حور، حاولت ابتعد. عن ادم بحيث صرت اجنبة ومالتقي بي حتى وقت الطعام اكل وحدي بغرفتي رجعت لصلاتي وتحجبت كلهة تفاجات من تغيري قررت اعيش حياتي لنفسي وبس اول يوم لبست بي الحجاب كل زملائي تفاجأو بتغيري وشجعوني على هل شي
كعدت لصبح ورحت للدوام دخلت شفت بوجهي زميلي ضابط علي طبعا هو معجب بية واكثر من مرة كال انو هو يحبني بس اني جنت ارفض بسبب. حبي لادم شافني وكال
علي، يابة شدعوة هل حلا خفي علينة
حور، شكرا لعيونك لحلوات
علي، يمعودة منيلهن حلوات ليكول حول خما مثل عيونج يردن العافية
حور، خجلت من كلامي متعود يحجي وياية بهذا الاسلوب
علي، حلو طالع الحجاب عليج
حور، شكرا ممكن اروح عندي. شغل
علي، تفضل روحي
حور، مشيت شوية وكال
علي، حور ماتفكرين بالموضوع مرة ثانية
حور، اني اسفة علي بس ماكدر ماريد ازوج شخص واني ماحبة اتمنى تحصل على البنية الي تحبك
علي، الله كريم بالتوفيق بشغلج
حور، التوفيق الك هم
دخلت لمكتبي وضليت احقق قضاية اشكال والوان خطف قتل كل شي دخت لما خلص الدوام رحت للبيت دخلت شفت جدو كاعد بالصالة رحت سلمت علية هلو جدو شلونك
جد حور، هلا بنيتي وين هل فترة مدنشوفج حتى على الطعام متكعدين ويانة احد مضوجج
حور، لاجدو محد مضوجني بس عندي شغل وقضاية دشتغل عليهن ماعندي وقت تعذرني
جد حور، بنتي احنة متعلمين وقت الطعام كلهة تكعد تاكل سوة وتعوف شغلهة ماريدج بعد تاكلين وحدج
حور، حاضر جدو
ام حور، يلة بنيتي كومي غسلي وبدلي لما نصب غدة وتعاي اكلي
حور، ماشي رحت لغرفتي سبحت وبدلت ونزلت جوة شفتهم ديتغدون كعدت وياهم تغديت كملت وصعدت لغرفتي نمت كعدت المغرب صليت ونزلت جوة يم امي شفتهة دتسوي كيكة ساعدتة وسويت وياهة عشة امي كالتلي ارتاحي انتي تتعبين بالشغل كتله لا اليوم عاجبني اطبخ وياكم اجني بنات عمي ومرت عمي هم كتلهم اليوم اني اطبخ انتن ارتاحن كملت لعشة وصبينا كلهة تعجبت بالاكل الي اني طبختة عبالهم ماعرف اطبخ
الجد.، عاشت ايدكم اليوم الاكل كلش طيب منو طبخ
ام ادم، حور اليوم طبخت ماشاء الله طبخهة كلش طيب
حور، بالعافية
ادم، ماجنت اعرف هيج تطبخين اكل طيب قبل ماجنتي تعرفين تطبخين
حور، تعلمت من جنت بالموصل
ادم، عاشت ايدج
حور، بالعافية عليكم
كمنة اكل صعدت لغرفتي صليت وكعدت على التليفون شوية وجتني رسالة من رقم ادم كاتب
(تعاي جوة بالحديقة اريد احجي وياج)
كتلة جاية لبست شالي نزلت جوة شفتة كاعد على المرجوحة
كتلة سلام
ادم، هلا تعاي كعدي وميحتاج تلبسين حجاب انتي بالبيت
حور، بس ميصير انت ابن عمي لازم البس كدامك
ادم، حور اتصرفي على راحتج بالبيت
حور، ماشي ردت شي
ادم، حور اريد نفتح صفحة اني وياج نكون اصدقاء ماريد يضل هل هل حاجز بينا اريد ننسى الماضي ونبدا من جديد
حور، اني بالنسبة الي نسيت كل شي بالماضي واني اسفة يمكن جنت مافكر زين او كنت مراهقة
ادم، يعني هسة اصدقاء
حور، ابتسمت اصدقاء
ادم، شنو رائيج نطلع اني وياج بمناسبة صداقتنة
حور، وين
ادم، مادري نطلع ونشوف
حور، ماشي بس خلي اغير ملابسي
ادم، حورصدقا ماكو داعي تلبسين حجاب كدامي لتتقيدين وياية
حور، ابتسمت الة ومشيت ضليت افكر شنو قصدة اني هو. مثل اخوية وماكو داعي البس شال كدامة رحت بدلت لبست فستان كلوش من جوة وشوية قصير لون اسود اكثر لبس اسود او الوان غامقة ولبست ويا شال وردي فاتح طلع حلو علية نزلت شفت ادم واكف يم السيارة وبايدة جكارة ومكتف ادية شافنة ضل شوية صافن بعدين كال يلة نروح صعدت بالسيارة ويا وضلينة نمشي وصلنة يم محل يبيع عصائر وحب وكرزات وكفنة يمة
ادم، شنو تحبين اجيبلج
حور، عصير توت وكرزات
ادم، ماشي
راح شوية وجا جايب ويا عصير وكرزات وعصير برتقال الة كال راح اخذج مكان حلو
حور، وين
ادم، نوصل وتشوفين بعينج
وصلنة لمكان كلش حلو حديقة وبيهة اشجار واكو مصطبات كعدنة عليهن شربت لعصير وكعدنة نباوع للاشجار
شوية وفاتو شباب من يمنة ضلو يذبون كلام
كام ادم وضرب واحد. منهم على وجهة كتلة ادم عوفة ضل يضرب واصدقاء الولد كلهة التمت على ادم شفتهم ديردون يضربو اني وكفت وية ادم
الولد، يابة وطلعت شرسة وتريد. تقاتل هي هم لا حياتي احنة منضرب بنات
حور، ليش انت هم حاسب نفسك زلمة
ادم، حور ابتعدي منا لتاذين
الولد اسمعي كلامة
حور، هه بعدكم ماعرفتو منو اني طلعت تليفوني وخابرت على علي وكتلة عليهم ضل ادم يتعارك وياهم دقايق واجة علي هو دورية ويا اخذو الشباب ورادو ياخذون ادم كتلهم لاعوفو ماسوة شي همة تهجمو علية جا علي علية
علي، حور خما تاذيتي اذوج بشي اكسر راسهم كان مبين خايف علية من كلامة لزم ايدي
حور، سحبت ايدي منه لاعلي مابيه شي
ادم، يلة حور نرجع للبيت يحجي وهو مبين على لضوجة من شاف على لزم ايد حور
حور، رحت على ادم شفت ايدة تنزف كتلة ادم ايدك تنزف خلي اعقملكياهة
ادم، ميحتاج شي بسيط هسة ارجع للبيت واعقمة
حور، رجعنة للبيت وعقمت جرح ادم ورحت لغرفتي نمت
..
