قابل للانكسار

(27)

سمعت كلامكم ونزلت جزء بدون تأخير❤️‍🩹
ياخوان عرفت شعوركم وانتوا تطلبوني جزء جديد
روحوا لـ Quietlist وقولوا لها تنزل كل أجزاء الأناة لأني ادمنت !!!!

فلك: لأنك...... ما تبادر ! أنت حتى كلمة حبيبي ما تنطقها !
كلمة أحبك ما طلعت منك إلا مرة وحدة ! تقاوم مشاعرك بكل ما أوتيت من قوة ! ما لقيت تفسير لتصرفاتك ومع ذلك ما اطلب منك شيء، لأني أحبك مثل ما أنت

- تركي ما كان يشوف الموضوع من هالمنظور وانصدم من اللي كاتمه فلك بقلبه -

فلك يكمل كلامه: إذا يزعجك أني اسوي كل هذا بوقف ! ومن اليوم ورايح لا اودي ولا اجيب ولا اسوي اي شيء، وبشوف انت وش تسوي بالمقابل !

تركي بنبرة حادة: يعني يا تصير مسؤول مية بالمية يا تسحب يدك من كل شيء ؟

فلك بعصبية على غير العادة: ماعرفت لك !! وش تبي بالضبط!!

تركي لاحظ تغير الأسلوب المفاجئ واللي ماتعود عليه من فلك، وقال بنبرته الحادة: ما ابي شيء

فلك يقوم بعصبية: امش اوصلك

تركي بنفس النبرة الحادة: سعد بيجي ياخذني

فلك يغمض عيونه يحاول يهدي نفسه ويتمالك أعصابه وياخذ نفس: اللهم طولك ياروح. تركي قوم اوصلك خل الليلة هذي تعدي على خير

تركي يرص على اسنانه بعصبية تامة: قلت لا ! !

- دقائق من الصمت ثم ....

دق جوال تركي وكان المتصل سعد، شاف فلك الجوال اللي على الطاولة كان وعرف ان سعد وصل وبيأخذ تركي -

تركي يقوم وياخذ جواله متوجه للباب: مع السلامة

فلك ينزل رأسه عشان مايشوف تركي وهو رايح:......

- راح تركي بدون ما يقول اللي بخاطره ويرد ولا حتى يستوعب ويفهم تصرفات فلك، من طبع فلك انه هادي وحليم إلا اليوم تغيرت نبرة صوته وتغير أسلوبه، وفي الجهة المقابلة تركي كان يحس أنه أقل من فلك وما يعطي في هالعلاقة كثر عطاء فلك فكانت الحساسية الزايدة من نصيبه -

،،

دخل فلك على أهله لقى أمه بانتظاره..

نادية: عسى اعجبكم الأكل

فلك بتعبيرات وجه جامدة على غير العادة: ايه تسلم يدك