نهوة حارث

البارت الاول

فُعَـلَتُ بّـيّ كَلَ هِذٌآ وُآنٌتُ تُحًـبّـنٌيّ فُمِـآذٌآ .. ؟؟ لَوُ كَنٌتُ تُكَرَهِنٌيّ.💔
ـــــــــــــــــ
احيانا يدخل الحب قلبك .. بدون ان تعلم بوجوده..
هكذا يدخل بدون استأذان او تفكير..
سهلا جدا.. يخترق قلبك ..من نضره.. من كلمه .. من موقف ..
فـ تقف حائرا.. ماذا افعل.. وهل المعشوق سيتقبل هذا الحب ويقدره..
ان كان تقبلني.. فك خيرا.. وان كان لا ..
واي لا في قاموسي ..؟!! ..انــا حارث.. "
انا اردت شيء فمأخذه اكيد..
انا ابن المجلس والديوان..
انا ابن دلة والفنجان..
انا ابن النهر.. انا ابن دجلة..
انا ابن الفرات..
انا ابن تلك الارض الطيبة ..

انا ابن العراق..
انا ابن ذي قار..
انا حارث..
ـــــ
حارث محمد سدخان ..من مواليد 1975..من اهالي الناصريه.. عملي شرطي.. ملازم اول..
ملازم اول في زمن النظام السابق.. وقت اللي كان الشرطي لو مر.. الكل تاخذها الرهبه..
احدثكم عن نفسي.. اني الوحيد لابوي ..عندي 8 خوات.. ما شالله هههه.. 3 خوات اكبر مني ..واني بعدهم

ابوي چبير اهله.. وجان يتمنى الولد.. ومن صرت عنده بعد ال3 بنات .. صرت اني الاول والآخير عنده.. كلمتي ما تنزل الكاع.. وامري مطاع عل الجبير والصغير

من كد ما جان يحبني.. جان ياخذني وياه بكل مجلس او ديوان.. ومرات من يتعقد الحكم.. جان ابوي.. يكلي حلها يبوي..
ويخيرني خيارين.. منو الاصح.. وجنت الاختاره يمشي.. لذلك العشائر والشيوخ كلها عرفتني
وابوي زرع الي هيبه بعيون الناس من انه وصغير.. جنت ادرس وجان موفرلي كلشي احتاج..
خلاف خواتي اللي خلصن السادس وكعدن.. ممنوع الدراسه عدنه للبنيه تطلع و اطر السلف عيب..
يكفيها تتعلم قرايه وكتابه..
انه جدي جان مو شيخ وانما جبير عمامه.. كلمته مسموعه.. والناس تريد خاطره.. وين ميروح ينطوه مره

متزوج 7 نسوان .. اليسمع راح يكول حرام.. لا ..  يعتبروهن هدايه وهبات.. و4 هوه متزوجهن ..

اتزوج الاولى ..خلفت منه 6 بنات.. رجع تزوج الثانيه.. اللي هي حبوبتي.. ام ابوي.. خلفت لجدي 4 ولد.. اكبرهم ابوي
من بعدها انطوه مره هديه.. بس ما طولت وماتت بالولاده.. جابت بنيه.. وماتت.. ربتها حبوبتي..
من بعدها.. هم انطوه هديه اتزوجها.. وبقت عنده بس متخلف ..

وراها نزل للولايه.. لبغداد.. انعجب بمره.. مات عليها.. يسولفونه عليها.. شايله حسن.. تكتل

مار هو وباقي يباوعلها وهي تباوعله.. صاير الاعجاب بيناتهم.. يسولفونه عليه.. بقى بالولاية لجلها شهرين..29
لحد ما اخذ عمامه وشيوخ وراح اتزوجها.. رغم هي من غير طائفه.. وابو جدي جان رافض يتزوج من الولايه1
بس جدي وعشك الا ياخذها.. كولو اخذها.. كامن النسوان يموتن منها.. هي بت ولايه وتلبس مدلع بذاك الوكت
وما تلبس الشيله (الحجاب) بس العبايه.. صارن النسوان امالخ من وراها.. يغارن منها وجدي ما يرفضلها طلب

حبلت منه وجابت عمي ياسين.. جان هذا النفس عند جدي لأن يحب امه..
بس فد يوم من الايام.. دخل جدي.. وياه مره هديه.. عاد صدك مرته ام الولايه تخبلت شلون تتزوج عليه
الا ترجعها..
وهو رفض.. لان عيب عزلمه يرجع المره بعد ما اخذها.. وجدي جبير عمام..
حاول وياها.. كالها ما ادنالها.. ماكو الا ترجعها.. عاد جدي عاند وكالها المره ما تمشي چلمتها علزلمه واني قررت واخذتها