حور بديت اجهز للعرس ومنا دوامي تعبت كلش وانوب ادم ميفك عني كاضيهة بس يتغزل بية واني اتمنى الكاع تنشك وتبلعني من المستحة بيوم جنت طالعة وية امي حتى اشتري ملابس شفت مرة تلحكنة من محل لمحل كلت يجوز صدفة بس بعدين انتبهت عليهة تباوعلي بنضرة ماعرفت افسرهة واني بطبيعة شغلي ااكد على هل اشياء وانطيهن اهمية
رحت حتر اكدر الملابس جان هي تلحكني كالت اني حور تفاجائت منين تعرف اسمي كتلهة اي تفضلي
كالت انتي خطيبة ادم
كتلهة اي كالت انصحج تبتعدين عن ادم لان هو ميحبج
حور، انتي منين تعرفين ادم وشهل كلام ادم يحبني وبعدين منو انتي وتحجين هل حجي
كالت، هو ميحبج بعدة يحب زوجتة وانتي زوجج حتى ينساهة بس هو ماراح ينساهة يحبهة وانصحج تبتعدين عنة
حور، انتي شدتحجين اولا هو طلقهة يعني. مو زوجتة وادم يحبني واني اعرف هذا الشي مستحيل اصدك بكلامج عفتهة ومشيت حتى ملابس ماشتريت رجعت وامي لطريق كلة تسالني شبيج كتلهة مابيه شي بس راسي يوجعني رجعت للبيت رح لادم وحجيتلة كل شي وصفتلة شكله وهو عصب كال خلي تولي ماعليج بيهة كتلة ادم انت بعدك تحبهة لنغم
ادم، حور اني لو بعدني احبهة ماجان خطبتج ولاكتلج احبج اني احبج الج حور لااريد انسى بيج احد انتي دخلتي قلبي
حور، سوال
ادم، جواب
حور، ولا مرة كتلي ليش تطلكتو انت ونغم اني ماريد تكون اسرار بينة اني وياك صح هذا الشي خاص بيكم بس اني هم راح اصير زوجتك ولازم اعرف
ادم، تنهد تعاي اكعدي خلي اسولفلج بس حور ماريد هل كلام يطلع اريد. يكون بينة وعديني
حور، وعد
ادم، صح اني. حبيت نغم بس هي مايوم. حبتني جانت تريد فلوسي مو اني ولمن ماصار عدنة اطفال راحت على دكتورة سوت فحوصات كالت مابية شي وقنعتني اسوي تحاليل سويت تحاليل طلع عندي عقم
حور، شهكت يعني انت عندك عقم
ادم، انتضري ياعيني جايج بالحجي اي مثل ماكتلج طلع عندي عقم ضليت مقهور وهي تواسي بيه كتلهة اني ماريد اضلمج اذا تردين ننفصل كالت لا اني احبك واريد ابقى وياك طلعت تريد. تبقى على فلوسي مو لخاطري وفدمرة رجعت للبيت من الدوام من وكت سمعتهة تحجي هي واختهة تكللهة زورت لتحليل حتى يبين . عندة عقم مو اني همزين صدك حتى اضل هنا عايشة وشبعانة فوس وهم اضحك علية ومددلني عبالي عايشة ويا على سواد عيونة واني احبة وراضية بي عاد اني هنا تخبلت طبيت للغرفة كطعتهة تكطع ودزيتهة لاهلة وطلكتهة حاولت اكثر من مرة ترجع بس. ماقبلت ارجعهة اني هيج مرة ماتشرفني تكون مرتي خلتني اعيش بذنب صح حبيتهة بس مو مثل حبي الج لا يختلف وهاي الي جتي عليج ليوم اكيد اختهة
حور، الله يسامحهة
ادم، حور اريدج دائما تثقين بية وبحبي الج
حور، اثق بيك اكثر. من نفسي وانت هم ثق بية وبحبي الك
ادم، اثق بيج اكثر من روحي يلة هسة خلي نطب جوة هسة يجي جدي يرزلنة من يوم لخطبنة وخانكني لتحجي وية حوور لتكعدون سوة عبالك مو مرتي خاطفج
حور، ههه
ادم، اي ضحكي ميلوكلج الزعل
حور، بس زعلتني من قبل سنين
ادم، جنت حيوان وغبي بس اوعدج راح اعوضج عن كل شي
حور، لاحشاك حبي
تدم، شكلتي
حور، حشاك
ادم، لا الي بعدهة
حور، ماكلت شي خلي نطب للبيت
ادم، لزمت ايدهة اذا ماكلتي شكلتي ماخليج تفوتين للبيت
حور، حبي
ادم، اه قلبي
خور، عفتة وطبيت للبيت فرحت كلش لانو ادم يحبني دخلت للبيت وحصلت رزالة من جدو لانو ماقبل نكعد اني وادم سوة يكول ميصير بعدكم خاطبين من تزوجون عود. اشبعو كعدات عاد. صدك كمنة منشوف بعض الي بالسر عبالك مراهقين ههه
..
...
اسفة على التاخير هل فترة بس تعرفون امتحانات والقصة راح اوقفهة حاليا منا لعطلت نص السنة
♥♥
اتمنى تعجبكم لقصة ❤
