اعذروني جنت مشغوله بالدوم ❤
،،،،،،،،،،،بقلم الكاتبة فطومةة،،،،،،،،،،،
نايمين الفجر ومنحس الا الباب اندكت حيل رادت تتفلش ونسمع صوت صريخ وبجي.. كمز حارث للباب فتحه
طلعتله اخته رساله كالتله عمي حمدان مات.. صرخ وبساع جك دشداشته وجر غترته وركض..
طلعت كلها راحت لبيت عمو حمدان.. فجر وخله البيت خفت جريت عبايه من الباب وطلعت..
رحت البيتهم يبعد كم بيت من بيت حارث.. بابهم مفتوح طلاقتين.. والرياجيل الغرب واكفه بالباب..
دخلت لكيته امدد بفراشه والناس تبجي عليه.. باوعت حارث ماخذ زويه ومخلي ايده على عيونه ممبين يبجي لو لا
انوب اجو اخذو جثة عمو حمدان كلها بقت تصرخ اني هم دمعت عيوني رغم هوه عمي بس ممتخالطه وياه
طلعو خلوه بالسياره.. جاي اطلع انضربت بجتف كال العفو اختي ومشا.. اباوعله حارث بس ما عرفني..
بقيت ابيت عمو يبجون.. لشوي طلعت رجعت لبيتنه.. لكيت حارث بالغرفه يطلع فلوس..
شافني كال وين جنتي.. كتله هوه ابيت عمو.. كال رحتي وحدج.. كتله لا ويه رساله.. سكت.. طلع من الغرفه خواته كلهن اجن
كال باعن الفاتحه راح تصير ابيتي لان بيت عمي زغير.. كل تقصير ما اريد.. شكو ذهب فلوس تنشال تنظم..
مو بعدين تكولن انبكت لو اخذو فلوسي التحجي الصوج بيها وادفنها اذا حجت.. ذهبجن وفلوسجن كلها سلمنياها هسه اضمها
راحن جابن شكو عدهن واجن.. كال راح اضمهن بغرفة رفل.. ممنوع منعا باتا غرفة رفل تنفتح.. اكو 7 غرف غيرها تنفتح كللللش كافي
ورفل تنام بغرفتها باوعلي كال ممنوع تتحركين.. تبقين نايمه بمكانج معليج بالفاتحه.. هزيتله براسي بمعنى أيٌـ.YESـہٌَ
راح ضم الفلوس والذهب بغرفتي وكال اطلعين من الغرفه تقفلين الباب.. كتله اكولك هيه فاتحه لو سطو تسليب..
كال امن حلالك ولا تخون جارك.. البنات راح يلتتن بخدمة الفاتحه واكو نفوس ضعيفه تمد اديها.. نروح نصيح بالفاتحه منو باكنه
انأمن نفسنه من البدايه احسن.. كتله ماشي كال مو تتحركين رفل.. كتله ماشي.. راح انوب التمت النسوان ابيتنا
الصريخ مرعب اضوج منه.. خليت ايديه على راسي ودخلت الغرفتي.. اباوع بالمرايه لابسه وردي..
يربي شلون لازم البس اسود وما عندي ثوب ..طلعت بنطرون اسود وقميص حلو من ناحيت الصدر مجرور جلد والباقي تور ناعم
ومفتوح فتحتين من يم فخي لحد جوه ركبتي.. باوعت واووو حلو والاهم من هذا طلعت بيه ضعيفه😁
كعدت بغرفتي ما طلعت الحد مجابو الجنازه طلعت اباوعلهم.. تكاتلو عليه من البجي.. بس اني ابجي من بعيد ما اتقربت
طلعو الجنازه شدوها بالسياره وبقت الناس تمشي وره الجنازه.. ردت اطلع لزمني ابن عمي جاسم.. كال انتي رفل
كتله اي كال خويه طبي حارث لو شافج طالعه هيج يذبحج.. كتله ليش كال خويه لبسيلج عبايه وامشي وياهم..
كتلها هاا شكرا.. اني هم خفت من كال حارث رجعت للبيت.. البيت بيه نسوان كومه غربه ما اعرفهم
أنت تقرأ
نهوة حارث
Romansالقصه تتكلم عن شاب اسمه حارث وساكن بالناصريه عشائر وكذا مواليده 1975 والبطله بنت عمه ياسين اسمها رفل عمرها 16 سنه ساكنه بغداد القصه جديده بتاريخ. 2023/11/18
