حور، ضليت حابسة نفسة بالغرفة يومين واني ماماكلة ولاشاربة اي شي حتى اهلي ماطلعت شفتهم ماردت اشوف ادم وية غيري ورة يومين اتصل بية ضابط وياية كال راح نروح للموصل تروحين ويانة
حور، وافقت اروح ويا حتى بعد مارجع اتمنى اموت ولا اشوف ادم وية غيري رتبت ملابسي باليل طلعت الصبح من غرفتي شفت ادم ومرتة طلعو من غرفتههم واكفين سوة ويضحكون احترك قلبي من منضرهم تقربت علية كتلة صدك محد راح يحبك بكدي وعفتة ونزلت رحت ودعت بابا وماما واخواني ورحت للموصل جان الوضع كلش صعب دخول داعش ومناطق خطرة ضليت 3سنوات اني بالموصول حتى اهلي كطعت علاقتي بيهم ماردت اسمعع اي شي عن ادم او اي يربطني بي تحررت الموصل واني ضليت هناك دخلت اكثر من دورات تدريب وحصلت على اكثر من ترقية صرت انسانة مختلفة صرت اقوة ومشاعري ماتت كلشي كملت اسوي حتى انسى ادم حتى شرب كمت اشرب عفت الصلاة صرت انسانة ميتة داخليا بس جسم ويتحرك بلامشاعر بعد 3سنوات رجعت لبيتي رجعت لاهلي وصلت للفرع مالتنة شفت ابوي وادم من بعيد رجعتلي كل الذكريات كل حبي رجع ولا كان عاهدت نفسي انسا رحت اشترين مشروب وشربت بس حتى لا اتذكرة ولا اضعف ماريد يرجع حبة بقلبي ضليت لل12باليل اشرب رحعت للبيت واني مو بوعي فتحت الباب واني خطواتي مو متوازنة شافتني امي تخبلت جتي حضنتني وضلت تبجي واهلي كلهم واكفين ماصيطرت على نفسي وكعت اجة ادم شالني وحطني على القنفة كتلة
حور، ادم اني احبك ومانسيتك ليش عفتني اطلع من قلبي ماريدك اكرهك حتى غرفتي ماليتهة صورك انت بكل مكان وين ماروح ليش متعوفني ليش انت موعشت حياتك ليش قلبي ميكرهك كل الي سويتة وابتعدت3سنوات بس مانسيتك طبعا اني احجي وسكرانة ماعرف شحجي
ادم، حور انتي موبوعيج كافي لتحجين
ابوحور، شنو هاي اليوم اموتهة شنو تغيب كل هل سنين وهسة تجي بهل منضر الضاهر ماعرفت اربيهة ودللتهة زايد عن اللزوم
ادم، عمو اهدء هسة اخذهة لغرفتهة تنام ومن تكعد راح ترجع بوعيهة واحجي وياهة
ابو حور، شيلوهة من وجهي ماريد اشوف شكلهة
ادم، اخذت حور لغرفتهة فتحت امهة لباب لانو جانت مقفولة صح حور غابت 3سنوات بس محد دخل غرفتهة ضلت مقفولة محد فتحهة دخلت وانصدمت من منضر الغرفة كلهة صوري ورسائل حب معلقات على الحيطان وصورة كبيرة معلقتهة وكاتبة جواهة احبك ادم خليتهة على الجرباية وصحت لامهة حتى تغير ملابسهة وتسبحهة وتنطيهة عصير ليمون حتى تصحى طلعت وعفتهة
حور، صحيت على مي على جسمي شفت امي دغسل وجهي استوعب شوية وكتلهة اني اسبح طلعت امي وسبحت طلعت لكيتهة محضتلي عصير ليمون ودوة شربتهن ونمت ماكعدت غير للصبح كعدت الصبح وسلمت عليهم رحت على ابوية حتى اسلم عليةماقبل عرفتة لانو جيت بهل منضر كتله تهون عليك 3سنين ماشايفتك وانت متسلم علية
ابو حور، تصرفج هذا ابد مامقبول واذا عدتيهة مرة ثاتية استخدم غير اسلوب وياج افتهمتي
هزيت راسي بمعني اي وجرني الة وحضتي كمت ابجي بحضنة وخرت وجدو كال يلة حتى نتريك كلنة سوة كعدنة كلنة تريكنة
جد خور، خور بعد. متروحين للموصل
حور، حاضر جدو راح انقل شغلي هنا
جد حور، اي عفية بنتي
حور نقلت شغلي وبديت اشتغل بالمركز القريب علينة بس انتبهت على شغلة زوجت ادم ماكو كلت يجوز يم اهلهة ماسالت عليهة غلست على الوضع كلت احسن من ما اشوفهة ويرجع قلبي يتعذب
..
..
