نهوة حارث

البارت السابع

،،،،،،،،،،،بقلم الكاتبه فطومةة،،،،،،،،،،،

طلعت يم عمي.. كتله لا تخاف عمي وجهك ابيض انشالله الحمدلله مصيبه ولحكناها كبل تصير
ياسين.. ابني شسويلها بنتي تشرد من بيتي واني اللي اتفاخر بيها وبتفوقها الدراسي ومنتضرها تصير طبيبه

حارث.. عمي ما اريد اغثك بس الصوج صوجك البنيه لو انطيتها الحريه الزايده غصب عنها تنحرف.. مو لان اخلاقها مو حلوه  لــNOـا
لان راح تتعرف على ناس يغيرون اخلاقها وتصير تمشي وراهم.. وانه من الاول كتلك عمي حجبها عمي استر عليها..  ما رديت وهاي النتيجه

عمي احنه ما نكره المره بس يا عمي المره لو غلطت اطيح عكلنه بالطين والناس ما ترحم لهيج ما نخليهن يتصرفن بهواهن
ياسين.. كلامك صحيح وليدي.. بنتي اعتبرها الك ولو اني ما اريد اكسر بأم مصطفى بس انته من البدايه نهيت عليها وردتها اخذها

حارث.. مو هسه خل تهدى الامور ويصفى البال والبنيه تراجع عقلها.. اذا خذتها هسه اهل العشيره راح تشك ليش كل لهسنين تارك نهوتي وهسه جبتها

كمت من يم عمي اتصلت بمهند كال لزمته الولد وهذا يمنه بالتعذيب شامريه.. كتله دقايق وانه يمك

رحت دخلت عليه لكيته مزنجليه ومدمه من كد الضرب.. ضربته رجل بصدره فز.. كتلهم كعدو علكرسي

كعدوه.. كتله شعندك ويه رفل ..ما حجه اشرت للحارس.. ضربه بوكس حديد على كلبه.. صرخ
كتله بنت تعرفها من لما جان عمرها 16 سنه واليوم عمرها 23 كل هلوقت تلعب بعقلها
صرخت ..تحجي لو اخليهم يتصرفون وياك ..كال جنت احبها وعندي مشاعر الها..
بس انقطعت علاقتي بيها اثناء الحرب اهلها انهزمو من بغداد واحنه طلعنه لاربيل بعد الحرب بـ سنه رجعنه لبغداد
تهمو ابويه بعثي.. كتله تهمووو هه لك سكط لو ما جان مخبر سري لصدام بالجامعه..
كال اله شرف اليشتغل عد صدام اشرف منكم يا ارذال..  الحارس الواكف ضربه بوكس حديد على حلكه خلاه يتفل سنونه
اشرت للحارس ابتعد.. كتله كمل رفل شلها شغل بتهمة ابوك..
عمر. اللي يتسمون جيش الامام المهدي صكو ابوي وقتلوه بحجة بعثي صدامي

واني بقيت حاقد عليهم كلهم.. واتمنى اخذ حق دم ابويه من عيونهم.. فكمنه نخدع بناتهم ونجرهم للشقه نكسر شرفهن وننطيهن لوحده تشتغل دعاره
حارث.. صكيت على اديه حيييل بغضب.. كتله وبناتهم شعليهن..
عمر.. نريد نحرك كلبهم على بناتهم مثل ما حركو كلوبنه على اللي قتلوهم تحت مسمى بعثي
حارث.. راد يضربه الحارس كظيته كتله لاتخاف انطيكياه بس اخلص تحقيق منه.. كتله ورفل شعليها بكل هلاجرا

عمر.. شفت الاستاذ ياسين لما اجو ثنين من عمامه اصحاب لحيه وسلمو عليه بالجامعه.. بعدين تبين هم قياديين بجيش الامام

كتله تقصد عمي شاكر وعمي حمدان.. نعم ذوله قياديين بس عمي ما يشتغل وياهم ومو كلنه ننتمي للتيار ..رفل شعليها وتجرها ..صرخت
عمر.. اني من شفت الاستاذ ياسين عنده علاقه بهذوله رجعت لعلاقتي ويه رفل و اوهمتها انو اني احبها
كتله وكل هلسنين تجرها.. كال ما حصلتلي فرصه اجرها.. من جنه نطلع جان الكروب ويانه يطلع ويعرفون بعلاقتي بيها لما جنت اخذها من بينهم وافترق عنهم
يعني لو اخذتها كبال عينهم راح اكون اول متهم بخطفها.. حاولت اقنعها تطلع وياي فد يوم بدون الكروب
كالت بابا ميسمحلي الا ويه الكروب ..الى ان هيه كالت احبك واريد اتزوجك وعرضت نفسها علي..
اتفقت وياها اخذها من بيت ابوها واسفرها وكان قصدي اكسرها وانطيها لسراب ام الشقه ..