نهوة حارث

البارت الرابع

،،،،،،،،،،،بقلم الكاتبه فطومةة،،،،،،،،،،،

رفل..دا اوخر بأيده مني كال منو هذا عمر شلت راسي بسرعه وفتحت عيوني وكلت شلووون..
حارث.. عمر ابن الاستاذ حسن شعندج وياه

رفل.. م م مما ما اعرف ما اعرفه

حارث.. مبين من المئمئه مالتج متعرفيه.. ابالج هسه تكولين هذا منين يعرفه..
واني اكولج النمله اللي تمر من جواي اعرف شتسوي.. فلا تتوقعين اني بالناصريه وانتي ابغداد ما اعرف انتي شتسوين لو شمخربطه

ذيج المره من سمعتج تحجين ويه ولد.. اخذت الرقم اللي تتصلين منه.. ووديته لشخص صديق عرفلي صاحب هذا الرقم

بحثت عن صاحبه.. طلع اسمه حسن صادق استاذ جامعي.. عمره يتعدى ال50 سنه.. فبحثت عن عائلته وعرفتهم

لكيت ابنه الجبير اسمه عمر.. تانيت بليل الساعه  اتصلت على هذا الخط.. طلعلي الولد.. عرفته نفس الصوت اللي انتي جنتي تحجين وياه

رفل.. محاجيه وياه..
حارث.. باعي جذبي علكل بس علشرطه وواحد مثلي بالذات متكدرين اعرف الجذب من عيونج.. منو هاذ56

رفل.. كعدت يمه.. كتله شرايد مني.. انته مو خاطب ..اتركني بحالي حرام عليك.. اني ما اريدك ولا حابه اعيش وياكم

حارث.. سئلت سؤال لا تتهربين منه وطلعيلي دموعج.. لزمتها من ايدها.. كتلها انتي بت عمي.. يعني عرضي.. شلون اقبلها عرضي يلعب وبمرح بكيفه..
رفل.. شنو انته متلعب متمرح بكيفك عليك حلال وعليه حرام..
حارث.. ولج انه رجال ما انعاب لو لعبت وسرحت ومرحت مراح احد يكلي غلطت.. ما انكسر ولا تتشوه سمعتي
بس انته حرمه بت تعرفين شنو بت مثل الجامه.. اذا انكسرت لو تركعين راسج بألف حايط ميتصلح ولا يرجع..

دا احجي ودخلو جهال اختي زمخت اطلعو برااا.. طلعو ..كتلها باعيلي تمشين عدل وتجرين لا والعباس ابو فاضل كتلج يصير على ايدي

رفل.. انته شعليك.. مو عايش حياتك مثل متريد وتتزوج.. فك نهوتك عني وخل اتزوج اللي اريده مثل ما انته تتزوج وتتهنه من غيري

حارث.. ولج انتي شلون صلفه.. شلون تحجين هيج كدامي.. اتزوج الاريده.. انتي ما مفروك حلكج كبل.. تحجيها كبالي اتزوج الاريده

نهوتي ما توكع منج والله.. شروك وقافل علقضيه.. وسئلي على عشك الشروك ..ما اعوف اللي الي لحد موتي

رفل.. ههه عشك.. ليش انته تعرف تعشك.. انته ما عندك غير تأمر وتصيح ويجيك كولشي علجاهز والمره لازم تصيرلك خدامه..
تستمر القصة أدناه

مثل مصارت بيبي خدامه عند جدو..
حارث.. هنا الحجي تربات حبوبتج.. ولج ما كالتلج جدي كسر كلمة ابوه علمودها.. مكالتلج هجر نسوانه علمودها.. بس هيه رادت تخزيه كبال العشاير وتكسر كلمته

واحنه عدنه كلمتنه اغلى من دمنه.. ينهدر دمنا ولا تنكسر كلمتنه.. وانتي مثل حبوبتج.. ما عندج احترام وتقدير لعاداتنه والعشايرنه واهلنه..
دنحجي وطبت فاطمه خطيبتي.. كامت رفل بسرعه.. اجت سلمت علي وتباوع لرفل.. واجو اهلها سلمو عليه..
وكعدن.. اني رجعت اكل.. كعدت فاطمه وخواتي وخواتها يسولفن يمي.. كملت الاكل.. كتلها رساله شيلي الصينيه.. كالت اي..
اجت يمي فاطمه.. كالت اشتاقيتلك.. كتلها شكرا.. كالت شبيك شنهي الياذيك.. كتله ماكو شي بس تعبان مصار ساعه من اجيت ..
خليت المخده وتمددت.. دخلت رفل ..جايبه المي الهن.. صبت وانطتهن.. مرت خالي كالت منو هاي الحلوه