،،،،،،،،،،،بقلم الكاتبه فطوومة،،،،،،،،،،
رفل.. صدوك حارث.. فاطمه حامل
حارث.. اي
رفل.. اشو مكايل حامل وحتى عارفيه ولد مو
حارث.. منو كال ولد.. بعدها اصلا ما رايح للدكتور.. بالدم اخذتها طلعت النتيجه حامل
رفل.. لعد ليش مكلتلي فاطمه حامل..
حارث.. ما اعرف ما خطر على بالي..
رفل.. حبيبي صدوك انته متحب البنيه.. وتريد بس ولد
حارث.. اكلج شاربه شي اليوم شبيج.. شني هلسؤال.. يرزق من يشاء الاناث ويرزق من يشاء الذكور.. بعد عليش ضايج انه.. وشبيها البنيه.. هيج وتطلع مثلج حلوه وفاهمه..
يعمي ابقى ليل ونهار اصلي واسجد حمد..
رفل.. ههههه اخخخ
حارث.. ها شبيج..
رفل.. لك هاي بنتك من هسه تلعب بيه ملاكمه..
حارث.. لا هاي مو تلعب ملاكمه.. هاي مثل امها تحوس ما تحب تنحبس.. تريد تطلع
رفل.. هههههه.. شوكت الخميس..
حارث.. هههه بعد يومين..
رفل.. يعني بعد يومين اشوفك وانام بحظنك…
حارث.. انشالله..
رفل.. اموووت عليك..
حارث.. اوووف راح تهدين حيلي حتي بالموبايل
رفل.. ههههههه لا لا والله بس احبك
حارث.. مو بكدي.. عشكي الج بكد رحمة الله مالها حد وما تنوصف
رفل.. اوووف يهنيالي
حارث.. والله انه الهنيالي بيج.. بنيه واعيه ومثقفه.. من اشكيلها تسمعني.. ومن استشيرها تنصحني.. ومن احتاجها تحتويني.. ومن اتعب تريحني..
شريد اكثر من هيج..
رفل.. اممم شوقتني من هسه اريدك شلووون
حارث.. هههههه اتخيلي انتي بحظني..
رفل.. اوك اتخيلت.. بس لحظه لحظه.. انته وين..
حارث.. بغرفتج..
رفل.. اي زين.. شنو رأيك تروح يم فاطمه تتخيل مو احسن هههه
حارث.. اووو عوذه اسمعي بروح اهلج..
رفل.. صار ساعه اسمع الهوسه.. وان يكن حبيبي روح.. انته ابوهم واطفالك يحبوك ويهابوك..
بصوت خشن صيح عليهم وطفي الكارتون وخل ينامون..
حارث.. انتي شني ما تغارين علي.. ما عدج ذرة غيره.. اكو مره تكل لرجلها روح لثانيه..
رفل.. حبيبي.. اني ما اشغل نفسي بهلسوالف.. دائما احب اتعالى عنها.. مو عدم احساس لكن ثقه بالنفس
اعرف قيمتي عندك شنو.. يكفي من امر منك عينك ما تنزل من عليه..
وفاطمه رغم تهجمها عليه ومشاكلها.. لكن احسها مضلومه.. الزمن والعادات هيه اللي حكمتها تصير بهشكل..
لما اهلها مدخلوها تتعلم ومخلوها تختلط بالناس علمود تتعلم لباقة الاسلوب والتصرف.. او حتى الاعتناء بنفسها
فاطمه طينه قديمه.. مثل امهاتنه قبل كل همهن خدمة الاطفال والعيال والرجال.. اهلهم ما علموهم شلون يبنون ذاتهم
او يبنون الها شخصيه وكيان. العرف العشائري ظالم. ينصف الرجل ويعطيه كامل الحق.. لكن يحد من المرأه وهذا مو انصاف
لذلك ما اغار لان اعرف قدري مستواي شنو .. مو تكبر لكن تنزه عن الاشياء اللي متليق بيه..
مثل تستخدم اساليب رخيصه لحتى تسحبك.. بينما اني اعرف ما احتاج لهذي الاساليب حتى اخليك تنبهلي..
تتهجم وتضرب وتغلط.. واني هذي الاشياء كلها ما اسويها.. احب احترم الاخرين واعطيهم حقهم.. واني جنت محترمه حقها.. بس هيه.. الله يسامحها..
حارث..مو اكولج.. احبج.. اصلا هذا اللي احبنه بيج
أنت تقرأ
نهوة حارث
Romanceالقصه تتكلم عن شاب اسمه حارث وساكن بالناصريه عشائر وكذا مواليده 1975 والبطله بنت عمه ياسين اسمها رفل عمرها 16 سنه ساكنه بغداد القصه جديده بتاريخ. 2023/11/18
