،،،،،،،،،،،بقلم الكاتبه فطومةة،،،،،،،،،،،
رفل.. حارث.. شلووون مو لبست كلبيه لخاطرك بعد شتريد اكثر..
حارث.. اي يا حبيبي عايني شلون لازكه على جسمج ومطلعه تفاصيله.. الدشبول بصفحه والقماره بصفحه يا عيني بدليها
رفل.. شنو دشبول شنو قماره..
حارث.. غلسي وبدليها..
رفل.. اووو حارث كل ملابسي هيج ما احب العريض شنو قابل اني عجوز..
حارث.. يابه كنالج انتي عجوز كتلج لبسي شويه اعرض من هاي..
رفل.. هوووف ماشي.. طلعت كلبيه لون جويتي واسود بقماش فانيله.. كتلها ها وهسه
حارث.. عاينتلها كتلها هي هي اجت تكحلها عمتها.. لا حبيبي رجعي لهذيج هوااااااااي اشرفلنه.. شني بويه هاي بس شديلج وصله واركصي عايني الفتحات تكول مال فيفي عبده
رفل.. عوووع شنو فيفي عبده شبيك حارث ..وهسه..
حارث.. والله ما ادري
رفل.. هوه مو صوجك صوجي اني الكلساع مبدله وانته كولشي معاجبك.. عفته وطلعت جاي ادخل للمطبخ لزمني ورجعني عليه
كتله اوووي شكو.. كال شهرتينه ام الاووووي لا اطلعين برا ..حدج للمطبخ.. كتله اي سجن بوكا
ضحك ومشا دخل للديوانيه.. اني دخلت للمطبخ.. وكفت اخذت وذرة لحم خليتها بصمونه واكلت.. دا اكل جان فاطمه كالت
شبيج عونتج ويانه بس لابده بالغرفه.. شني خدم احنه وانتي بنت الباشا.. كتلها شسوي تعرفين حارث وخباله كلساعه جارني للغرفه
كالت باع الجذب هستوه اجه سأل عليج.. كتلها اي لان ضوجني لما صاح عليه زعلت واجه يرضيني.. اوف خبلني هلولد غيور بشكل..
تخيلي ميقبل اناولهم المواعين كتله مو هاي فاطمه تناولهم ليش بس عليه تكولي طبي جوه.. تدرين شيكولي
هيه تباوعلي صفح وتزفر بخشمها.. كتلها يكولي مو بيدي اتخبل عليج ما اتحمل احد يشوفج غيري.. يريدني بس اله..
اجت امه.. كالت عليش جاي تتماوعين.. كتلها العفو مام مدا اتماوع سئلتني واني جاوبتها.. كالت غسلي المواعين ابدالها
كتلها اي ادللي ماما بس خل اكمل اكلي.. كالت تاكلين سم انشالله.. كتلها ما اسمحلج تغلطين.. تقبلين تجي وحده لبنتج وهيه تاكل تكلها تاكلين سم
كالت شو انتي تراددين.. كتلها ما ارادد بس ما اسمحلج تغلطين.. ولو هذي تعكس ذوق .. كامت احلام كالت شنو يعني امي ماعدها ذوق
كتلها واللهي ما اعرف حسب الاسلوب.. كالت انتي شو ما تعرفين تحجين.. كتلها لان دافعت عن نفسي صرت ما اعرف احجي..
دا احجي طب حارث كال بنات الكلب صوتجن واصل بنص الزلم مو اجي ادوس ببطونجن..
امه كالته تعال تعال شوف هاي مرتك شلون تغلط عليه.. تقبلها يا ابني يا بزر بطني..
حارث.. شغلطت..
احلام.. تكل لامي انتي فد وحده ما عندج ذوق..
رفل.. والله مكلت هيج.. دا اكل وعمتي كالت غسلي المواعين بمكان فاطمه.. كتلها صار ادللي بس اكمل اكلي جان تكولي تاكلين سم انشالله
أنت تقرأ
نهوة حارث
Romantizmالقصه تتكلم عن شاب اسمه حارث وساكن بالناصريه عشائر وكذا مواليده 1975 والبطله بنت عمه ياسين اسمها رفل عمرها 16 سنه ساكنه بغداد القصه جديده بتاريخ. 2023/11/18
