نقل فؤادك حيث شئت من الهوى فما الحب الى للحبيب الاولي 💕
هلو اسمي حور ضابطة من سكان بغدادمواصفاتي بيضة طويلة شوية طولي 166غيوني عسليات شعري كويل شوية طبعا اني مو محجبة عمري 25عايشة وية بابا وماما واخواني زين وفرات واختي نرجس اني كلش عصبية ماحب احد يرفضلي طلب وكل شي اريدة احصل علية بس شي واحد بحياتي ماكدر احصل علية هو حب ابن عمي ادم اي ادم اعشقة بجنون بس هو ميحبني حتى اكثر من مرة بينتلة انو اني احبة بس هو ماجان مهتم معتبرني مثل اختة جنة كلنة بيت واحد بيت حدي جبير الي يشوفة من برة يكول قصر لانو احنة حالتنة المادية الحمد لله زينة كلش
نجي للبطل
هلو اسمي ادم عمري 32مواصفاتي معضل وعيوني نرجسيات طولي 186 اني دكتورجامعي ادرس بالكلية اني ابن عم حور عرفت انو حور تحبني بس اني مانطيتهة اي امل لانو احب طالبة تدرس يمي ومتفقين اني وياهة من تخلص دراسة نزوج
حور، كنت اعشق ادم عشق موطبيعي من الطفولة اعشقة لحد الان حتى غرفتي ماليتهة صورة ما اخلي احد. يدخللهة حتى ليشوفون الصور ويعرفون بس امي جانت تعرف بحبي اله ومنعتني منة كالت ميحبج لتعلقين بي زايد وتحبي ماجنت اسمع كلامهة بسبب عشقي الة صح احنة عائلتنة محافظة ومتدينة بس ميدخلون باحلامنة وشنو نختار منطينة كل الحرية واني كنت اتمنى اصير ضابطة وحققت حلمي ورفعت راس اهلي اصبح فترة هي فترة من دخلو داعش للعراق هواي انطينة شهداء حتى ضابطات راحن قاتلن بيوم من الايام الامر مالتنة كال جاي امر النة انو لازم مجموعة من الضباط والمنتسبين يروحون للموصل واني كنت من المجموعة الي بعثوهة خبرت اهلي بالبداية ماوافقو وكالو خطر ومنريد نخسرج طمنتهم علية واني رايحة وية مجموعة ضباط مو بس اني واذا صار شي بعد هاي مكتوبتلي الشهادة واني واجبي وعملي بالكوة يلة قتنعوا قبل يوم من التحاقي للموصل باليل نزلت اشرب مي شفت ادم بالمطبخ كلت هاي فرصة حتى اعترفلة بحبي الة لانو احتمال ما ارجع ماريد. يضل ميعرف بحبي الة دخلت للمطبخ يمة
ادم، هلا حور محتاجة شي
حور، لابس جيت اشرب مي
ادم، اوك اني راح اروح انام
حور، ادم ممكن نحجي شوية
ادم، تفضلي احجي
حور، ادم اني باجر التحق للموصل وتدري انت الوضع كلش خطر هناك احتمال مارجع
ادم، ماجنت ادري باجر تلتحقين ترجعين بالسلامة ولتخلين فكرة الموت بالج اكيد راح ترجعيلنة
حور، ادم اريد اكلك شي
ادم، كولي
حور، ادم اني احبك
ادم، حور شدتحجين بس اني ماحبج
حور، اعرف متحبني بس ردت اكلك وماخلي بكلبي احتمال مارجع اريد تعرف بحبي الك ادم اني احبك من اني صغيرة وراح اضل احبك
ادم، اني اسف حور بس اني ماحبج وان شاء الله ترجعين بالسلامة وشيلي هل فكرة من راسج عافهة وراح نام
حور، رجعت لغرفتي نقهرت وبجيت ختى مانمت حضرت ملابسي وطلعت من الفجر بس ودعت امي وابوية ماودعت اي احد اكيد جدي وجديتي راح يزعلون لانو ماودعتهم بس ماريد التقي باي احد رحت للمركز وطلعنة للموصل ضلينة 3اشهر هناك لمن رجعت كنت كلش فرحانة بس نصدمت من شفت سيارات بيتنة. صوت الموسيقى دخلت ونصدمت شفت ادم ويا عروس وهو لابس رسمي كتلهم هاي شكو كالو عرس ادم تخبلت عليهم كتلهم ادم حبيبي اني احبة ميروح لغيري تخبلت كمت الطم واملخ بخدودي رحت علية كمشتة من قميصة كتلة ليش موكتلك احبك ليش
ادم، حور اهدئي اني كتلج ماحبج اني احب نغم كوة اخواني وخروني منة وحدي كال كملو العرس ماعليكم بيهة وكال لاخواني ياخذوني للغرف ويقفلون علية الباب صح جدو كان يحبنة بس صارم علينة هواي
..
..
