حور، مرة اسبوع على روحة ادم واني صرت جسد بلا روح ادم هو روحي وقلبي ضليت الوم بروحي بس بعدين اكول شنو ذنب الاطفال هم اذا ابني عزيز علية اولاد العالم هم عزيزين على اهلهم ضليت حابسة نفسي بغرفتي ماطلع لان كل ماطلع وام ادم تضل تحجي وتدعي علية واني ماناقصني حتى دوامي عفتة اخذت اجازة وجدو صحتة ابد مو زينة كل يوم متخربط هو جان دائما يحب ادم من دون احفاذة كلهم وانوب يشوف عمو مقهور على ابنة بيوم خابر علية الرائد كال لازم تداومين خلصت اجازتج بديت اداوم بس مالي نفس بشي ضليت شهر ادوام وحياتي كلهة نكلبت منا ادم واشتياقي الة ومنا جدو ومرضة ومنا دوامي الي متعبني رجعت من الدوام للبيت واسمع صوت الصياح من البيت بسرعة طبيت اركض للبيت شفت امي واخواتي واهلي وعماتي كلهن يلطمن ويبجن رحت على امي كتلهة يمة شكو ليش تبجن
ام حور، جدج مات راح شمعت بيتنة الحنين الغالي
حور، من الصدمة ماحسيت غير اغمى علية كعدت على امي تضرب على خدي كمت بسرعة كتلهة شلون مات وليش ماكلتولي وين جدو اريد اشوفة
ام حور، راحو ابوج وعمامج للنجف يدفنو
حور، شلون يرحون قبل ماشوف جدو ليش ماكتلو ليش ماتصلتو علية ضليت ابجي علية لليل جوي عمامي وكرايبنة دخل ابوية للبيت ورحت كبل حضنتة وضليت ابجي هو هم حضني وضل يبجي قررو من باجر تبدي الفاتحة وتضل يومين
ضلينة يومين ملتهين بالفاتحة وناس طابة وناس طالعة بس تعجبت ادم ماجا ابد. يعني لهل درجة كرهني بحيث لفاتحة جدةما اجة خلصت الفاتحة والحزن خيم على البيت مشت الايام وصار اربعين جدي رحنة للنجف واني كعدت يم قبر جدي شبعت بجي لحد ما بابا كومني كال يلة بنيتي ادعيلة واقري الفاتحة خلي نرجع ماضل وكت يلة نلحك نرجع قريتلة دعاء ورحنة زرنا الامام علي علية السلام ورجعنة للبيت للوحدة باليل يلة وصلنة للبيت واني كبل رحت نمت طبعا رجعت بغرفتي القديمة عفت غرفتنة لان كلشي بيهة يذكرني بادم ويزود جروحي كعدت الصبح رحت للدوام وهيج مرت الايام بس مرت عمي ضلت تسوي مشاكل وكل ماتشوفني تذبلهة حجاية علية باليل جنة كاعدين احنة وبيت عمو عمو كال لبابا
ابو ادم، ابو حور اريد احجي وياك
ابو حور، تفضل ابو ادم
ابو ادم، ابو حور تدري بام ادم قلب والدة ومقهور قلبهة على ابنهة ومتريد. تشوف حور وتدري احنة هم ولدنة صارو شباب واريد ازوجهم والبيت ميكفي كلنة كاعدين بي
ابو حور، انطيني من الاخير
ابو ادم، نبيع اابيت ونتقاسم الورث وكل واحد. يروح بحالة
ابو حور، انت تدري ابوية جان جامعنة كلنة بهل بيت ودائما جان يكول اريدكم كلكم سوة بعدين شلون تريد تبيع البيت الي تربينة بي وتربو اولادنة بي
ابو ادم، ابوية الله يرحمة مات ومثلماكتلك احنة خير من الله والبيت هوسة
ابو حور، اني الحجي العندي كلتة والبيت مينباع تريد تطلع بيت الله وياك بس هل بيت مينباع
ام ادم، اي تريدون تطلعونة من البيت ويضل الكم البيت ينباع وكل واحد ياخذ حقة
ابو حور، ام ادم اعتقد. دحجي وية اخوية لحد. يدخل والي عندي كلتة
حور، عافهم ابوية وراح واني هم رحت لغرفتي والله يا الله ماصار شهرين من توفة جدي وهمة يفكرون بالبيت والفلوس ضل عمي يلح على ابوية ومرتة تسوي مشاكل الى ان ابوية وافق وبعنة البيت وكل واحد انتقل لبيت كلنة بجينة من طلعنة بس بيت عمي ولا مهتمين ولا عبالك عاشو بهل بيت شترينة بيت قريب على بيت جدي صح جبير بس مو مثل بيتنة القديم كملنة تعزيل البيت ورحت نمت من التعب حطيت راسي على المخدة وداهمتني الذكريات ذكرياتي اني وادم ياترة هسة هم يفكر بية مثل مافكر بي هم مشتاقلي مثل ما اني اشتاقلة هسة شلون اسمع اخبارة جنت قبل اسمعهة من اهلة هسة بعد ماكو نمت بعد تفكير طويل
