نهوة حارث

البارت الثاني

آحًدهًمٌ يِحًآولّ آهًدآئيِ آلّسعآدة ولّآ يِعلّمٌ بـُ آنهً آجُمٌلّ هًدآيِآ آلّقدر ..✨

،،،،،،،،،،،بقلم الكاتبه فطومةة،،،،،،،،،،،

حارث .. ليش تتجاوزين.. رجعت المسدس براسها.. وهوه جذب ما بيه شاجور..
الشاجور كاضه بيدي.. مبينه غبيه ما تنتبه
رفل.. والله اصيح ابويه عليك

حارث.. اوووي يالمليقه كمت ارعش من الخوف لا يجي ..ولج لتخلين افرغ شاجوري براسج بالعباس.. كومي سوي جاي بدون صوت

مشيت وكعدت علكرسي.. شفتها خلت القوري ومي وجاي.. وراحت : وييييين صبيلي..

-عود انت صب لنفسك..
ودخلت لغرفتها

-بسيطه روحي..
طفيت الجاي ورحت تمددت بفراشي.. نمت.. للصبح كعدت.. بارده فد مره.. واني بطرف الفانيله الداخليه

بدلت ملابسي العسكريه.. جايذ اعدل بنفسي.. طب عمي..
ياسين.. ها حارث صباح الخير
حارث.. هلا عمي صباح النور

ياسين.. رايح لواجبك عمي..
حارث.. اي والله عمي ..

ياسين.. بليل ارجع لهنا لا تضل بالمقر..
حارث.. لا عمي ما اريد ازحم عليكم.. مشكور وما قصرت دام فضلك

ياسين.. شنو هالحجي ابني.. بيت عمك موجود وتنام ابمقرك.. ارجع هنا اسبح ارتاح وليدي ..

حارث.. ان شالله عمي..
جاي نحجي.. و طبت مرت عمي جايبه الريوك.. كتلها شنهي هلكلفه يا عمه.. ما اتريك انه الصبح

امل.. لا عمه عيب تطلع بدون ريوك.. ميصير
حارث.. مشكورة عمه..
عادة ريوك ما اتريك بس ما رديتها وهي مسويه وتعبانه.. كملت لبست بسطالي ..سلمت عليهم وطلعت
جاي افتح الباب.. سمعت حس خطوات وراي.. درت وجهي اعينها لنها رفل.. كتلها: وين وين..
رفل.. هاي شبيك اريد اروح للدوام وخر

حارث.. وهيج مفرعه وكصايبج طالعه.. درجعي لا اكفخج بالعباس

رفل.. شي خاص بيه انت شعليك عفيه شكد مليق لخاطر الله

.حارث.حجت هيج.. و انا فارت روحي اجيت اصيحن بيها بس عمي طلع.. صاح بيها :رفلللللل شنو هالكلام بابا مو عيب
رفل- بابا يحاسبني والبارحه خله المسدس براسي

حارث- السموحه عمي سمعت طكطكه ولبالي حرامي.. وبعدين عمي شنهي هيج تعوف بتك تطلع ما مرجية منكحتى لو جنت عايش ابغداد لازم ما تنسه عادات وتقاليد اصلك.. احنه ولد عشاير.. نسوانه متشوف طولها الطرف.. وهاي مفرعه وتمشي
ياسين.. لا عمي اني ناوي احجبها بس بعدها زغيره تكبر وتتحجب..
حارث.. يا صغيره عمي.. مره هاك عاينها واصله لجتفي .. حجبها عمي مايصير

رفل.. انت شنو شدخلك.. اكو احد نصبك ولي امر عليه

حارث...صاح بيها عمي بس كلبي شال عليها.. صلفه حيل واتخبل من هيج حرمه..
طلعت رحت للمقر مالتي.. اشتغلت للمغرب رجعت لبيت عمي.. لكيت مرت عمي اشكال مسويه من الاكل..
بس كل هالاكل ما ارغبه.. اذا مو تمن ومرك وخبز.. ما يعجبني اكل.. بس ما ردت افشلهم.. اكلت..
كتلهم : جا رفل ليش ما تجي تتعشه ؟
ام رفل - كاعد تقره هي بعدين تاخذلها لفه وتاكل..
حارث-عمه هي شكد عمرها..
ام رفل - عمرها 16 سنه..
حارث- يا صف
ام رفل- رابع عام