قابل للانكسار

(4)

اول ما ركبت سيارتي سندت راسي على المرتبه وقعدت افكر باللي قاعد يصير!! وش كمية الصدف الغريبة اللي قاعده تصير معنا!! لا لا لا فلك الموضوع مجرد صدف عاديه لا تكبر الموضوع خلاص...
.

- بيت ليان صديقة هديل -

ليان: مابي يمه مو مشتهيه خلاص
أم ليان: يابنتي ما اكلتي شيء من رجعتي علميني وش فيك
ليان: يمه قلت لك تهاوشت مع صاحبتي وبس
أم ليان وقلبها مو متطمن: الله يريح بالك يابنتي
ليان تدخل غرفتها وتقفل الباب: ....
- تدق على هديل -
هديل: انيووووو لولو
ليان بدموع غزيره: هـ.. هـدديل
هديل بخوف: بسم الله عليك شفيك !!!
ليان تشهق بصوت عالي: ا.. انا خ.. خايفه
هديل: شفيييييك!!!؟!!!!!!
- قالت ليان كل شيء لهديل -
هديل: حسيتي بشيء نزل داخلك ؟؟؟
ليان: لا بس هو دخله
هديل: طيب نزل شيء منه ولا لا ؟
ليان وهي تصيح: م.. ماااادري هديل مادرررري
هديل بعصبية وصوت عالي: ترى هذا اسمه اغتصاب ولو سكتي له انتي انا ما راح اسكت له!!
،
هديل جدًا بريئة من هالناحية ما تهمها العلاقات العاطفية بنت عايشه سّنها تحب الكيبوب والمسلسلات الكوريه وتحب جو الصديقات والبنات اللي بعمرها لانها ما قد حست بشعور اخت او بنت عمة او حتى بنت خاله وتعوض كل هالاشياء بصديقاتها اللي امها حرمتها منهم بحجة انها خايفه عليها
فكانت تعتبر ليان بالذات اكثثثثثثر من أخت
،

ليه هديل ماعندها بنات عم وخال ؟
وين اعمامنا ؟ وين خوالنا ؟
او السؤال الاصح وين ابوي !

انا اجاوبكم..
اهل ابوي كانوا جيران اهل امي
واول ما سكنوا جنب بعض قبل اكثر من ٤٠ سنة
كانت بينهم مساحة بسيطة وكانوا يتهاوشون عليها
اهل ابوي يقولون لهم الاحقية فيها
واهل امي يقولون انها لهم
فكانت جدتي ام ابوي ترمي من السطح عليهم الزّبالة وانتوا بكرامة ودارت الحرب بينهم !!
لكن هالشيء ما عاق ابوي عن حب امي
بلعكس شافها وانعجب فيها واصرّ يتزوجها
قبل يتوفى جدي ابو امي كتب البيت باسم امي لانها كانت تداريه وتخاف عليه وتسوي له كل شيء
وترك شوية اراضي لباقي خوالي لكنهم طمعّوا بالبيت!!
لما جاء ابوي يخطب امي.. اهله كانوا رافضين لكنه اقنعهم انه متزوجها بس عشان ياخذ البيت منها، اما امي فاخوانها وخواتها قالوا لها نوافق عليه بشرط!! تكتبين البيت باسمنا!!