ادم، من بعد ماطلعت من بيت جدي رحت يم صديقي يومين وبعدها سافرت لتركيا يم صديقي ضليت يم صديقي وبما انو اني استاذ جامعي فقدمت على الكليات واني اعرف لغة. قبلوني ادرس يمهم بس راتب قليل واني اريد اطلع بشقة وحدي فاقترح علية صديقي اشتغل ويا بديت اشتغل ويا بس كلش تعبت لان الصبح باالجامعة والعصر بالشغل وية صديقي طبعا نشتغل بمطعم بحيث من ارجع للبيت بسرعةانام دائما صديقي احمد يكلي على كيفك وية نفسك التدريس كافي عليك واذا على الشقة فاني محد عندي بالعكس افرح اذا تضل يمي بس اني بالعكس صح اتعب بس من ارجع بسرعة انام ماريد اضل افكر اريد الهي نفسي بالشغل لان اذا كعدتاطك واموت من التفكير والاشتياق اشتاق لاهلي اشتاق لحبيبتي اه ياحور ليش هيج دمرتينة ادري هي هم هسة مشتاقتلي بكد ما اني احبهة واشتاقلهة بس ماكد كل ما اباوع بوجهة اذكر ابنة شلون مات اذكر انو هي هدمت كل احلامي الي جنت بانيهة نمت حتى ابتعد عن التفكير وهاي حياتي صارت هيج من الجامعة للمطعم للبيت لحد ما ورة سنة دخلت للمطعم وتفاجات بالي شفته
حور، مشت الايام وترقيت بس حالة بابا مو زينة ابد وحايرين بي ماخلينة دكتور يعتب علية بعدين كالو اكو دكتور بتركيا كلش زين بس اني ماكدر اروح لان قبل فترة ترقيت وماكدر اخذ اجازة هسة رحت للعقيد كتلة اريد اسافر لتركيا والدي مريض
العقيد، حور انتي تدرين ماكد انطيج اجازةولا تكدرين تطلعين خارج البلد حاليا بس اذا رحتى بمهمة الموضوع اختلف
حور، مافهمتك سيدي
العقيد، صراحتا اكو مهمة وماكدر اثق بغيرج اكو مجرم هارب لتركيا ولازم نلقي القبض علية انتي راح تروحين تابعين الاخبار هناك بس لانو منكدر ندخل بلامن يمهم انتي بس عليج من يلزمو تروحين انتي وكم ضابط وياج تستلمي وتدزي بالطيارة اذا تمت المهمة اكدر انطيج اجازة تكملين علاج ابوج
حور، حاضر سيدي
العقيد تمام لمن تصلين لتركيا راح انطي خبر هناك حتى يحددون شوكت يلتقون بيج ويشرحولج
حور، رجعت للبيت وكلت لبابا حتى نسافر امي رادت تروح ويانة بس بابا ماقبل كاللهة تضل يم اخواني منو يضل يمهم ورة يومين سافرنا لتركيا وصلت وكلت للعقيد وانطاهم خبر وحدد بعد يومين لقاء اجرت شقة ورحنا اني وبابا حتى نستراح ونروح للدكتور نمت شوية وكعدت بدلت وكعدت بابا ورحنا للطبيب شخص حالتة وكال وحدة من كلياتة تعبانة وقلبة هم ضعيف انطانة دوة لقلبة وكال لما يتحسن شوية يلة اكدر اسوي عملية لكليتة وطمنة كال لتخافين هواي ناس عاشو بكلية وحدة وقلبة اذا انتظم على العلاج يصير زين رجعنة للبيت ورة يومين التقيت بالظباط الي بتركية واخذت منهم كل المعلومات عن المجرم دحجي وياهم وتفاجات من دخول ادم للمطعم اي هو ما متوهمة شصاير بي حبيبي ضعفان وشعرة صاير بي شيب ردت اروح يمة بس هو تجاهلني ودخل للمطعم
ادم، تفاجات بحور شجابهة لهنا قلبي احسة راح يطلغ من مكانة لا وكاعدة وية رجال وحدهم شلون عمي يقبل هيج زين معقولة لا اكيد. حور تحبني مو معقولة تزوج غيري بس ايد جدي جبرهة دخلت للمطعم يم الشباب والمدير كال او صل الطلبية للطاولة 4 والي هي نفسهة كاعدة عليهة حور رحت وصلت الطلبية وهي ولا اهتمتلي احترق قلبي يعني ناسيتني باوعت للي يمهة مو حلو بس كرشة بكدي شافت منه حتى قبلت بي وحتى ناسيتني لهل درجة حبنة ضعيف حتى تنسى قدمت الطلبية ورجعت للمدير اخذت اجازة ورجعت للبيت لان بعد ماكدر اكف من الصدمة طبعا اجرت شقة وحدي حتى ارتاح مددت على الجرباية وضليت افكر لحد ماراسي صدع كمت اخذت منوم حتى مافكر نمت
حور، نصدمت من ادم جاب الطلبية يعني يشتغل هنا بس ماكدرت احجي ويا لان اني هسة بشغل تمنيت اكوم احضنة نزلت راسي حتى ماشوفة لان ادري ماراح الزم نفسي وراح ابجي كملت الاجتماع ورحت ادور علية كالو طالع ردت العنوان بس ماقبلو ينطو
رجعت للبيت وكلت لبابا شصار وكال عوفي بنتي هو جا هنا يرتاح كم يوم واروح اني وياج اشوفة كافي صار لازم يرجع صارله هواية بالغربة
