حور، نقلت دوامي وبلشت اداوم ضليت اتعب بالدوام هواي حتى من ارجع للبيت تعبانة وما افكر بادم كل عائلتي مفكرة نسيت ادم وبطلت احبة بس غلطانين بالعكس زاد حبي الة احاول ما التقي بي بس وقت الاكل حتى لا ارجع اتعلق بي وانقهر من اشوفة وية مرتة مرة على رجوعي للبيت اسبوعين ومرت ادم ماموجودة مرة جنت ضايجة طلعت للحديقة شفت ادم كاعد على المرجوحة ردت ارجع بس استوقفني من حجة
ادم، حور محتاجة شي
حور، لا مامحتاجة بس جنت ضايجة وخبيت اطلع شوية بالحديقة بس نسيت تليفوني بالغرفة وراح اروح اجيبة
ادم، حور تعاي اريد احجي وياج عوفي التليفون
حور، رحت كعدت يمة تفضل ادم احجي شرايد
ادم، حور ليش احسج تجنبين تتكلمين وياية
حور، لا ماكو هيج شي
ادم، حور اتمنى انو تكونين نسيتي الماضي واني اسف على كل شي بس اني من البداية كتلج ماحبج
حور، ادم ماكو داعي نفتح هل موصوع اني نسيت كل شي وانت هم انسة انت هسة انسان متزوج اهتم بزوجتك وبس الله يسعدكم
عفتة ورحت لغرفتي اخذت مفتاح السيارة وطلعت
ادم، وين رايحة حور
حور، راح اروح على صديقتي صعدت للسيارة وضليت امشي بيهة ماعرف وين اروح ماعندي اصدقاء ضليت افتر وكفت بمكان هادء مابي اي احد ضليت ابجي ردت اشتري مشروب بس وعدت بابا بعد. مااشرب وماريد اخلف بوعدي الة ضليت ابجي لحدما تعبت ونمت بالسيارة كعدت شفت الدنيا ليل شفت تليفوني كومة مكالمات من اهلي اتصلت على ماما
ام حور، الو بنتي انتي وين قلقتينة عليج
حور، لتخافين ماما اني يم صديقتي شوية واجي
رجعت للبيت شافتني امي
ام حور، شبيج بنتي شبيهن عيونج مورمات
حور، مابيهن شي ماما يمكن تحسس تعبانة راح اروح انام
ام حور، تعشي وروحي نامي
حور، ماريد اكلت يم صديقتي تعبانة تصبحين على خير
رحت لغرفتي بس ماكدرت انام ضليت ابجي لل1باليل يلة نمت قررت انو انسا ادم وبعد مافكر بي ماريد افكر بانسان ميحبني ولا يحملي اي مشاعر
كعدت الصبح متكسرة كمت غسلت وبدلت ورحت للدوام ضليت دايخة وراسي يوجعني لانو ماماكلة من البارحة دخلت لمكتبي قبل ما افتح الباب دخت وكعت بعد. ماحسيت على شي كعدت لكيت نفسي بالمستشفى واهلي يمي كتلهة ليش اني هنا
ابوحور، اغمى عليج وجابوج الضباط الي وياج هنا
حور، ردت اكوم
ابوحور، لتكومين بنتي ارتاحي شكلولج مغذي ولازم يخلص يلة ليش ماماكلة من البارحة لليوم
ام حور، سالتهة كالت اكلت يم صديقتي
حور، مااشتهي اكل
ابوحور، بنتي شنو متشتهين يعني هسة احسلج من وكعتي
حور، بابا اريد اطلع منا نفس لعبت من الريحة
ابو حور، هسة نطلع خلي اصيح الدكتور يجي يشوفج
حور، ماشي جا الدكتور كال مابيهة شي بس صار عدهه هبوط بالضغط ولازم تغذةزين تكدر تطلع
طلع من المستشفى رحت للبيت جبرتني امي اكل اكلت ورحت نمت ماكعدت غير لليل يلة نزلت يم اهلي شافني جدي.
جد حور، حور بنتي شبيج كالو مريضة
حور، ماكو شي جدو لتقلق مجرد هبط ضغطي لان ماماكلة شي
جد حور، بنتي انتبهي على صحتج زين ومابيج غير العافية
حور، شكرا جدو ان شاء الله انتبه على نفسي اكثر
كملت عشة وترخصت من اهلي رحت لغرفتي ضليت اكلب بالملفات وصور ادم وكلشي يذكرني بي شلتهن وذبيتهن بالزبالة وكلت لامي اريد اغير صبغ غىفتي وديكورهة لان صاير قديم ماعترضت اخذت اجازة من المركز ثاني يوم وجبت الصبغ وبلشت اصبغ بغرفتي واعدلهة جبت غرفة نوم جديدة طلعت تخبل قررت ابدي حيات جديدة واول شي اسوي ارجع اصلي وارجع لربي رتكبت ذنوب هواية بهل 3سنوات ماريد ارتكب بعد. وابتعد عن ربي اتغيرت حياتي تدريجيا بس حبي لادم ابد مانسيتة دفنتة بقلبي واستمرت حياتي وزوجت ادم ابد. ماشفتهة كلت اسال امي عليهة مو معقولة صارلهة شهر يم اهلهة
حور، شفت امي بالمطبخ وحدهة كتلهة ماما اريد اسالج سوال
ام حور، اسالي حور
حور، ماما زوجت ادم صارلي شهر من جيت ماشفتهة مو معقولة كل هل مدة يم بيت اهلهة
ام حور، وانتي ليش تسالين حور اذا بعد موضوت ادم بالج عوفي ماما احسلج
حور، لاماما افتهمتيني غلط بس لانو استغربت يعني صار شهر وهي ماكو
ادم، طلكنة
حور، تفاجت من سمعت هل كلمة لتفتت وراية شفت ادم كتله شنو
ادم، تطلكنة ورة سنة من زواجنة
حور، بس ليش مو جنت تحبهة شفتهة باوع على امي وكال
ادم، ما تفقنة اني وياهة وانفصلنة حالنة حال اي ثنين ماتفقو وانفصلو
حور، كمل كلامة وعافنة وراح ماعرفت شعوري بذاك الوقت فرح لو شنو بالضبط اعرف انو هو جان يحبهة وحتى لو هو طلقهة فهو ميحبني وماريد يرجع يتكون عندي امل بحبي الة حتى لا ادمر مرة ثانية صعدت لغرفتي ضليت افكر لحد مانمت
..
