نهوة حارث

البارت 13

،،،،،،،،،،،بقلم الكاتبه فطومةة،،،،،،،،،،،

رفل.. كملت من اتصال بحارث.. توجهت للخانه طلعت ملابس نوم لبست جددت مكياجي
عدلت شعري.. رشيت عطر ودرت للتلفزيون خليت رجل على رجل وبقيت اكلب بالقنوات.. دقايق ودخل حارث

كال بويه كالبتها اليوووم ضحكت.. كتله ليش معجبك امسح مكياجي.. كال لاااااا بس عدساتج انزعيها اخاف منها

رفل.. تخااااااف منها..!! ليش

حارث.. اخاف على عيونج يمعوده لا ينعمن من وراهن.. احجي واني ابدل بملابسي..
رفل.. هااااا ههههه حبيبي شبيك طبيات ذني عادي ما عليهن شي.. اتقربت منه وبقيت اخزر بيه واكوله شوووف
حارث.. ولج لا تخزريني كلبي يموع
رفل.. ههههههههههههههههههههه

حارث.. خره بأهلج فضحتينه شني هلضحكه..
رفل.. بداعتي كول كلبي يموع
حارث.. تريدين كلبي يموع
رفل.. لا كووولها

حارث.. اي ليش لا تعاي اكلجياها اتقربت من اذنها لزمت راسها وبستها هههه ووو💏
بعد ما غفيت شوي.. كعدت وهيه بعدها لافه نفسها.. وادور بالتلفزيون.. اتكربت يمها خليت راسي بركبتها.. وكتلها شدورين

رفل.. ؏فلم حلو ضوجه..
حارث.. ب12 يبدي مو هسه بعد ساعه كومي سويلي عشا علما يبدي واسبح..
رفل.. اوك ماشي.. كمت جريت ملابسي بدلت وكمت كتله شتريد عشا كال اي شي..
رحت للمطبخ طلعت لحم مثروم وسويت چلي فراي.. وكليت بيذنجان وسويت سلطه بالجزر واللبن
دا اكمل اجه هوه للمطبخ.. كال ها كملتي.. كتله اي دقايق ويصير جاهز.. فتح الاكل اكل شوي وكال جيبيه يم امي اكل وراح يم امه
سمعته يحجي ويه امه ويغازل بيها وهيه تكله انته التهيت بنسوانك وخر عني... وهوه يكلها النجوم لوكثرت ما تضر الكمر يبقى ينور حياتي

دخلت عليه لكيته يبوس براس امه ويضحك وياها وهيه تضحك وتوخر بيه.. ابتمست جان تكله هااا باوع غارت مرتك مني
كتلها لا والله ما غرت ضحك هوه كال خلي الصينيه.. خليتها.. كالها يله يمه مدي ايدج.. كالتله ما اريد.. كالها والعباس ما اكل اذا متاكلين

ولم رجليه ووخر من الاكل كالتله مو هاي مرتك وياك اكل.. كالها ما تملي عيني مثلج يمه.. ويغمزلي.. ههههه
كالتله هاي الخاطرك راح اكعد.. وكعدت جرت الخبز يمها وانطتني نص كرصه ولابنها 3 كرص وهيه اتولت الباقي. هاي رادت حجه علمود تكعد ههه

اني اكلي بطيئ على كولة ماما تسميني الفاهيه.. اريد الحك عليها هيه وحارث ميتلاحكون.. استحيت شلون اتسابق وياهم ..

بقيت اكل بالزلاطه.. هوه سووه لفه  وضمها بكلينس. كالتله المن هاي ضميتها.. كالها لمصطفى خطيه يحب اللحم..
كملو الاكل واني خلصتها اباوع.. شلت الصينيه ورحت لامطبخ اجه هوه وراي.. كال هاج اكليها.. كتله لا ضمها لمصطفى
كال شبيج مصطفى نايم ورايح بسابع نومه اصلا سويتها الج بس استحيت اكول كدام امي فكلت المصطفى… لان شفتج ما اكلتي
بسته بخده وضحكنه.. كملت غسل المواعين .. وسويت اكلاص عصير برتقال وكعدت اكل.. شفت حارث طلع من الحمام دخل لغرفة فاطمه