- يلا يا نوح بقي هتاخر بسببك علي المدرسه
كنت بتكلم وانا بخبط علي باب بيته فتح و هو بيعدل شنطته علي ضهره - اهو يلا بقي بطلي زن بقيتي غلباويه اوي انتي
رميت شنطتي عليه و نزلت وانا بتكلم - انا مش عارفه مش المفروض البنات هما اللي بيتاخروا بردوه ولا انا غلطت
- انا أتأخر براحتي يا بتاعت أولي إعدادي
حطيت أيدي في وسطي وانا بتكلم - طب ما انت في تالته إعدادي عادي يعني
- يعني في احترامي انا بردوه أكبر منك
شديته من ايده - بقولك بلاش وجع دماغ يلا هاتلي شيبسي علي حسابك
رماني بالشنطه بتاعتي في وشي - إيه يا بت البجاحه ديه متجيبي من فلوسك
- ما أنا فلوسي علي قدي و مش عايزه اصرفهم
- اه فتخلصي فلوسي أنا
هزيت رأسي ب اه و يلا بقي هاتلي و إياك لما ندخل المدرسه تتكلم مع بنات و لا البت سها الملزقه ديه انا بحذرك أهو
- انتي متاكده إنك صغيره إنتي
- ممكن تفهمني ديه يا نوح اصلي مش فهماها
كنت بتكلم و انا بقلد البت الملزقه و هي ببتكلم و بحرك كتافي
- أي أوامر تانيه حضرتك
- لا انت كده شطور و بتسمع الكلام
سيبته و دخلت فصلي
- انا كام مره اقولك متكلميش ولاد غيري
كان بيتكلم بعصبية بحبها منه و بحب اضايق فيه
- انا دلوقتي كبيره و في جامعه
- بس بالنسبالي صغيره و تخصيني انا لوحدي
- انا مش بتاعت حد و حره
اتكلم بعناد - لأ بتاعتي و من زمان و بعدين فين غيرتك عليا واحنا صغيرين
اتكلمت ببرود - كنا صغيرين و بعدين ما انت مقضيها
ببتسامه - ما انتي مهتمه اهو
اتكلمت و انا ببعد بعيني عنه - انا يبني مين قال كده انا مش شايفاك اصلا
مسكني من ايدي و مشي بيا - انا جعان وانتي كمان شكلك جعانه تعالي نأكل
- انا نفسي اوي أكل كبده من علي عربيه تيجي نروح وسط البلد
- تعالي يا ستي مش هزعلك
رحنا وسط البلد و اخيرا كلت من علي عربيه كبده كان نفسي في كده اوي من زمان و بعد كده اتمشينا شويه لمحت فستان سهره خطف نظري وقفت اشوفه لقيت اللي بيدخلني المحل و جابلي الفستان اقيسه - انا عارف إنك بتعشقي الفساتين يلا جربيه يا ست البنات
ضحكته علي دلعه ليا اللي بحبه منه و دخلت لبسته و خرجت ليه كان فستان أحمر طويل شبه بتاع الأميرات- ايه الجمال ده يا وعد انتي مكنتيش بنت ولا إيه
ضربت برجلي في الأرض بغيظ - أنت هادم الفرحه و الله و رخم
- بهزر يا وعدي ده انتي قمر منور دائما
- يلا علشان هناخده
اتكلمت بفرحه - بجد يا نوح هنخده
مسكني من ايدي و لفني و هو بيتكلم - و هو ينفع بردوه ست البنات تعجبها حاجه و مجبهاش ليها
خدودي احمرت من الكسوف و سيبته و دخلت غيرت الفستان و روحت البيت وانا مبسوطه و طايره من الفرحه نوح معايا من صغري و بحبه جدا و اكتر شخص حنين عليا سمعت صوت رساله علي تليفوني منه فتحتها لقيتها صوره ليا وانا بأكل و مش واخده بالي هو صورني امتا اصلا لقيته باعت كلام تحت الصوره - يا مساء التماسي علي إللي واخد قلبي و ناسي ❤️
ضحكت بصوت عالي علي جنانه نفسي اعرف بيجيب الكلام ده منين
- امتا بقي اشرب من إيدك شاي بالنعناع يا وعدي
- تصبح علي خير يا نوح
- وانتي من أهلي
مرديتش عليه و نمت و صحيت الصبح لقيته باعت - قبليني عالسطح علي الساعه 6
- اشمعنا 6 يعني انا فضولي هيموتني
- بطلي فضول شويه و اسمعي الكلام
الساعه جات 6 و طلعت السطح لقيته متزين بطريقه بسيطه و جميله زي ما أنا بحب بس هو فيه ايه دخلت لقيت ماما و مامته و هو واقف ببتسامه و ماسك بوكيه ورد حلو جدا و احلي اصلا قرب مني و ركع علي رجله وطلع خاتم من جيبه و اتكلم - تقبلي تتجوزيني يا وعدي انا
كنت مصدومه هو ازاي لسه فاكر إني قولتله أن نفسي اللي هيتقدملي يتقدملي كده بس مكنتش متوقعه إنه يعمل كده
- يا بنتي رجلي وجعتني وافقي بقي
- هتجيبلي شيكولاته
- وانتي هتعمليلي شاي بالنعناع
- لا القهوة احلي
- لا الشاي بالنعناع احلي
- نوح
- وعد
- انا موافقه
( انت خليتني أعيش الحب وياك ألف حب ♥️♥️)
لــ: نجاة محمود
