حور ضليت افكر وادم طلب من بابا نطلع نتعشى اني ويا بس اني ماقبلت كتلة لتضغط علية اريد افكر
ورة اسبوع اتصل علية ادم رديت مو صوت ادم كتلة الو منو
المتصل، الو اختي انتي زوجة صاحب هذا التليفون
حور، نعم منو وياية وادم وين
المتصل، اختي صاحب التليفون سوة حادث وهسة هو بالمستشفى
حور، احس راد يغمى علية من كال هيج كبل نزلت لبابا كتلة وما انتضرتهم طلعت بسيارتي
رحت للمستشفى سالت علية دلوني على الغرفة رحت شفتة نايم ورجىة لافيهة وراسة هم لافي شبعت قهر رحت كعدت يمة بس ماطلعت صوت ورة دقايق كعد
ادم، حور هاي انتي حبيبتي هنا
حور، اي ياروح حور انت هياتني يمك
ادم، حور لتعوفيني اني احبج
حور، ماعوفك بعد والله ماعوفك
ادم، يعني حنرجع سوة
حور، صير زين والله كريم
ادم، تدرين حور من صار الحادث تخيلت نفسي راح اموت وانتي ماراجعتلي مشتاقلج حور مشتاق لايامنة سوة
حور، بست ايدة ترجع ان شاء الله
زين شلون صار الحادث
ادم، جنت داسوق السيارة وواحد ابو تريلة طلع كدامي ماصيطرت على السيارة
حور، الحمد لله طلعت سالم
ادم، الحمد لله
حور، دنحجي سوة وطبو اهل ادم واهلي وامي تعيط وتلطم
ام ادم، يبووو ابني راح
ادم، يمة هياتني كلشي مابية صلي على نبيج موتيني
ابو ادم، اسكتي يامرة فضحتينة مو هياتي ابنج كلشي مابي
ام ادم، كلة من ورة هاي الفكر فكرت ابني لو صاير بي شي
حور، تحجي وتاشر علية هسة اني شعلية
ابو حور، ام ادم مامقبولة منج هاي بنتي شعليهة
ادم، يمة حور شعلية اني سويت الحادث هي شدخلهة
حور، جا الدكتور وشاف وضع ادم كال ميحتاج يضل بعد اكثر مابي شي مجرد رضوض تكدرون تطلعو
طلعنة ادم ةطلب مني ابقة ويا بس بابا ماقبل
رجعت للبيت اني وبابا سالتة ليش ماقبل اضل
حور، بابا ليش ماقبلت ابقة يم بيت عمي
ابو حور، احسن بنتي ماشفتي مرو عمج شلون حجو اوىماجتي اذا تبقيز يمهم راح تسممج بحجيهة
حور، فعلا بابا يعني ابد متغير طبعهة اني شعلية
ابو حور، ماعليج بيهة حبيبتي انتي احلا بنية وجه الخير مو فكر
حور، تسلملي يا احلى اب
صعدت لغرفتي حتى اغير ملابسي لان جنت ملابس الدوام راجعة من الدوام وخابر علية الي كالي على ادم رحت سبحت وبدلت اتصل علية ادم كال ليش ماضليتي يمي
كتلة بابا ماقبل
ادم، بس اصير زين اجي عليكم حت. نرجع سوة واشوف ابوج شلون بعد مايقبل
حور، هه الله كريم
ادم، حور خما ضجتي من كلام امي تدرين بيهة جانت خايفة علية وحجت هيج
حور، لا عادي ماضجت
سديت الاتصال من ادم بعد ماخلصنة حجي ونمت لان تعبانة كلش
كعدت الصبح رحت للدوامي وهيج مرت الايام عادية اني وادم نحجي بس اتصال لان رجله بعدهة توجعة وعمي ميخلي يطلع الا تطيب مر اسبوع وادم صار زين وجا هو وعمي وامة بس امة مبين عليهة ماقابلة
ادم، بالموت يلة رجلي صارت زينة وخلص الاسبوع كلت لبابا انروح لبيت عمي حتى ارجع حور واذا تريد حتى عرس اسويلهة
ام ادم، اي بخت يسويلهة عرس
ادم، تدلل علية حور طبعا امي سكتت وماحجت شي لان ابوية هددهة اذا ماقبلت ارجع حور بعد ماصارت عرايك هي وابوية وهددهة يطلكهة يلة
رحنة لبيت عمي باليل وابوية فتح النوضوع وية عمي بس فاجئنة عمي بجوابة
حور، اجوي بيت عمي اهل ادم وكعد وعمي فتح موضوع رجعتي لادم طبعا اني انطيت موافقتي لادم
بس بابا فاجئنة من كال
ابو حور، ابو ادم انت اخوية وعلى عيني وراسي وادم هم ابني واني افرح إذا حور رجع لادم بس عندي طلب اذامانفذة ادم اني ماقبل ترجع
ابو ودم، كول ياخوي شتريد احنة حاضرين
ابو حور، اىيد ادم ياخر بيت وحد لبنتي ويكعدون بي
ام ادم، لا عيني اني ابني ميطلع ييت واحد
ادم، عمي انت تدري اخوي حسين بنى بيت وقريبا راح يطلع واهلي ماعدهم غير بس احنة اذااني هم طلعت اهي منو يبقى عدهم
ابو حور، اني هذا شرطي اذا قبلتو من باجر حور ترجع واذا لا فهاي بعد بكيفكم
ابو ادم، هاهية ابو حور تدلل اذا على البيت من باجي ادم يدور بيت قريب ويشتري وحتى اذة تريدون انسجل نص البيت باسم حور هم قابل احنة اهل ماكو بينة هة سوالف وحور ربت كدام عيني وبحسبت بنتي
ابو حور، بارك الله بيك هاهية عيني لعد هاي جدامكم كلكم بس يكمل ادم البيت حور ترجعلة
حور، راحو اهل ادم
اتصلت على ادم حتى اسالة ليش ماقبل
ادم، حبيبتي والله لعد اني ما افرح نكعد بيت وحد بس تدرين اهلي منو الهم بعد
حور، ادم لتزعل مني بس انت تدري بامك متحبني واذا ضلينة وياهم راح تضل مشاكل فاحسن شي نطلع بيت وحد وبعدين اذا قريب يمهم تكدر بكل وكت تروح عليهم
ادم، ماشي حبي من باجر ان شاء الله ابدي ادور على بيت قريب
حور، بدة ادم يدور بيت لحد ورة اسبوعين يلة لكة مشتمل صح صغير بس حلو ردنا بس ناجرة بس عمي وادم ماقبل عمي كال اني عد كلمتي ونص البيت يسجل باسمج صدك اشترو البيت وسجلو نصة باسمي واتفقنة بعد يومين يجي الشيخ حتى نرجع نعقد اني وادم ونروح للبيت اتصل علية ادم باليل قبل يوم كال
ادم، حبيبتي محضرلج مفاجئة
حور، شنو المفاجأة
ادم باجر الصبح راح تعرفيهة
نمت والصبح كعدتني امي كالت ادم جابلج هدية فتحتهة طلعت فستان ابيض يخبل
اتصل ادم علية
ادم، ها حبي وصلتج الهدية
حور، ادم يخبل تسلم حبيبي
ادم، بعدمفاجئة الثانية بدلي وانزلي جوة راح يجيج اخوي حسين يوديج للصالون اريدج عروس تدخلين بيتج
..
