نهوة حارث

البارت 21

،،،،،،،،،،،بقلم الكاتبه فطومةة،،،،،،،،،،،

رفل ..اخذت جنطتي وركضت للشارع ابجي.. لحكني حارث.. كال اوكفي كتله عوفني الخاطر الله عوفني..
امشي وهوه يمشي وراي اخر شي لزمني حيل ووكفني كال بس اهدي كتله ما اريد اريد اروح لاهلي.. كال بس صوتج دنيا الضهر والشارع فارغ

كتله وخر مني لعد ..كال رفل شبيج.. شنو ترديها حجه علمود اطلعين.. كتله لا مو حجه.. بس ما اقبل بالاهانه ابد لو على كص ركبتي..
حارث.. ولج والله تسودنت من شفت صدرج طالع ومدنكه تحفيه..
رفل.. حارث اسسسس كافي مليت كافي.. يا اخي ما اتحمل طبعك وغيرتك صعبه.. عوفني اروح فدوه لعينك عوفني..
مشيت واني ابجي.. كال زين اصعدي بالسياره انه اخذج.. كتله ما اريد اريد اروح لاهلي كال والله اوديج بس لا تبجين..
صعدت.. وياه وابجي.. مشا بالسياره ويباوعلي ويكلي لا تبجي واني اكوله معليك.. انتجيت عل كرسي مال السياره ودرت وجهي للشباك

شغل اغنيه بالسياره.. واني دايره وجهي واسمع.. جرحتك حبيبي جرحتك سامحني..  بعادك حبيبي في قلبي جارحني ..بقيت اسمع والدموع تنزل..
حاول يحجي.. طول الطريق ما سمحتله .. وصلنه.. للبيت.. اجيت انزل لزم ايدي.. وكال رفل عليج بداعتي اذا تحبيني.. لا تعوفيني.. ما اكدر بدونج وعلي

كتله احبك بس اتهامك الي واهانتك صعب اتحملها.. كال اوعدج.. كتله لا..  لا توعد بشي ما تكدرله.. من تعصب تصير انسان ثاني..

كال اهاا انسان ثاني يعني مو بيدي ..دنحجي.. طلع.. بابا.. صاح رفل.. نزلت اركض لحظن بابا..  ابجي..
كال شكو باباتي شبيكم.. نزل حارث سلم على بابا كاله جرحتها شوي واتضايقت.. خليها ترتاح كم يوم هنا..
كال تفضلو ليش علباب.. دخلت.. شافتني ماما تلكتي كالت هلا ماما ..بوستني وهمست خير اكو شي.. هزيت براسي.. ومشيت
كعدت وكعد بابا وحارث.. كال شنو القصه فهمونه.. كتله بابا اني احجيلك.. كال لا تحجين قبل زوجج بنتي.. تفضل ابني حارث احجي

كال عمي طبيت الضهريه ولكيتها تحف لابن اختي شاب شطوله مدنكه وصدرها طالع ..اتسودنت وبلا وعي ضربتها..
هيه كامت تصيح وتعيط وادفع.. انه غلطان اعترف ضربتها بس عمي ما اتحمل مرتي بهلوضع كدام ابن اختي والف مره كتلها تحجبي كدامه
رفل.. بابا سجاد كاعد ويانه بالبيت يعني هم بالبيت البس حجاب.. هاي عذاب مو عيشه..
حارث.. ويانه مو ويانه شاب وطوله يسد الشمس ومحرم عليج واجب تلبسين الحجاب كدامه..

ياسين.. اهدو يمعودين اهدو شنو هلحجي شبيكم ..بنتي كومي اخذي راحتج جوه.. غمزت لامل اخذيها..
طلعو ..كتله ابني حارث الحق الك بس مو بهل طريقه التعامل.. جان صحت بدون غلط وكتلها يا مره استري نفسج..
جان سترت نفسها وبدون مشاكل

حارث.. عمي وهوه انه بقى براسي عقل وافكر بيه.. تسودنت من شفتها بهلوضع والعباس..
ياسين.. عمو حلوه الغيره عند الرجل لكن كلشي يزيد عن الحد ينقلب ضد.. وانته غيرتك وعصبيتك يا عمو ما تنحمل
ورفل بنت صغيره ووحيدتي والمددله مالتي.. لا فد يوم صحت عليها ولا فد يوم غلطت عليها وعلمتهم علاحترام.. مو هيج تتصرف وياها