"ကလေး, ဟာ တိမ်စိုင်ပြာရေ"
"ဗျ..ဗျာ ကိုကို ဟီး"
"အဲ့ဆံပင်တွေကို လှန်တင်လိုက် မမြင်ဘူးထင်မနေနဲ့, နဖူးကဘယ်လိုဖြစ်ပြီးနီရဲနေရတာလဲ?"
"ဟီး စုံစွမ်စိကိုနဖူးတောက်ကြေးဆော့ထားတာ ဦးလေးရဲအောင်ရယ် အန်တီရယ်နဲ့"
"နဖူးတောက်ကြေးက ဒီလောက်တောင်ရဲကုန်ရလား Mommyတို့ကဘာလို့ ကလေးကိုအားနဲ့တောက်ရတာလဲ"
"ကိုကိုကလဲ အန်တီ့ကိုမအော်ရဘူးလေ ကိုယ့်ထက်ကြီးတဲ့သူ ဘယ်သူ့ကိုမဆို လေးလေးစားစားဆက်ဆံရမယ်ဆို"
"မင်းလာခဲ့လိုက်တော့" အနားရောက်လာတာနဲ့ နားရွက်ကနေကိုင်ပြီး ကားပေါ်ရောက်တဲ့အထိဆွဲခေါ်သွားလိုက်တယ်။ Mommyတို့ရှေ့မှာ ဒီကလေးကိုမဆူမရိုက်ချင်တာကြောင့် စိတ်ကိုအတတ်နိုင်ဆုံးလျှော့ထားပြီး ကားပေါ်ရောက်တဲ့ထိခေါ်လာတော့ မင်းထက်ရင်ညွန့်နားလောက်သာရှိတဲ့ကောင်လေးက ယက်ကန်ယက်ကန်နဲ့ပါလာတော့တယ်။
"ကိုကို သားကဆော့ချင်တာနဲ့ အန်တီတို့ကဆော့ပေးရတာ အန်တီတို့ကိုစိတ်မဆိုးပါနဲ့, သားကိုက sensitive skinရှိတာမို့လဲ နဖူးကချက်ချင်းနီသွားတာ တကယ်မနာပါဘူး"
"ဟူး...." လေပူတွေနဲ့အတူ ဒေါသတွေများပါသွားမလားလို့ မှုတ်ထုတ်လိုက်တော့ နည်းနည်းလေးတောင်လျော့မသွားတာကြောင့် ခုံပေါ်ကို မှီရင်းငြိမ်နေမိတယ်။
"ကိုကိုစိတ်တိုနေတာလား?"
"အင်း"
"သားကိုလား"
"မဟုတ်ရပါဘူး ကလေးရယ်"
"ဒါဆိုစိတ်ငြိမ်သွားအောင်သားဖက်ပေးထားမယ်" လို့ပြောရင်း တိမ်စိုင်က သူ့ခန္ဓာကိုယ်သေးသေးလေးနဲ့ ရင်ခွင်ထဲထည့်ပေးထားတာမို့လို့ မင်းထက်မျက်လုံးတွေပါမှိတ်ရင်း ငြိမ်နေပေးလိုက်တယ်။ လက်ဖဝါးလေးနဲ့ပါ မင်းထက်ရဲ့ကျောပြင်ကျယ်ကြီးကိုဖွဖွလေးပုတ်ပေးနေသေးတာ။
"ကလေး" စက္ကန့်အပိုင်းအခြားလေးကြားမှာတင် ဒေါသတွေပြေသွားပြီး စိတ်ပါငြိမ်ကျသွားတာကြောင့် ကားထိုင်ခုံပေါ်ဒူးလေးထောက်ရင်းသူ့ကိုဖက်ပေးထားတဲ့ တိမ်စိုင့်ရဲ့ခါးကိုသိမ်းကျုံးပြီးခပ်တင်းတင်းဖက်ထားရင်း စကားပြန်စမိတယ်။
YOU ARE READING
A Nephophile
Fiksi UmumA Nephophile. လောဘကြီးစွာနဲ့ပဲ တိမ်စိုင့်ကိုချစ်မယ့်သူဆိုတာ ကိုယ်တစ်ယောက်ပဲရှိချင်တာမို့ ကိုယ့်ဘာသာ A Nephophileလို့ခေါ်တွင်လိုက်တယ်။
