قابل للانكسار

(26)

أذكر تفاعلكم قبل أغيب عنكم كان يحمس !!
وين تفاعلكم الحين !!
ما أقدر اتحمس وأنزل أجزاء بدون تفاعل🤦🏻‍♂️

- فتح فلك باب البيت وسمعت نادية صوت الباب وعلى طول لفت طرحتها واستقبلتهم -

نادية: حياك تركي، يا هلا والله

تركي بحياء: الله يحييك خالتي

فلك يضرب كتف تركي: هذا أولها ياتركي أمي ترحب فيك وتهلي وتنساني

ضحك تركي وهو مستحي ومنزل رأسه:....

نادية: اللي يعز ولدي أنا اعزه واغليه

تركي: ما تغلين يا خالة إلا اللي يغليكم

- دخلوا الصالة وجلسوا فيها، جلس فلك جنب والدته، وتركي جلس في الكنب المقابل لهم -

نادية: يمه تركي كيف الجامعة معك؟ عسى فلك يساعدك ويمشي أمورك؟

تركي: الحمدلله، استنى النتايج بس واتخرج، وفلك والله ماقصر معي بشيء

نادية: ايه انت حسبة أخوه الصغير، الله ما عطاها الا أخت صغيرة والحين جيت أنت

- فلك يكح ويتنحنح ولسان حاله يقول "اي أخو صغير!! بلى والله ماتدرين عن اللي بيننا" -

تركي كاتم الضحكة: الله لا يحرمنا منه

نادية: طيب وش بتسوي بعد التخرج ؟

تركي بتنهيده: برجع ديرتنا عند الوالد وأهلي

نادية: وهذا الصح ياوليدي الواحد ماله غنى عن أهله يستقر عندهم ويتوظف ويرزقه ربي ببنت الحلال اللي تكمل حياته

- فلك انصدم من اللي سمعه ! حس بلحظة قلق وتوتر ! سرح بأفكاره! وقال بينه وبين نفسه: علاقتي معه ما تكمل حياته !! علاقتي معه مجهولة المصير!! معقولة يجي يوم وتركي يتزوج ! معقولة تجي سنوات خالية من تركي وحسه ؟ لا لا !! الله لا يجيب هالايام -

لف تركي على فلك اللي عرف أن كلام أمه ما أعجبه: صادقة ياخاله بس...

نادية: لا بس ولا شيء يوووه يا عيال هالوقت طاري الزواج ما يحبونه!! تعبت وانا احاول اقنع فلك فيه !

- تركي يعدل جلسته ويبلع ريقه مر عليه شريط حياته كلها مع فلك من اول كلاس قرب فيه فلك ياخذ سماعات تركي الى نومة البر اللي اختلطت انفاسهم فيها ومارسوا فيها لأول مرة إلى لهفة فلك اللي جابته لباب شقة تركي عشان يعترف أنه يبيه ويبي يشوفه كل لحظة ودقيقة -