန်းငယ်
