Because Of You [Completed]

End.

ပုစွန်ဆီရောင်ကောင်းကင်မှသည် အပြာညို့ညို့ကောင်းကင်အဖြစ်သို့ပြောင်းလဲသွားပြီးနောက် ကြယ်မှုန်သေးသေးကလေးများကတလက်လက်၊ လခြမ်းကလေးကခပ်ရေးရေးနှင့် ညနေခင်းတစ်ခုတွင် တီးဝိုင်း၏ တယောသံခပ်တိုးတိုးက ကြည်နူးဖွယ်ကောင်းစွာ ဆွတ်ပျံ့လျက်။ နှင်းဆီဖြူဖြူ၊ Baby breath ပန်းဖြူဖြူတို့ဖြင့် ခြုံလွှမ်းထားသော ပန်းခင်းလမ်းကလေး၊ ခုံဖြူဖြူလေးများသည်ဖဲကြိုးအပြာနုနုတို့ဖြင့် လှပစွာစီရီခင်းကျင်းလျက်ဖြင့် ။
‌စေ့စပ်ပွဲ အသေးကလေးဟု ဆိုသော်ငြား အဆင့်အတန်းမြင့်ကြောင်းကိုဖော်ပြနေသောအဆင်အယင်၊ တည်ခင်းဧည့်ခံထားသော အနောက်တိုင်းအစားအစာများနှင့် ဝိုင်၊ရှန်ပိန်တို့၏အနံ့သည် ပွဲစီစဥ်သူကမည်မျှငွေသုံးထားကြောင်းကိုတွက်ကြည့်ရန်ပင်မလိုပါပဲအတော်လေး အကုန်အကျခံထားသည်ကို သိနိုင်၏။

ဂျောင်ဝန်းသည်သူ၏စိတ်ဆန္ဒတစ်စိုးတစ်ိမျှပင်မပါပါပဲ အနက်ရောင် sutisတစ်စုံကိုဝတ်စုံပြည့်ဆင်ပေးခြင်းခံရ၏။ခရမ်းရင့်ရောင်ဆံ နွယ်တို့ကိုသေချာလေးပုံသွင်းပေးထားသောကြောင့်ဂျောင်ဝန်း၏နဖူးပြင်လေးကို သေချာစွာဖော်ပြထားသည်မှာ အလွန်ပင်ကြည့်ကောင်း၏။

''ဝန်းလေးက ကြည့်လို့ကောင်းလိုက်တာ''

ဘေးမှနေ၍ဂျောင်ဝန်းမိတ်ကပ်ပြင်နေသည်ကိုအစအဆုံးကြည့်ရင်း အဘွားယွန်းကတီး တိုး
ရေရွတ်၏။သေချာအသံထွက်ပြီးမပြောရဲသည်မှာနဂါးမျက်စောင်းထပ်ပိုပြီးပြာကျစေနိုင်သော အနှီကောင်လေး၏အကြည့်စူးစူးတို့ကိုကြောက်မိသောကြောင့်။

သိပ်မကြာခင်မှာပဲဂျောင်ဝန်း၏Makeup artistက လုပ်လက်စကိုလက်စသတ်ပြီးနောက်
စိတ်တိုင်းကျဖြစ်သွားဟန်တူကာသဘောတကျပြုံးရင်းဂုဏ်ယူနေသောအကြည့်တို့ဖြင့်
ဂျောင်ဝန်းကိုကြည့်၏၊သို့သော်ဂျောင်ဝန်းက မနှစ်မြို့သော၊အလွန်စိတ်တိုဟန်ပေါ်နေသောအကြည့်တို့ဖြင့်ခပ်ပေပေလေးကြည့်နေတာမို့
ထိုလူသည်လဲငါးခူလိုအပြုံးကိုအဆုံးသတ်လိုက်ရပြန်၏။

''ပွဲစတော့မယ်တဲ့ အဘွား။ သခင်လေး ကို ခေါ်ခဲ့ပါတော့တဲ့ "'

အခန်းအပြင်မှအနက်ရောင်ဝတ်စုံနှင့်သူကအဘွားယွန်းကိုသတင်းပို့၏။ အဘွား ကခေါင်းငြိမ့်ပြလိုက်ပြီး ဂျောင်ဝန်း ၏ပခုံးကလေးက်ို
ခပ်ဖွဖွ ပုတ်လိုက်ရင်း