قابل للانكسار

(23)

مالي وجه اكتب لكم اهلًا💔
بنددخل بالبارت على طول قبل تجلدوني........
ولنبدأ..

- لقطات من الجزء السابق -

إبراهيم: كنت اقول يمكن يكون ولدي بس بعد ما تأكدت انه مو ولدي خلاص شيليني من بالك

عبير: يصير خير .. -قفلت بسرعه الخط-

دخلت أمها وسمعت نص المكالمه: انتي وش ناويه عليه بعد !!

عبير: ناويه اخذ حقي منهم -

...........

فلك: يمه تركي....

- تركي كان حاط يده على قلبه لا يتحمس فلك -

فلك يكمل: تركي طالب عندي وعلى وجه تخرج

نادية: الله يوفقك ياوليدي وتبشرنا بالتخرج والنجاح

تركي (يتنهد تنهيدة الحمدلله ماجاب العيد): امين يارب

نادية: يلا بجهز لكم الغداء دقايق ويكون جاهز

تركي: الله يعافيك ويطول بعمرك

لف فلك على تركي وقعد يضحك

فلك: شفيك متوتر كذا

تركي: كله منك ليش احرجتني كذا

فلك: دقيقة اكمل الاحراج مره وحده

- كان كاتب من اول ما دخل لهديل واتس اب تعالي بعرفك على تركي..
وطقت هديل عليهم الباب ودخلت -

فلك: احب اعرفك على...

تركي بابتسامه: هديل!

هديل تبادله الابتسامة: اهلًا تركي.. كيف حالك ؟

تركي: الحمدلله.. انتي كيفك ؟

هديل: انا كويسه

فلك: وبس هذولي اهلي

تركي: الموضوع ما راح يكون بهالسهوله مع اهلي

- ضحك فلك ، واضطر انه يشرح الذبه لهديل
لأنها ماتدري ان ابو تركي متزوج اربعه وعنده جيوش من الابناء والبنات -

تركي بتنهيده: احس اني مبسوط !

فلك: تحس؟ انا اراهن ان مافي احد سعيد بهاللحظة كثري !!