هاي.
بارت جديد اتمنى يعجبكم.
.....................
ثاني يوم الصباح، الكل كان مجتمع عند الجدة عائشة.
الصغار يلعبون بكل مكان، رائد و أوس جالسين بالمجلس مع اعمامهم يسولفون لين يجي وقت الصلاة.
أوس قرر انه راح يقضي هاليومين كاملين عند جدته وامه ويرجع للشغل بعد الويكند.
وقت الصلاة جاء وراحو صلوا ورجعوا، أوس ورائد ما تكلمو مع بعض ابدا بس كانو يتفاعلو شوي مع اهلهم.
عم أوس فجأة بدون سبب طالع في أوس وقال: ليه مطول شعرك كذا كانك بنت، انت ما تستحي على وجهك؟، ارجل شوي وش حركات المخنثة هذي؟
الكل سكت بالمجلس منصدمين من كلام عمر مع أوس.
أوس ما انصدم من وقاحة عمه اللي يشوفها من وهو مرة صغير، ما كان يمر يوم بدون ما يتلقى ابشع انواع الاهانات والضرب من عمه اللي ما في قلبه رحمة على ولد اخوه. يستغل غياب ابوه عشان يضربه كل ما طاحت عينه عليه.
رد عليه أوس بدون خوف وقال: لما انت تصير رجال اول تعال حاسبني.
عمر صرخ في اوس وقال: ابوك ما عرف يربيك والحين انا راح اربيك يا قليل الخاتمه.
عمر قام بعصبية وشد أوس من ياقة بلوفره وقومة يبغى يضربه.
رائد فز بخوف يبغى يمسك عمة قبل لا يضرب أوس بس تراجع لما شاف يد أوس اللي مسكت يد عمر بقوة يمنعه من انه يضربة.
محمد أبو أوس صرخ في اخوه اللي واضح انه غلطان في حق ولده وقال: عمرر ما أسمحلك تمد يدك على ولدي قدامي وتهينه بذي الطريقة وتقول انا ما عرفت اربيه.
هو يسوي اللي يبيه دامه ولدي ومن ضلعي. كوني احترمت اخوتنا وامي وسكتت لك على تصرفاتك معاه ما يعني اني ما اقدر اوقفك عند حدك، عشان كذا لا عاد اشوفك ماد يدك او لسانك عليه.
عمر طالع باخوه باستنكار وقال: ولدك لسانة طويل ما تشوفه وهو يرد علي كذا؟
ضحك محمد بسخرية وقال: طبعا راح يطلع لسانة طويل دامك عمه
قاطعه اوس وقال: ما يشرفني انه عمي اصلا
محمد لف على أوس وقاله: اسكت انت.
ضحك اوس وما رد.
رائد سحب على كلشي وطالع في ضحكة أوس الحلوة، عمه عمر رافع ضغطه من زمان بسبب تصرفاته مع أوس ويستنى اليوم اللي يتمادى فيه عشان يوقفه عند حده.
أنت تقرأ
وَجْدٌ أَزَلّيْ
Randomومافي الأرضِ أشْقَىْ من مُحِبٍّ وإِن وجدَ الهوى حلوَ المذاَقِ تراهُ باكياً في كلِّ وقتٍ مخافةَ فرقةٍ أو لاشتياقِ. رواية مستوحاة من الحقيقة. الغلاف من تصميم دان الحلوة.
