حور، ضلينا اني وبابا بيت ادم اسبوع وباب تحسنت صحت قلبة وحدد الدكتور العملية بعد يومين ومهمتي هم بلشت تخلص وادم ابد مايحجي وياية كانما ماموجودة بس وية بابا يحجي حتى تكفل بكل علاجة وروحتة للدكتور لانو يتقن اللغة احسن مني بالبداية ماقبلت يدفع العلاج بس هو اصر جنت كاعدة بالغرفة كمت اكضي يومي كلة بالغرفة اذا ميريد يشوفني ماحخلي يشوفني دكت علية ماما تسال عن صحت بابا
ام حور، الو شلونج حور ابوج شلونة
حور، الحمد لله ماما زين حاليا وعمليتة بعد يومين
ام حور، ان شاء الله اطينيا احجي ويا لان ددك علية وميجاوب
حور، لحضة ماما يجوز ماسمعة هسة انطيجيا
رحت وديت التليفون لابوية جان كاعد وية ادم
حور، بابا ماما تريدك
ابو حور، انطينياهة
حور، اخذ بابا التليفون وراح لغرفتة ردت ارجع للغرفة جان ادم يكول
ادم، حور ميحتاج تبقين اربع وعشرين ساعة بالغرفة
حور، ماريد اسببلك ازعاج اذا انت متريد تشوف وجهي اني لما بابا وعلاجة ماضل هنا
ادم، حور شهل حجي ترة انتي بت عمي وابوج عمي ماكو اي ازعاج انتو عائلتي اذا اني ما وكفت وياكم منو يوكف لعد وبعدين منو كال ماريد اشوف وجهج
حور، هاا
ادم، قصدي كتلج انتي بت عمي ماريد نضل بالماضي وهشة تكدرين تاخذين راحتج بالبيت لتضلين حابسة نفسج
حور، ماشي عفتة ورحت للمطبخ مادام ماعندي شي خلي اطبخ خطية ادم هم متكفل بالعلاج وهم يجيب اكل جاهز عود اني انثى هنا ولو هو اني شعرف اطبخ يلة خلي اشوف شيطلع من ايدي اسوي
فتحت الثلاجة شفت شجر ردت اسوي بس تذكرت ادم ميحبة عاد طلعت بامية سويت بس صراحة صارت كلش طيبة طبخت وياهة تمن خلصت رحت صليت وصبيت غدى صحت لبابا وادم حتى يتغدون
ابو حور، عاشت ايدج حبيبتي ولا عرفتج تطبخين هيج الطعم يخبل بس اكيد ماكو اطيب من طبخ امج
ذكرتيني بالباميا الي تسويهة تخبل
حور، ههه بالعافية بابا
ادم، عاشت ايدج الاكل طيب
حور، بالعافية
خلصو غدة سويت جاي وغسلت المواعين وصبيتلهم جاي ورحت اني للغرفة ساعة والباب ندكت عبالي بابا فمالبست شال كتلة تفضل دخل ادم بسرعة حطيت الشال على راسي
ادم، اسف بس انت كتي تفضل
حور، ماصار شي بس عبالي بابا
ادم، اجيت اخذ ملابسي وغراضي اذا ماعندج مانع
حور، لا اكيد تفضل الغرفة غرفتك ليش تاخذ اذن
ادم طول ماهي بيتي واني كلبي ميت عليهة انوب حابسة نفسهة بالغرفة هو اني جبتهة يمي حتى اشبع منهة الى ان طكت روحي وكتلهة انو ميحتاج تبقى حابسة نفسهة راحت للمطبخ اني كلت هسة تحرك المطبخ لانو هي متعرف تسوي شي اتذكر مرة كتلهة اريد تسويلي كيكة ورة ساعة رحت شفتهة بالمطبخ والكيكة محتركة لمن كتلهة ليش حركيتهة كالت لا هاي بالكاكاو مو محتركة بوكتهة شبعت ضحك عليهة
طلعني من صفنتي صوتهة وهي تصيح على الغدة باوعت للساعة ب1اوهاي اني كل هل وكت سارح بافكاري رحت حتى اتغدة بس تفاجات بطبخهة كلش طيب ومنا اني احب الباميا وصار سنة ماماكلهة كملت ورحت صليت وكعدت بالصالة خابرني صديقي حتى نطلع دورت قميصي الاسود ماكو رحت للغرفة حتى اخذ دكيت الباب كالت تفضل دخلت وشفتهة بلا حجاب وشعرهة مثل الليل نازل على متنهة شكد احب شعرهة هي بسرعة حطت الشال على راسهة كتلة اخذ ملابس اخذت ملابسي واني عيني عليهة كلش مشتاقلهة مرات اتندم لان عفتهة هي هم خصرت ابنهة المفروض ماعوفهة بس من اتذكر هي السبب اكول لا سويت الصح لانو هي هم كسرت ثقتي بيهة وهم خسرت ابني بسسببهة طلعتمن الغرف ورحت بدلت بالحمام ورحت لصديقي طلعنا لل12باليل يلة رجعت شفت حورطالعة من الحمام طالعة حلوة
حور، طلع ادم من الغرفة واني نمت كعدت العصر نضفت البيت وسويت عشة انتضرتة مارجع صبيت لبابا عشة واني ماشتهيت شي غسلت المواعين وضميت عشى لادم
ورحت نمت حلمت بحلم مزعج كعدت لكيت نفسي عركانة رحت سبحت طلعت من الحمام صار ادم بوجهي كتلة تريد اسويلك عشة
ادم، ها لا متعشي برة عفتهة ورحت حتى انام بس منضرهة ضل بالي ضليت اتكلب بمكاني لحد ما نمت
حور، راح ادم نام واني هم رحت مشطت شعري حاولت انام بس ماكدرت ضليت اتصفح بالفون ب3يلة نمت
..
.
