،،،،،،،،،،،بقلم الكاتبه فطومةة،،،،،،،،،،
رفل .. كمت اصيح حارث والالم ذابحني اجت رساله كالت الله الله يمعوده شبيج.. ساعدتني وودتني الغرفتي وكالتلي ارتاحي
كعدت علسرير واحس الدم فيضني والالم يكتل ومحد منهم يمي.. اخذت الموبايل ابجي وخابرت حارث..
كتله الووو كال هااااا خير شبيج ولج.. كتله حارث فدوه الحكلي راح امووووت.. صرخ شبيج كتله وكعت بالحمام وصار عندي نزف
كال بدلي دقايق واني يمج.. كمت غيرت ملابسي كوه ونضفت نفسي… لشوي دخل هوه كال حبيبي شبيج كلبي..
واخذني الحظنه.. خليت راسي عليه وكتله حارث كتلني الوجع والله بعد ما اتحمل..
صاح على اخته رجاء كالها تعاي وياي.. خله على راسي عبايه وصعدني بالسياره..
مشى للمستشفى دخلت وحدي لصالة الولاده متت من الخوف ومن الالم بس ابجي.. اخذتني دكتوره كالتلي تعالي افحصج..
كتلها اخاف كالتي شلون لعد اباوعلج دنامي لج خل اشوف شغلي.. نمت ومن كد الالم ما حسيت بفحصها..
كالت يمكن صاير اسقاط.. كتلها وهسه.. كالت روحي سوي سونار نشوف شنو ابطنج علمود نسويلج عمليه كورتاش
كتبتلي ورقه ورحت طلعت لكيت حارث يفتر منا ومنا بس شافني ركض كال هااا.. كتله يردون سونار..
كال تعاي اخذ ايدي ومشا بيه للسونار.. ازدحام فد مره بس لان زيه عسكري والباج مالته ظابط كالوله تفضل سيدي
كسرنه الازدحام ودخلت.. اخذتلي الدكتوره سونار.. كالت بعده الطفل عايش بس مهدد بالاسقاط..
تنامين على ضهرج شهر وبدون مخده ورجليج تخلين جواها 3 مخدات.. ورجال ممنوع.. والحركه ممنوعه حدج للحمام وبس
وانطتني مثبتات كتلها دكتوره الالم ذبحني انطيني مسكن.. كالت ميصير انتي حامل اخذي فاليوم حبه باليوم وراح يسكن عندج الالم
رحت طلعت لحارث.. كال ها كتله بعده الطفل عايش وانطتني ابر مثبتات وحبوب.. وانطيته الراجيته.. كال الحمدلله ربي.. وباسني بكصتي
كال بعدج متأذيه.. كتله اي.. اخذني صعدني للسياره.. كعدنه.. كال شلون وكعتي.. كتله فاطمه وكعتني..
رجاء كالت عيب رفل فاطمه شعليها.. كتلها هيه التعاركت ويايه الا اغسل الحمام وهيه جانت تسبح بجهالها
من رفضت راحت كالت لعمتي واجت عمه رزلتني وما حجيت.. باوعت الحارث كتله والله لو ما موصيني جان ما قبلت وما وكعت هيج
كال يعني امي الجبرتج تغسلين الحمام.. كتله اي هيه وفاطمه.. رجاء كالته لا خويه والله محد جبرها بس فاطمه رادت تعجن وكالتلها اغسلي
كتله جذابه والله هيه سوت هشكل والله حارث بس تريد تخلص مني.. رجاء كالت عيب رفل جايه تتبجبجين يم حارث علمود تفرقيه عن عائلته
كتلها ممفرقته بس السوته بيه حرام.. صاح حارث هششششش كافي افتهمت اني اتصرف..
حارث.. وصلت للبيت وديت رفل لغرفتها ونومتها وكمت رحت لغرفة فاطمه.. لكيتها نايمه.. صحت فاطمه كاعده..
أنت تقرأ
نهوة حارث
Romanceالقصه تتكلم عن شاب اسمه حارث وساكن بالناصريه عشائر وكذا مواليده 1975 والبطله بنت عمه ياسين اسمها رفل عمرها 16 سنه ساكنه بغداد القصه جديده بتاريخ. 2023/11/18
