وَجْدٌ أَزَلّيْ

10..

مرحبا فيكم في بارت جديد من وجد.

كيفكم؟

لا تنسو التفاعل حلويني.

اتمنى ينال البارت اعجابكم.

..............

دقايق مرت بدون لا يقول رائد اي شي، مصدوم من اللي سمعه ومو عارف ايش يسوي في موقف زي هذا. 

فقد الامل في انه يرجع حبيبه والحين هو بنفسه جاي يقول له انو مافي شي راح يمنع علاقتهم بعد اليوم.

هو مستحيل يفكر حتى انه يرفض أوس بعد ما جا عنده بنفسه، بس يعرف انو اثنينهم يحتاجون وقت عشان يرجعون علاقتهم زي اول وأحسن، يحتاجو يتكلمون عن كل شيء صار معاهم ويشفو قلوبهم ببعض لين ينسو كل شي.

شعور الراحة اللي غلف قلبة نساه معاناة السنين الماضية، عارف انو حبهم اكبر من كل المشاكل اللي واجهتهم او راح تواجههم مستقبلا ودام أوس معاه وقدام عيونه مافي شي راح يكسره ابدا.

رائد طالع في أوس اللي كان جالس جنبه وساكت بدون اي ملامح في وجهة، مسك يده وصار يلعب في اصابعه وقال له: ما ابغى اسمع كلمه اسف منك، تعرف اني اكره اشوفك تعتذر لي، بس تعرف ايش رح يعوض الخمس سنين الي راحت بدون اي اعتذار ؟
اننا ننساها الان بذي اللحظة ونبرد على قلوبنا لأنها انحرقت بما فيه الكفاية اعتقد؟ خلينا ننسى كل الي صار ونرجع زي اول واحسن ونصنع لنا ذكريات تعوض عن كل الي صار الفترة الي راحت.
بس اللحين كل الي ابيه اننا ننسدح بالساعات بحضن بعض ونسولف عن الاشياء الي سويناها بحياتنا وماقدرنا نقولها لبعض بسبب علاقتنا بالخمس سنين ايش رايك؟

ابتسم أوس براحه من كلام رائد، حس انو لسانه انربط ومو قادر يقول شي بسبب قلبه اللي يدق بقوة.

قرب رائد منه وباس طرف شفته بخفة، بعدين انسدح وسحبه عنده، ما قدرو يخفو عن بعض رجفة اجسامهم بسبب قربهم الشديد من بعض.

رائد باس راس أوس وقال له وهو يلعب بشعره: احب شعرك، طوله مثالي لا تقصه.

أوس ابتسم و رد عليه: أصلًا ما افكر اقصه راح أطوله اكثر.

رائد همهم وهو صامل يلعب بشعر أوس، اشتاق لاحساسه فيه بين أصابعه، طول الوقت اللي قضوه سوا ما وقف لعب بشعره.

قالو كل شيء لبعض، اللحظات اللي تعبو فيها وهم بعيدين عن بعض، اللحظات اللي شوقهم فيها فاق كل الحدود، لحظات نجاحهم اللي ما حسو انها كاملة بسبب بعدهم عن بعض، واهم شي لحظات ضعفهم اللي هم الإثنين مستحيل يظهروها لاحد غير بعض.