حور، كعدت لكيت نفسي بالمستشفى وامي كاعدة يمي حاولت اكعد بس ماكدرت تلمست بطني ماكو تخبلت ضليت اصرخ ابني وين يمممة وين ابني جتي امي تحاول تهديني بس اني فقدت
يمة ابني وين ليش ماكو
ام حور، ربي يعوضج حبيبتي
حور، شنو قصدج لامستحيل ابني ميموت ويعوفني
تذكرت ادم من كلي شيصير بابنة انتي المسؤولة واذا صالة شي ماراح اسامحج يمة وين ادم
ام حور، خطية من سمعج بيج بالمستشفى وهو تخبل عبالة صارلج شي وضغطة هبط وهسة مشكليلة مغذي
حور، شبعت بجي على ابني وعلى ادم شلون راح اواجهة شوية ودخل ادم
باوع بوجهي وباوع على بطن صفن شوية وكال حور وين ابني تفاجأت يعني لحد هسة ميعرف شلون راح اكلة اهلي طلعوا من الغرفة وعافونة وحدنة تمنيت لو ميطلعون
ادم، احجي حور وين ابني
حور، والله ماردت يصيرلة شي
ادم، كتلج احجي
حور، فقدنة ابنة ابنة
ادم، اشش لتجذبين
حور، ادم حتى اني ابني وقلبي محروك علية
ادم، سكتي كتلج لتكولين ابني لو صدك تحبي مارحت وخاطرتي بحياتة كتلج لتروحين بس ماسمعتي عندتي وهسة شحصلتي كتلتي ابني كتلج اذا صار شي لابني ماسمحج كتلج تندمين
حور، ادم اسمعني الله يخليك والله ماجنت اريدة يموت
ادم، شنو الفايدة وين ابنة هسة ماكو
حور، عافني وطلع من الغرفة ضليت وحدي ابجي شوية ودخلت امي ضليت يومين بالمستشفى وادم بعد ماشفتة حتى اهلة ما اجو ولا شفتهم
ادم، طلعت من يم حور شافني ابوية كال الله يعوضك
ادم، ماكو بعد
ابو ادم، شنو قصدك
ادم، عفتة ورحت استلمت ابني شلون قلبي يتحمل احطة جوة لتراب ردتك تكبر مو تروح تعوفني بستة واخذتة دفنا اني وابوية وعمي ضليت كاعد يمة ماقبلت ارجع ضليت يومين يم صديقي. مارجعت للبيت ماريد ارجع اختنك اذا ارجع لهناك يجوز غيري يشوفني مكبر الموضوع بس لا محد حاس بوجع قلبي ماكو اكبر من فرحتة انو الانسان يصير اب ودائما اتمنى يصير عندي طفل جنت اشوف اصدقائي من يلعبون وية اطفالهم افرح من يمي وحتى من جنت مزوج نغم وكالت ميصير عندك اطفال صح كلت الحمد لله اللله ماكاتبلي يصير عندي بس ضلت غصة بكلبي ومن عرفت جذبتة فرحت ولمن هسة حور حملت حسيت امتلكت الدنيا بس اخ ياحور ليش سويتي هيج ليش حرمتيني من هل فرحة ورة يومين رجعت للبيت واني حاط بالي شغلة افضل الي
حور، رجعت للبيت الصبح انتبهت ادم ماكو وسالت علية كالو صار يومين ماكو ماجا للبيت عرفت يريد يبقة وحدة وامة حتى بوجهي ماباوعت ومن كاللي جدي الله يعوضكم هي كامت تدعي علية
ام ادم، هم عود تكتلة اللله لا يوفقج يحور مثل ماكتلتي حفيدي وج الف مرة كتلج عوفي وظيفتج لزكتي الة تداومين وج انتي لو تستحين متداومين وتشتغلين شغل زلم هسة رتاحيتي من كتلتي حفيدي
ضلت تحجي لحد ماجدي زمخ بوجهة وسكتهة صعدت لغرفتي حتى ماسمع ملامة حتى اهلي لو مو بنتهم جان هم حجو نفس الحجي بس لان اهلي سكتو الحجي مبين من وجهم ونضرتهم الي
للعصر ورجع ادم جنت نازلة حتى اشرب مي امي كالت ميصير تضلين تحركين مسوية عملية مو زين عليج شفت ادم طب للبيت رحت علية كتلة ادم حطي ادية كدامي يعني اسكتي راح على جدي الي جان كاعد بالصالة كلة جدي اريد احجي وياك بموضوع واتمنى كل البيت يسمع
الجد، اولا اكعد
ادم، كعدت يم جدي
الجدي احجي ابني
ادم، جدي اني اريد اطلك حور
حور، نصدمت بحجية
الجد، ادم شدتحجي انت اكيد هسة مقهور وضايج من حور بس مو يعني تطلكو لو كل واحد مات ابنة يطلك جان العالم كلهة تطلكت استهدي بالله ادي هسة ضايج من حور وكلنة ننفسك بس. مو يعني تطلكون وابغض الحلال عند الله الطلاك
ادم، جدي الي كلتة اخر كلام عندي اني ماكدر اسامحة لحور نطلك ونفضهة اريد اسافر اكمل دراسة خارج العراق
الجد، تكعد وتنجب مو كبرت يعني تصرف لحالك وطلاك ماكو احنة منمشي بكيفكم يوم اريد اتزوج يوم اريد اطلك وهسة يلة كوم اخذ مرتك وروحو تصافو وحل مشاكلكم حتى هي فقدت ابنهة شنو ذنبهة كوم يلة
ادم، من ايدهة الف مرة كتلهة لتروح عاندت واني الي عندي كتلة جدي اذا برضاك او لا
الجد،ادم تحترم احسلك ماكاعد تحجي وية اخوك واني كلت كلامي واشوف الي يكسر كلمتي
